அமெரிக்க விமானம் தாங்கி கப்பல் கடற்படை பயிற்சிக்காக இந்தியப் பெருங்கடலில் நுழைந்தது

by **ayyasamy ram** Tue Jul 21, 2020 5:11 pm

புதுடெல்லி

தென் சீனக் கடல் பகுதியில் சீனா 90 சதவீதம் பகுதியை உரிமை கொண்டாடி வருகிறது. இது குறித்து இந்தியா நீர்வழிகள் உலகளாவிய பொதுநலன்களின் ஒரு பகுதியாகும் என்று கூறியுள்ளது.

அந்தமான் மற்றும் நிக்கோபார் தீவுகளுக்கு அருகிலுள்ள இந்திய போர்க்கப்பல்களுடன் கடற்படைப் பயிற்சியில் பங்கேற்க அமெரிக்க கடற்படையின் விமானம் தாங்கி கப்பல் யுஎஸ்எஸ் நிமிட்ஸ் இந்தியப் பெருங்கடலுக்கு வந்துள்ளது.

இந்தியாவிற்கும் சீனாவிற்கும் இடையே நடந்து வரும் எல்லை தகராறின் மத்தியில் நடைபெற்று வரும் இந்திய கடற்படையுடன் கூட்டுப் பயிற்சிக்காக யுஎஸ்எஸ் நிமிட்ஸ் வந்துள்ளது.

பரந்த ஆசிய-பசிபிக் பிராந்தியத்தில் சீனாவின் போர்க்குணமிக்க அணுகுமுறைக்கு மத்தியில் இதனை பதிலடியாக வல்லுனர்கள் கருதுகிறார்கள்.

அமெரிக்க கடற்படையின் விமானம் தாங்கி கப்பல் சனிக்கிழமை மலாக்கா நீரிணை வழியாக இந்தியப் பெருங்கடலில் நுழைந்தது

யுஎஸ்எஸ் நிமிட்ஸ் மற்றும் யுஎஸ்எஸ் ரொனால்ட் ரீகன் சுமார் 100,000 டன் எடையுள்ளவை மற்றும் 90 போர் விமானங்களை சுமக்கக்கூடியவை.

அந்தமான் மற்றும் நிக்கோபார் தீவுகளுக்கு வெளியே உள்ள பயிற்சிகளில், பல இந்திய கடற்படை போர்க்கப்பல்கள் பங்கேற்கின்றன. இவற்றில் நீர்மூழ்கிக் கப்பல்களும் அடங்கும். அந்தமான் மற்றும் நிக்கோபார் படைப்பிரிவு (ANC) மற்றும் கிழக்கு கடற்படை பிரிவு (ANC) ஆகிய இரண்டிலிருந்தும் கடற்படை கப்பல்கள் பயிற்சிகளில் பங்கேற்கின்றன.

தினத்தந்தி

by **Muthumohamed** Wed Jul 22, 2020 11:56 pm

சீனாவிற்கு வயிறு பற்றி எரியுமே

அமெரிக்க விமானம் தாங்கி கப்பல் கடற்படை பயிற்சிக்காக இந்தியப் பெருங்கடலில் நுழைந்தது

அமெரிக்க விமானம் தாங்கி கப்பல் கடற்படை பயிற்சிக்காக இந்தியப் பெருங்கடலில் நுழைந்தது

Re: அமெரிக்க விமானம் தாங்கி கப்பல் கடற்படை பயிற்சிக்காக இந்தியப் பெருங்கடலில் நுழைந்தது