கொரோனா பரவல் காரணமாக: முதன் முறையாக நோபல் மெகா விருந்து நிகழ்ச்சி ரத்து

**ayyasamy ram** · **ayyasamy ram** Wed Jul 22, 2020 6:39 am

-

ஸ்டாக்ஹோம்:
இந்தாண்டு நோபல் பரிசு வழங்கும் விழாவில் நடக்கவுள்ள
பாரம்பரிய மெகா விருந்து நிகழ்ச்சி ரத்து செய்யப்பட்டுள்ளதாக
தகவல் வெளியாகியுள்ளது.

2020-ம் ஆண்டில் மருத்துவம், இயற்பியல், வேதியியல், இலக்கியம்,
அமைதி மற்றும் பொருளாதாரம் ஆகிய துறைகளில் சிறப்பாக
பணியாற்றிவர்களுக்காக, நோபல் பரிசு வழங்கப்படுகிறது.

ஒவ்வொரு ஆண்டும், டிச., 10ம் தேதி, நோபல் பரிசு வழங்கும் விழா
நடைபெறும்.

ஐரோப்பிய நாடான நார்வே தலைநகர், ஓஸ்லோ நகரில் அமைதிக்கான
பரிசும், ஸ்வீடன் தலைநகர், ஸ்டாக்ஹோம் நகரில், மற்ற ஐந்து
துறைகளுக்கான நோபல் பரிசும் வழங்கப்படுகிறது. அப்போது
ஸ்டாக்ஹோம் நகரில் வழக்கமான மெகா விருந்து நிகழ்ச்சி நடக்கும்.
இந்த விருந்தில், சுவீடன் நாட்டு அரச குடும்பத்தினர் உள்பட உலகம்
முழுவதும் 1,300 வி.ஐ.பி.க்கள் கலந்து கொள்வர்.

கொரோனா பரவல் காரணமாக இந்தாண்டு இந்த விருந்து நிகழ்ச்சி ரத்து
செய்யப்பட்டதாக அறிவிக்கப்பட்டது.

இது குறித்து நோபல் பரிசு பவுண்டசேன் இயக்குனர் லார்ஸ் ஹேய்கன்ஸ்டீன்
கூறியது,

வழக்கமாக நடைபெறும் இந்தாண்டு நோபல் விருந்து கொரோனா தொற்று
காரணமாக தற்போதைய சூழ்நிலையில் நடத்த முடியாத நிலையில் ரத்து
செய்ய முடிவு செய்யப்பட்டுள்ளது என்றார்.

இதன் மூலம் கடந்த 1956-ம் ஆண்டு இரண்டு உலக போர் காரணமாக ரத்து
செய்யப்பட்டதற்கு பின்னர் முதன்முறையாக இந்தாண்டு கொரோனா பரவல்
காரணமாக ரத்து செய்யப்பட்டதாக கூறப்படுகிறது.

தினமலர்

கொரோனா பரவல் காரணமாக: முதன் முறையாக நோபல் மெகா விருந்து நிகழ்ச்சி ரத்து

கொரோனா பரவல் காரணமாக: முதன் முறையாக நோபல் மெகா விருந்து நிகழ்ச்சி ரத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக