“போலி பெட்ரோல் பங்க்கா? தமிழ்நாடு அரசு என்ன செய்தது” ஐகோர்ட்!

முன்னாள் போலீஸ் கமிஷ்னர் ஏ கே விஷ்வநாதன் பெயரில்
போலி தடையில்லா சான்றிதழ் அனுப்பிய வழக்கில் பல
அதிர்ச்சி தகவல்கள் வெளியாகி வருகிறது...

சென்னையில் போலியான ஆவணங்களைக் கொண்டு
32 பெட்ரோல் பங்குகள் செயல்பட்டு வருவதாக தமிழ்நாடு
அரசு சென்னை உயர் நீதிமன்றத்தில் தகவல் அளித்துள்ளது.

இந்த கணக்கு கடந்த மார்ச் 18ஆம் தேதி வரைதான் என்றும்
அந்த உத்தரவில் அரசு கூறியுள்ளது.

ரூ. 5 லட்சம் பெற்று சென்னை கமிஷ்னர் அலுவலகத்தின்
பெயரில் போலி தடையில்லா சான்றிதழ் வழங்கப்பட்ட வழக்கில்
அடுத்த அதிர்ச்சி தகவல் வெளியாகியுள்ளது. இந்த வழக்கை
மத்தியக் குற்றப்பிரிவு போலீஸ் விசாரித்து வருகிறது.

வழக்கின்படி, ஆர் கே நகரைச் சேர்ந்த சிவக்குமார் என்பவர்
பெட்ரோல் பங்குகள் உள்படப் பல நிறுவனங்களுக்குப் போலி
தடையில்லா சான்றிதழ் வழங்கி வந்துள்ளார்.

இந்த தடையில்லா சான்றிதழ்கள் முன்னாள் சென்னை போலீஸ்
கமிஷ்னர் ஏ கே வி விஸ்வநாதன், போலீஸ் கமிஷ்னர் அலுவலக
துணை கமிஷ்னர் பெயர்களில் தயாரிக்கப்பட்டது விசாரணையில்
தெரியவந்தது.

இதையடுத்து சிவகுமாரைக் குண்டர் தடுப்புச் சட்டத்தின் கீழ் கைது
செய்யப்பட்டு சிறையில் பிப்ரவரி மாதம் அடைக்கப்பட்டார்.
இதற்கிடையே சிவகுமாரின் மனைவி லலிதா சென்னை
உயர் நீதிமன்றத்தில் ஆட்கொணர்வு மனு ஒன்றைத் தாக்கல்
செய்தார்.

இந்த மனு மீதான விசாரணையின்போது சென்னை உயர் நீதிமன்றம்,
போலி சான்றிதழ்களோடு தொடங்கப்பட்ட பெட்ரோல் நிலையங்கள்
குறித்து என்ன நடவடிக்கை எடுக்கப்பட்டுள்ளது எனக் கேள்வி
எழுப்பியது.

இதற்குப் பதிலளித்த தமிழ்நாடு அரசு, “கடந்த மார்ச் 18ஆம் தேதி
வரை சிவக்குமார் கும்பலிடமிருந்து தடையில்லா சான்றிதழ்
பெற்று, 32 பெட்ரோல் பங்குகள் தொடங்கப்பட்டுள்ளது.

இந்த விவகாரம் தொடர்பாக மத்திய குற்றப்பிரிவு போலீச்சார்,
மத்திய தொழில் வர்த்தக அமைச்சகம், பெட்ரோலியம் வெடிமருந்து
பாதுகாப்பு அமைப்பின் தலை கட்டுப்பாட்டாளர் உள்ளிட்டோருக்கு
32 கடிதங்களை அனுப்பியுள்ளது” எனப் பதில் அளித்தது.

மேலும் அந்த பதிலில்,
“குற்றப்பிரிவு போலீஸ் அனுப்பிய கடிதங்களுக்கு எந்த பதிலும்
இதுவரை வரவில்லை” என்றும் குறிப்பிட்டது. இந்த சிவக்குமார்
கும்பல் இதுவரை 74 போலி தடையில்லா சான்றிதழ்கள்
வழங்கியுள்ளதாகவும் அதன் அடிப்படையில் பல இடங்களில்
பெட்ரோல் பங்குகள் தொடங்க பணிகள் நடந்து வருவதாகவும்
தெரிகிறது.

தமிழ்நாடு அரசின் இந்த பதிலையடுத்து, மத்திய தொழில் வர்த்தக
அமைச்சக செயலாளர், பெட்ரோலியம் வெடிமருந்து பாதுகாப்பு
அமைப்பின் தலைமை கட்டுப்பாட்டாளர் ஆகியோரை எதிர்
மனுதாரர்களாக நீதிமன்றம் சேர்த்துள்ளது.

அதோடு, போலீஸ் அனுப்பிய கடிதத்திற்கு ஏன் இப்போதுவரை
பதில் வரவில்லை என்பது குறித்து விரிவான பதில் அளிக்கவும்
உயர் நீதிமன்றம் உத்தரவிட்டுள்ளது.

அதேவேளை சிவக்குமார் உடல்நிலை மோசமாக உள்ளதாகவும்,
அவருக்குத் தேவையான மருத்துவச் சிகிச்சை வழங்க அதிகாரிகள்
நடவடிக்கை எடுக்க வேண்டும் என நீதிமன்றம் அறிவுறுத்தியது.

இந்த வழக்கு விசாரணை ஜூலை 23ஆம் தேதிக்கு ஒத்தி
வைக்கப்பட்டுள்ளது.
-
சமயம்-செய்திகள்

பெட்ரோல் பங்குகள் திறக்க கொடுக்கப்பட்ட லஞ்சம் 
எவ்வளவு பேருக்கு எவ்வளவு பங்கு என பிரிக்கப்பட்டதோ?

ரமணியன்

இதெல்லாம் கொஞ்சம் அதிகமாகவே தெரிகிறது எங்கே போகுது தமிழகம்