இந்தியாவின் செயலால் ராபர்ட் கிளைவ் சிலையை நீக்க பிரிட்டன் நீதிமன்றம் மறுப்பு

by **ayyasamy ram** Mon Jul 20, 2020 6:11 am

பிரிட்டிஷ் அரசு 17-ஆம் நூற்றாண்டில் இந்தியாவை ஆண்ட
காலத்தில் பெங்கால் கவர்னராகப் பதவி வகித்தவர்
ராபர்ட் கிளைவ்.

அந்த காலத்தில் அடிமைப்பணி செய்த இந்தியர்கள்மீது
ஏகாதிபத்தியத்தை ஏவிய கொடுங்கோலராகப்
பார்க்கப்படுபவர் கிளைவ் என்கிறது வரலாறு. இவர்மீது
இன்னும் பல நாட்டுப்பற்றுள்ள இந்தியர்களுக்கு அதிருப்தி
உள்ளது உண்மை.

ஆனால் இந்தியாவிலும் இவருக்கு சில ஆதரவாளர்களும்
உள்ளனர். இதற்கு உதாரணமாக கல்கத்தாவுக்கு இவருக்கு
சிலை உள்ளது. பிரிட்டனில் தொழிலாளர் கட்சி இந்தியாவில்
அடிமைத்தனத்தை ஊக்குவித்த தங்கள் நாட்டைச் சேர்ந்த
பிரபு கிளைவ் செயலுக்கு எதிர்ப்பு தெரிவித்து வருகின்றனர்.

அதே சமயத்தில் தற்போதைய ஆளும் கட்சியான
கன்சர்வேட்டிவ் கட்சி ராபர்ட் இருக்கு ஆதரவு தெரிவித்து
வருகிறது.

பிரிட்டனின் ஷ்ரூபெரீஸ் ஸ்கொயர் பகுதியில் 1860ம் ஆண்டு
கிளைவுக்கு சிலை வைக்கப் பட்டது. பின்னாட்களில் இந்த
சிலை பாதுகாக்கப்படவேண்டிய பொங்கிஷங்கள் பட்டியலில்
சேர்க்கப்பட்டது.

தற்போது ஜார்ஜ் புளாயிட் படுகொலையை அடுத்து
'பிளாக் லைஃப் மேட்டர்ஸ்' அமைப்பு பிரிட்டனில் பிரபலமடையத்
தொடங்கியது. அடிமைத்தனத்தை ஊக்குவித்த பெரும்
செல்வந்தர்களின் சிலை பிரிட்டனின் முக்கிய பகுதிகளில் இருந்து
நீக்கப்பட வேண்டும் என இந்த அமைப்பின் உறுப்பினர்கள் குரல்
கொடுத்தனர்.

இவர்களது நீக்கப்படவேண்டிய சிலைகள் பட்டியலில் லான்ஸ்டர்
பகுதியில் உள்ள காந்தியின் சிலையும் உள்ளது குறிப்பிடத்தக்கது.
சில நாட்களுக்கு முன்னர் பிரிட்டனின் பிரிஸ்டல் பகுதியில்
அடிமைத்தனத்தால் வளமாக வாழ்ந்த செல்வந்தரான
எட்வர்டு கால்ஸ்டன் சிலை சிலை உடைக்கப்பட்டு கடலில் வீசப்பட்டது.

இதற்கு போரிஸ் ஜான்சன் அரசு கடும் எதிர்ப்பு தெரிவித்திருந்தது.

இந்நிலையில் ஷ்ரூபெரீஸ் ஸ்கொயர் பகுதியிலுள்ள ராபர்ட் கிளைவின்
சிலையும் நீக்கப்படவேண்டும் என இந்த அமைப்பு வழக்கு தொடர்ந்தது.
இதற்கு பிரிட்டன் கவுன்சிலர்களிடம் வாக்கெடுப்பு நடத்த கோரிக்கை
வலுத்ததை அடுத்து கவுன்சிலர்களை வைத்து சிலையை அகற்றலாம்
வேண்டாமா என முடிவெடுக்க வாக்கெடுப்பு நடத்தப்பட்டது.

46 கவுன்சிலர்கள் இதில் கலந்துகொண்டனர். 28 பேர் சிலையை
அகற்றக்கூடாது எனவும் 17 பேர் அகற்ற வேண்டும் எனவும் வாக்களிக்க,
ஒருவர் வாக்களிக்க மறுத்துவிட்டார்.

பிரிட்டன் கிழக்கிந்திய கம்பெனியின் ஆதிக்கத்தால் அவதியுற்ற
இந்தியாவிலேயே கிளைவ் சிலை நீக்கப்படவில்லை. ஆக பிரிட்டனில்
ஏன் நீக்கப்படவேண்டும் என வழக்கறிஞர்கள் வாதிட்டனர்.

இதனை ஏற்ற நீதிபதி கிளைவ் சிலையை ஷ்ரூபெரீஸ் ஸ்கொயர் பகுதியில்
இருந்து நீக்க மறுப்பு தெரிவித்து உத்தரவிட்டனர்.
-
தினமலர்