11 சீன நிறுவனங்கள் மீது அமெரிக்கா பொருளாதார தடை

**ayyasamy ram** · **ayyasamy ram** Wed Jul 22, 2020 6:42 am

-

வாஷிங்டன்:
மனித உரிமை மீறலில் ஈடுபட்ட 11 சீன நிறுவனங்கள் மீது
அமெரிக்க அரசு பொருளாதார தடை விதித்துள்ளது.
உய்குர் மக்களை சித்ரவதை செய்ததில் தொடர்புள்ளதால்
அமெரிக்க அரசு இந்நடவடிக்கை எடுத்துள்ளது.

உய்குர் மக்களை அதிகளவில் சிறையில் அடைப்பது, அவர்களை
கட்டாயப்படுத்தி வேலை வாங்குவது, அனுமதியின்றி அவர்களின்
தனித்தகவல்களை சேகரிப்பது உள்ளிட்ட அடக்குமுறைகளை
சீன அரசு செய்து வந்தது.

இந்த அடக்குமுறைகளில் தொடர்புடைய 11 சீன
நிறுவனங்கள் மீது அமெரிக்க அரசு பொருளாதார தடை
விதித்துள்ளது.

பெய்ஜிங் லியுஹே மற்றும் ஸின்ஜியாங் சில்க் ரோட் நிறுவனங்கள்
உய்குர் மக்கள் மீது ஜெனடிக் பரிசோதனைகளை நடத்தி, அவர்களை
சீன அரசுக்கு அடையாளம் காட்ட உதவியதாக குற்றச்சாட்டு
எழுந்துள்ளது.

மேலும், ஹெபெய் மெய்லிங், ஹெஷியன் ஹாவோலின் ஹெயர் அசஸரிஸ்,
நான்சாங் ஒ பிலிம் டெக், சாங்ஜி எஸ்குவெல் டெக்ஸ்டைல், கே.டி.கே. குழுமம்,
ஹெபெய் பிட்லான்ட் இன்பர்மேஷன் டெக்னாலஜி, ஹெஷியன் டய்டா அப்பாரல்,
சினர்ஜி டெக்ஸ்டைல் மற்றும் டான்யுவான் டெக்னாலஜி ஆகிய நிறுவனங்கள்
உய்குர் மக்களை கட்டாயப்படுத்தி வேலை வாங்குவதாக புகார் எழுந்துள்ளது.

உய்குர் மக்கள் மீது நடத்தப்படும் அடக்குமுறைகளை கண்டித்துள்ள,
அமெரிக்க வெளியுறவு அமைச்சர் மைக் பாம்பியோ, அவர்களை சீனா
நடத்தும்விதம், இந்த நூற்றாண்டின் மிகப்பெரிய கறை என விமர்சித்துள்ளார்.

இந்நிலையில், இந்த 11 சீன நிறுவனங்கள் மீதும் அமெரிக்க அரசு பொருளாதார
தடை விதித்துள்ளது.

தினமலர்

**Muthumohamed** · **Muthumohamed** Wed Jul 22, 2020 11:14 pm

சீனா மீது பொருளாதார தடை விதித்தால் நன்றாக இருக்கும்

11 சீன நிறுவனங்கள் மீது அமெரிக்கா பொருளாதார தடை

11 சீன நிறுவனங்கள் மீது அமெரிக்கா பொருளாதார தடை

Re: 11 சீன நிறுவனங்கள் மீது அமெரிக்கா பொருளாதார தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக