தனி மனித ஒழுக்கம்?

சினிமா,தொலைக்காட்சி,மதம்,சாதி,கல்வி,வாழ்வியல்முறை,சமூககட்டமைப்பு,அரசியல் என 'தனி மனிதனின் ஒழுக்கம்' என்பது இவைகள் அனைத்தையும் சார்ந்து தான் அமைகின்றன.

சினிமா : இது ஒரு தவிர்க்கமுடியாத மக்கள் தொடர்பு சாதனம், நல்ல கருத்துக்களை படங்கள் வாயிலாக சொல்லி புரிய வைக்க சினிமா பெரிதும் உதவுகிறது. நல்ல விஷயங்கள் பணம் கொடுத்தாலும் கிடைக்காது,ஆனால் கெட்ட விஷயங்கள் பணம் கொடுக்காமலேயே நம்மிடம் வந்து ஒட்டிக்கொள்ளும், சினிமாவை பொறுத்தவரை நம் கலாச்சாரம் கெடுவதற்கு ஒரு முக்கிய காரணமாக இருக்க முடியாது,

அதில் இருக்கும் சில பேர்களால் கலாச்சாரம் தவறாக காட்டப்பட்டிருக்கலாம் அல்லது காட்டப்பட்டுக் கொண்டிருக்கலாம். மாறாக சினிமாவில் நம் கலாச்சாரம் சார்ந்த,நாம் வாழ்ந்த வாழ்வியலை நமக்கு மீண்டும் நினைவுக்கு கொண்டு வரும் ஒரு அதிசயக் கருவியாக தான் இன்று வரை விளங்கி வருகிறது.

தொலைக்காட்சி: நமது கலாச்சாரம்,பண்பாடு இவை இரண்டையும் அடியோடு அழிக்க வந்த கொடிய மிருகம் இது தான், அண்மைக்காலமாக "நடன நிகழ்ச்சிகள்" என்ற பெயரில் பிரபல டிவி சானல்களில் அரங்கேற்றப்படும் ஆபாச நடனங்களே இதற்கு சாட்சிகளாக நிற்கிறது.
குழந்தைகள்,இளம்வயதினர்,நடுத்தரவயதினர் என்று இதில் பாகுபாடே இல்லாமல் அவர்களது உடல் அங்கங்களை நமது வீட்டு வரவேற்பறைக்கே வந்து காட்டி குடும்பத்தில் உள்ளவர்களின் மனதை கெடுத்து குட்டிச்சுவராக்கிக் கொண்டிருக்கிறார்கள்.

நான் ஒரு பிரபல தனியார் தொலைக்காட்சியில் ஒரு நடன நிகழ்ச்சியை காண நேர்ந்தது.அந்த நிகழ்ச்சியில் கலந்து கொண்டு ஆடும் நடிகைகள் எல்லோரும் திரைப்படங்களில் ஒரு பாடலுக்கு கவர்ச்சியான குத்தாட்டம் போடுபவர்கள் தான். சின்னத்திரைக்கு சென்சார் கட்டுப்பாடுகள் இல்லாததால் சினிமாவை விட இத்து போன்ற நிகழ்ச்சிகளில் ஆபாசமும்,அருவருப்பும் நாம் கேட்காமலேயே நம் வீட்டை தேடி வருகின்றன.

அதே போல் இது போன்ற நடன நிகழ்ச்சிகளில் சின்னஞ்சிறு குழந்தைகளையும் ஆட வைத்து மகிழ்கிறார்கள் பெற்றோர்கள். நம் குழந்தைகள் சிறு வயதிலேயே எல்லாவற்றையும் கற்றுக்கொள்ள வேண்டும் என்று பெற்றோர்கள் ஆசைப்படுவது சரி தான் அதற்காக இப்படியா? இது போன்ற ஆபாச நிகழ்ச்சிகளை தடை செய்வதற்கு சினிமாவுக்கு சென்சார் அமைப்பு இருப்பது போல் சின்னத்திரைக்கும் சென்சார் அமைப்பு வந்தால் தான் இது போன்ற அசிங்கங்களிலிருந்து நம் குடும்பத்தாரை காப்பாற்ற முடியும்,நம் கலாச்சாரத்தையும் பண்பாட்டையும் சீரழிப்பதில் தொலைக்காட்சி தான் முதல் பங்கை வகிக்கிறது.

மதம்சாதி : மதத்தாலும்,சாதியாலும் இரு சமூகத்தாரிடையே எப்போதாவது சண்டைகள் வருமே தவிர அது முக்கியமாக இருப்பதில்லை.

கல்வி : மேத்தப்படித்தவர்களே அதிகமாக சமுதாயத்தில் தவறுகளை செய்து கொண்டிருக்கிறார்கள் இது எல்லோருக்கும் தெரியும்.நம் நாட்டில் உள்ள ஒழுங்கற்ற கல்வி முறையும் இதற்கு ஒரு காரணம் என்பது மறுக்க முடியாது.

வாழ்வியல்முறை : நாம் வாழும் வாழ்க்கை அர்த்தம் பொதிந்ததாக இருக்க வேண்டும் என்று சொல்வார்கள்,ஆனால் இப்போதைய மக்களின் வாழ்க்கை முறை செயற்கைதனமாகவும்,இயற்கைக்கு முரண்பாடாகவும் உள்ளது,எப்படி ஒரு இயந்திரம் தனது தேவைக்கான வேலைகளை மட்டும் செய்து கொள்ளுமோ அதே போல் தான் இப்போது சுயநலமான வாழ்க்கை வாழ்ந்து வரும் மக்களும் இருக்கிறார்கள்.நிச்சயமாக நாம் வாழும் வாழ்க்கை முறையில் மாற்றம் வேண்டும்

சமூக கட்டமைப்பு : மக்கள் வாழும் இடமே ஒரு சமூகம்,மக்களின் ஒழுக்கத்தை பொறுத்தவரை தான் அந்த சமூகத்தின் ஒழுக்கமும் அமைகிறது,பழசை மறந்து புதிய உலகை காண ஆசைப்படும் சமூகமாகவே இந்த சமூகம் உள்ளது.ஆனால் அது எதிர்கால வாழ்க்கைக்கு ஒரு பயனையும் தராது.

அரசியல் : என்ன சொல்வது நமது நாட்டில் இந்த ஜனநாயக அரசியலமைப்பு இருக்கும்வரை நமது நாடு உருப்படவே உருப்படாது. சாக்கடையில் வாழும் அரசியல்வாதிகளால் நம் நாடு குட்டிச்சுவராகிக்கொண்டிருக்கிறது. சமூகத்தை பிடீத்திருக்கும் ஒரு அரக்கன் இந்த அரசியல்.

ஒழுக்கம்,தனிமனித ஒழுக்கம் : ஆக மொத்தத்தில் ஒழுக்கம் ஒரு தனி மனிதனை சார்ந்தே அமைகிறது,ஒரு மனிதனால் நல்ல பழக்க வழக்கங்களை கற்றுக்கொள்ளும் போது அவன் சார்ந்திருக்கும் சமூகமும் அதை பிரதிபலிக்கும், இது தான் நம் சமூகத்தின் கலாச்சாரத்தை,பண்பாட்டை காப்பாற்றக்கூடிய சக்தி படைத்தது.இவையெல்லாம் சிறப்பாக அமைய இந்த உலகமே முக்கிய காரணமாக அமைகிறது.உலகம் முழுவதற்கும் உயரிய பண்பாடும், உயர்ந்த கலாச்சாரமும் அமைந்திருந்தால் இந்த கேள்வியே வந்திருக்காது.





எழுதியவர் : ஒருவார்த்தை .