ஓடிடி தளத்தில் 'பாரீஸ் பாரீஸ்'

ஹிந்தியில் கங்கனா ரணவத் நடித்து 2013ம் ஆண்டு
வெளிவந்து நல்ல வரவேற்பையும், வெற்றியையும்
பெற்ற படம் 'குயின்'.
அப்படத்தை தென்னிந்திய மொழிகளில் ரீமேக் செய்தார்கள்.

தமிழில் காஜல் அகர்வால் நடிக்க 'பாரீஸ் பாரீஸ்',
தெலுங்கில் தமன்னா நடிக்க 'தட் இஸ் மகாலட்சுமி',
மலையாளத்தில் மஞ்சிமா மோகன் நடிக்க 'ஜம் ஜம்',
கன்னடத்தில் பருல் யாதவ் நடிக்க 'பட்டர்பிளை' எனத்
தயாராகின.

ஆனால், இந்தப் படங்கள் அனைத்தும் படப்பிடிப்பு
முடிந்து சென்சாருக்குச் சென்ற போது சிக்கலில் மாட்டின.
பின்னர் ரிவைசிங் கமிட்டிக்கும் சென்றார்கள்.
அங்கு படங்கள் தணிக்கை ஆகி முடிந்துள்ளதாகத் தெரிகிறது.

தமிழ்ப் படமான 'பாரீஸ் பாரீஸ்' டீசர் வெளிவந்து ஒன்றரை
வருடங்களாகப் போகிறது. இருப்பினும் இவ்வளவு நாட்களாக
படம் வெளிவராததால் அதன் மீதான கவனம் குறைந்து
விட்டது. இதற்கு மேல் இந்தப் படத்தையும் மற்ற மொழிப்
படங்களையும் தியேட்டர்களில் வெளியிட்டு வசூலிப்பது
சிரமமான ஒன்று.

எனவே, நான்கு மொழிப் படங்களையும் முன்னணி
ஓடிடி தளத்திற்கு விற்றுவிட்டார்களாம்.
பெண்ணை மையப்படுத்திய கதை என்பதால் ஓடிடிக்கும்
பொருத்தமாக இருக்கும் என நல்ல விலை கொடுத்து
வாங்கியுள்ளதாகச் சொல்கிறார்கள். விரைவில் இந்த நான்கு
படங்களின் வெளியீட்டுத் தேதி பற்றிய அறிவிப்பு
வெளியாகலாம்.
-
தினமலர்