பிளாஸ்மா தானம் அளித்தால் அரசு வேலையில் முன்னுரிமை: அசாம் அரசு அறிவிப்பு

கவுகாத்தி:
கொரோனா பாதிப்பிலிருந்து குணமடைந்தவர்கள் பிளாஸ்மா தானம்
செய்ய முன்வந்தால் அவர்களுக்கு அரசு பணியில் முன்னுரிமை
அளிக்கப்படும் என அசாம் அரசு தெரிவித்துள்ளது.

இந்தியாவில் பரவியுள்ள கொரோனா வைரஸ் பாதிப்பு 10 லட்சத்தை
நெருங்குகிறது. பலி எண்ணிக்கை 25 ஆயிரத்தை நெருங்குகிறது.
பல்வேறு நாடுகள், மருந்து தயாரிப்பு நிறுவனங்கள் கொரோனா
தடுப்பு மருந்து கண்டு பிடிக்கும் பணியில் தீவிரம் காட்டி வருகின்றன.
மிகவும் ஆபத்தான நிலையில் உள்ளவர்களுக்கு பிளாஸ்மா தெரபி
சிகிச்சை அளிக்கப்படுகிறது.


இதனால் அவர்கள் உயிர் பிழைக்க அதிக வாய்ப்புள்ளது.
டில்லி அரசு முதன்முதலாக பிளாஸ்மா வங்கியை தொடங்கியது.
மற்ற மாநிலங்களும் பிளாஸ்மா வங்கியை துவக்குவதில் முனைப்பு
காட்டி வருகின்றன.

இந்நிலையில் அசாம் மாநில அரசு பிளாஸ் தானம் அளிப்பவர்களுக்கு
அரசு வேலைகளில் முன்னுரிமை வழங்கப்படும் என்றும் தெரிவித்துள்ளது.
இதுகுறித்து அசாம் அமைச்சர் ஹிமந்தா பீஷ்மா சர்மா அளித்த பேட்டியில்,
கொரோனாவிலிரு்ந்து மீண்ட ஒருவர் 400 கிராம் பிளாஸ்மா தானமாக
அளிக்க முடியும்.

இதை வைத்து இருவருக்கு சிகிச்சை அளிக்க முடியும்.
பிளாஸ்மா சிகிச்சை மட்டும்தான் பக்க விளைவு இல்லாது .பிளாஸ்மா
தானம் அளித்தவர் என்பதற்கான சான்றிதழ் வழங்கப்படும். அவர்கள் அரசு
வேலைக்கு விண்ணப்பத்தால், இந்த சான்றிதழுக்கு முன்னுரிமை வழங்கப்படும்
என்றார்.

தினமலர்