ஈ.வெ.ரா., சிலைக்கு காவி சாயம்; கோவையில் பரபரப்பு

**ayyasamy ram** · **ayyasamy ram** Fri Jul 17, 2020 12:39 pm

கோவை:
கோவை சுந்தராபுரம் பகுதியில் உள்ள ஈ.வெ.ராமசாமி சிலைக்கு
நேற்று இரவு மர்ம நபர்கள் காவி சாயம் பூசிய சம்பவம் பரபரப்பை
ஏற்படுத்தியுள்ளது.

கந்த சஷ்டி கவசத்தை இழிவுபடுத்தி, 'கறுப்பர் கூட்டம்' என்ற யூடியூப்
சேனலில் வீடியோ வெளியிட்ட குழுவினரை கைது செய்து கடும்
நடவடிக்கை எடுக்கக் கோரி, தமிழகம் முழுவதும் பல்வேறு எதிர்ப்புகள்
கிளம்பியுள்ளன.

இதன் தொடர்ச்சியாக சமூக வலைதளங்களில் ஈ.வெ.ரா.,
ஆதரவாளர்களுக்கும், ஆர்.எஸ்.எஸ்., ஆதரவாளர்களுக்கும் கருத்து
மோதல்கள் ஏற்பட்டது. இந்நிலையில், நேற்று இரவு, கோவை
சுந்தராபுரத்தில் உள்ள ஈ.வெ.ரா., சிலை மீது, காவி சாயம் பூசப்பட்டது.

கடந்த 1995ம் ஆண்டு, கோவை - பொள்ளாச்சி சாலையில், சுந்தராபுரத்தில்
ஈ.வெ.ரா.,வின் முழு உருவச்சிலை நிறுவப்பட்டது. கோவையில் உள்ள
மூன்று முக்கிய சிலைகளில் இதுவும் ஒன்று.

இந்த சிலையின் முன், திராவிட கழகத்தினரால், பல்வேறு விதமான
போராட்டங்களும், பகுத்தறிவு சார்ந்த சிந்தனை நிகழ்ச்சிகளும்,
சொற்பொழிவுகளும் நடைபெறும்.

திராவிடர் கழகத்தினரால் முக்கியத்துவம் வாய்ந்ததாகக் கருதப்படும்
இந்த சிலை மீது, காவி சாயம் பூசப்பட்டது அப்பகுதியில் பெரும் பரபரப்பை
ஏற்படுத்தியுள்ளது.

ஈ.வெ.ரா., தொண்டர்களும் தி.மு.க., - ம.தி.மு.க., விடுதலைச் சிறுத்தைகள்
உள்ளிட்ட பல்வேறு அமைப்பினரும் இன்று காலை அந்த பகுதியில் ஒன்று
கூடி, 'சாயம் பூசிய நபர்களை கைது செய்ய வேண்டும்' எனக் கோஷம்
எழுப்பினர். குனியமுத்தூர் போலீசார் நடத்திய பேச்சுவார்த்தைக்கு பின்
அனைவரும் கலைந்து சென்றனர்.

தினமலர்

ranhasan · ranhasan Fri Jul 17, 2020 1:41 pm

"தனியா கிடந்த தவிலை தட்டி கிழிச்சானாம் பாண்டி" ங்கிற கதைதான் இது... எவனோ பேசுனத்துக்கு எங்கெங்கயோ பத்தி எரியுது. ஒரு சாயம் ஒரு தலைவரை அவமானப்படுத்திட முடியுமா? யாரையோ சீண்ட யாரையோ அவமானப்படுத்துறாங்க, நான் ரெண்டு பக்கமும் பேசுறேன்.

ஈ.வெ.ரா., சிலைக்கு காவி சாயம்; கோவையில் பரபரப்பு

ஈ.வெ.ரா., சிலைக்கு காவி சாயம்; கோவையில் பரபரப்பு

Re: ஈ.வெ.ரா., சிலைக்கு காவி சாயம்; கோவையில் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக