கொரோனா பாதிப்பு - தொடர் செய்திகள்

சென்னை:
கவிஞரும், எழுத்தாளருமான மனுஷ்யபுத்திரன்,
திருச்சி அருகில் உள்ள துவரங்குறிச்சியில் கடந்த
சில நாட்களாக வசித்து வருகிறார்.

இந்நிலையில் அவருக்கு நேற்று கொரோனா தொற்று
இருப்பது கண்டுபிடிக்கப்பட்டது.

அதைத் தொடர்ந்து திருச்சியில் உள்ள தனியார்
மருத்துவமனையில் அனுமதிக்கப்பட்டார்.
அவருக்கு டாக்டர்கள் தீவிர சிகிச்சை அளித்து
வருகின்றனர்.

தினகரன்

சென்னை மாநகராட்சி:
மண்டல வாரியாக கொரோனா பாதிக்கப்பட்டவர்களின் நிலவரம்

சென்னை :
சென்னையில், மண்டல வாரியாக கொரோனா பாதிப்புக்குள்ளாகி
மருத்துவமனைகளில் சிகிச்சை பெற்று வருபவர்களின் பட்டியலை
சென்னை மாநகராட்சி வெளியிட்டுள்ளது.

சென்னையில் மட்டும் கொரோனாவால் பாதிப்படைந்தோர்
எண்ணிக்கை 82,128 ஆக உள்ளது. 1,341 பேர் உயிரிழந்த நிலையில்,
65,748 பேர் குணமடைந்து வீடு திரும்பியுள்ளனர்.
15,038 பேர் மருத்துவமனையில் சிகிச்சை பெற்று வருகின்றனர்.
இதை தவிர்த்து பிற மாவட்டங்களை சேர்ந்த 1,834 பேர் சென்னையில்
சிகிச்சை பெற்று வருகின்றனர்.

சென்னையில் மொத்தம் பாதிக்கப்பட்டவர்களில் ஆண்கள்
58.30 சதவீதம், பெண்கள் 41.70 சதவீதம். நேற்று மட்டும் சென்னையில்
11,334 பேருக்கு கொரோனா பரிசோதனை மேற்கொள்ளப்பட்டுள்ளது.

இந்நிலையில் சென்னையில், மண்டல வாரியாக கொரோனா
பாதிப்புக்குள்ளாகி மருத்துவமனைகளில், சிகிச்சை பெற்று
வருபவர்களின் பட்டியலை இன்று சென்னை மாநகராட்சி
வெளியிட்டுள்ளது.

அதன் விவரம் பின்வருமாறு:-

* அந்த பட்டியலில், திருவொற்றியூர் மண்டலத்தில் 614 பேரும்,
மணலியில் 209 பேரும், மாதவரத்தில் 419 பேரும் சிகிச்சையில்
உள்ளதாக கூறப்பட்டுள்ளது.

* தண்டையார்பேட்டை மண்டலத்தில் 848 பேரும், ராயபுரத்தில்
1,141 பேரும், திருவிக நகரில் 1,039 பேரும், சிகிச்சை பெற்று
வருகின்றனர்.

* அம்பத்தூர் மண்டலத்தில் 927 பேரும், அண்ணா நகர் மண்டலத்தில்
1,553 பேரும், தேனாம்பேட்டையில் 1,432 பேரும் , கோடம்பாக்கத்தில்
2,077 பேரும் கொரோனாவுக்கு சிகிச்சை பெற்று வருகின்றனர்.

* வளசரவாக்கத்தில் 744 பேரும், ஆலந்தூர் மண்டலத்தில் 476 பேரும்,
அடையாறு மண்டலத்தில் 1,017 பேரும் பெருங்குடியில் 331 பேரும்,
சோழிங்கநல்லூர் மண்டலத்தில் 377 பேரும் கொரோனா
பாதிப்புக்குள்ளாகி மருத்துவமனைகளில் சிகிச்சை பெற்று வருவதாக
சென்னை மாநகராட்சி தெரிவித்துள்ளது.

தினகரன்