இது பூசணி அடை பூக்கும் நேரம்!

**ayyasamy ram** · **ayyasamy ram** Sat Jul 04, 2020 9:42 am

என்னென்ன தேவை:

முற்றிய பூசணிக்கீற்று-2,
பச்சரிசி-400 கிராம்,
கடலைப்பருப்பு-150 கிராம்,
மிளகாய் வற்றல்-10,
மஞ்சள்தூள்-அரை டீஸ்பூன்,
இஞ்சி-1 துண்டு,
கறிவேப்பலை சிறிதளவு,
கடலை எண்ணெய்- சிறிது.
உப்பு தேவையான அளவு.

எப்படி செய்வது?

பச்சரிசியையும், கடலை பருப்பையும் தனித்தனியாக
ஊற வைக்கவும். பூசணிக்கீற்றை தோல் சீவி,
விதைகளை எடுத்துவிட்டு, சதை பகுதியை சிறு சிறு
துண்டுகளாக வெட்டி மிக்ஸியில் போட்டு லேசாக
அடித்து, துணியில் வடிகட்டி, துருவலை மட்டும் தனியே
எடுத்து வைத்து கொள்ளவும்.

அரிசியை தனியே கெட்டியாக அரைத்து கொள்ளவும்.
பிறகு கடலை பருப்புடன், மிளகாய் வற்றல்,
கறிவேப்பலை சேர்த்து கரகரப்பாக அரைத்து அரிசி
மாவில் கலந்து பிசைந்து கொள்ளவும்.

இத்துடன் மஞ்சள்தூள், இஞ்சிச்சாறு, தேவையான
அளவு உப்பு சேர்த்து பூசணி துருவலையும் கலந்து
கெட்டியாக பிசைந்து வைத்து கொள்ளவும்.

அடுப்பில் தோசைக்கல்லை வைத்து, கல் சூடானதும்
எண்ணெய் தடவி சிறு உருண்டையாக உருட்டி
கல்லில் வைத்து கையால் அடையாக தட்டவும்.

சுற்றிலும் எண்ணெய் விட்டு வெந்ததும் திருப்பிப்
போட்டு மறுபடியும் எண்ணெய் விட்டு வெந்ததும்
எடுக்கவும். தொட்டு கொள்ள தேங்காய் சட்னி ஏற்றது.
இது வித்தியாசமான சுவையுடன் அனைத்து
வயதினரையும் சுண்டி இழுக்கும்.

எப்படி சாப்பிடுவது?

இதுக்குன்னு தனி முறையில்லை. எப்பவும் சாப்படுவது
போல கையில எடுத்து வாயில வைத்து சாப்பிடுங்க...
ஹி...ஹி!

சிறுவர் மலர்

**krishnaamma** · **krishnaamma** Sat Jul 04, 2020 9:52 am

இது மிகவும் நன்றாக இருக்கும் அண்ணா, எங்கள் அம்மா விதை இல்லாத பூசணி இன் உள்ளே இருக்கும் 'மெத் மெத்' பகுதியை எடுத்து இப்படி செய்வார்கள். நாம் சாதாரணமாக அரைக்கும் தோசை போலவும் அரைத்து தோசை வார்ப்பார்கள். அதற்கு உளுந்து வேண்டாம் ...மிகவும் சுவையாக இருக்கும் புன்னகை

இந்த பதிவைத் துவங்கியவர் நன்றி கூறியுள்ளார் krishnaamma

இது பூசணி அடை பூக்கும் நேரம்!

இது பூசணி அடை பூக்கும் நேரம்!

Re: இது பூசணி அடை பூக்கும் நேரம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக