சீதையை ராவணன் கடத்தியதாக யார் சொன்னார்கள்?

Guest · Guest Sun Aug 04, 2019 10:44 am

சென்றமாதம் 19 இல் இலங்கை ராவணா 1 செயற்கைக் கோளை அனுப்பியது. இதைத் தொடர்ந்து சில தினங்களுக்கு முன்னர் இலங்கையில் கூடிய வரலாற்று ஆராச்சியாளர்கள் மானாட்டில் ராவணன் தான் முதல் விமானத்தை பயன்படுத்தியதாகவும், அவனே முதல் விமானி எனவும் சொல்லப்பட்டது. அதுபற்றிய ஆய்வுகள் தொடங்கப்பட்டு விட்டதாகவும் அடுத்து ஐந்து ஆண்டுகளில் முடிவை அறிவிப்பதாகவும் விமான போக்குவரத்து பகுதியின் தலைவர் தெரிவித்தார்.

அந்த மகாநாட்டில் உலகின் பல பகுதிகளில் இருந்தும் வரலாற்றுத்துறையை சேர்ந்த பலர் கலந்து கொண்டனர்.வால்மீகி ராமாயணத்தின் மொழிபெயர்ப்புகள் பல இந்தியாவில் உண்டு என்றும் கூறப்பட்டது.அவை வால்மீகி எழுதிய சமஸ்கிருத மொழியுடன் ஒத்துப் போகவில்லை என்றும்,பலவற்றில் அவை வேறுபடுவதாகவும், ராமானுஜம் கட்டுரையை சுட்டிக் காட்டி சிலர் தங்கள் கருத்தை தெரிவித்தனர்.

சீதையை ராவணன் கடத்தியதாக சொல்லப்பட்டதை பலரும் ஏற்றுக்கொள்ளவில்லை. அது இந்திய மொழிபெயர்ப்பு எனவும் உண்மை அதுவல்ல எனவும்,ராவணன் மிகச் சிறந்த குணாதியங்களைக் கொண்ட அரசன் என்றும், அவன் மீது சொல்லப்படும் குற்றங்ககளை ஏற்க முடியாதென்றும் குறிப்பிட்டனர்.

ஆயுபோவன்.
(லங்காவெப்)