ஊரடங்கில் ஊதிப் போகாமல் இருக்க சிம்பிள் டிப்ஸ் – அலட்சியம் வேண்டாம்!

ஆரோக்கியமாகவும், கட்டுக்கோப்பாகவும் இருப்பதற்கு
நாம் என்ன செய்ய வேண்டும் என நிபுணர்கள் கூறுகின்றனர்.

தொப்பை குறைய வழி

நன்கு சீரான உணவை உட்கொள்ளுங்கள்: ஆரோக்கியமான
உணவு நாட்பட்ட நோய்கள் மற்றும் தொற்று நோய்களின்
அபாயத்தை கட்டுப்படுத்துகிறது. முழு தானியங்கள், பழங்கள்,
காய்கறிகள், பயிறு வகைகள் மற்றும் கொட்டை வகைகளை
நிறைய உட்கொள்ள வேண்டும்.

எண்ணெயில் வறுத்த
பொரித்த உணவு, நொறுக்கு தீனிகள், பாட்டிலில் அடைத்து
விற்கப்படும் குளிர்பானங்கள் (carbonated drinks),
பதப்படுத்தப்பட்ட உணவுகள் மற்றும் சுத்திகரிக்கப்பட்ட
உணவுகளை (refined foods) தவிர்க்க வேண்டும்.

Antioxidants அதிகமாக உள்ள உணவுகளை ஊக்குவிக்கலாம்.
மேலும் தினசரி தேவையான அளவு புரதங்கள், வைட்டமின்கள்,
தாதுக்கள் உணவில் சேர்த்துக் கொள்ளவேண்டும்.

தேவையான அளவு நீர் பருகுங்கள்: தினசரி குறைந்தது 3 முதல்
4 லிட்டர் தண்ணீர் குடிக்க வேண்டும். அதிக அளவு நீர் மோர்,
இளநீர், பழச்சாறு ஆகியவற்றையும் அருந்தலாம். மது
குடிப்பதையும் புகை பிடிப்பதையும் தவிர்க்க வேண்டும்.
முக்கியமாக தேனீர் மற்றும் காபி குடிப்பதை குறைத்துக் கொள்ள
வேண்டும்.

சுறுசுறுப்பாக இருக்க முயற்சி செய்யுங்கள்: வீட்டின் உள்ளேயே
அதிக நேரம் செலவிடுவதால் வீட்டின் உள்ளே இருந்து செய்யக்
கூடிய எளிய உடற்பயிற்சிகளை தினசரி அரை மணி நேரம்
செய்யலாம். யோகா மற்றும் தியானம் ஆகியவற்றையும்
செய்யலாம். தினசரி வீட்டு வேலைகளையும் நீங்களே
செய்யலாம்.

ஆராக்கியமான வாழ்க்கை முறை மற்றும் உணவு பழக்க
வழக்கங்களை கடைப்பிடிப்பதன் மூலம் ஊரடங்கு காலத்தில்
உடல் பருமன் ஆவதை தடுக்கலாம்.

நன்றி-தமிழ் இந்தியன் எக்ஸ்பிரஸ்