Latest topics

தமிழகம், கேரளாவில் 18 நிறுவனங்களின் உரிமம் ரத்து: இந்திய தேயிலை வாரியம் அதிரடி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தமிழகம், கேரளாவில் 18 நிறுவனங்களின் உரிமம் ரத்து: இந்திய தேயிலை வாரியம் அதிரடி

Post by ayyasamy ram Tue Jul 07, 2020 2:16 pm

குன்னூர்:
தமிழகம், கேரளாவில், 16 உரநிறுவனங்கள், இரு தேயிலை
தொழிற்சாலை என, 18 நிறுவனங்களின் உரிமம் ரத்து
செய்யப்பட்டது.

நீலகிரி மாவட்டம் குன்னூரில் உள்ள இந்திய தேயிலை வாரியம்
சார்பில், தென் மாநிலங்களில், தேயிலை உற்பத்தி மற்றும்
சந்தைப்படுத்துதலில், தர உறுதிப்படுத்த பல்வேறு கட்டுப்பாடு
ஆணைகளின் கீழ் ஒழுங்குமுறை நடவடிக்கை எடுத்து வருகிறது.

இதன்படி, தமிழகத்தில் கோவை, அன்னூர், மேட்டுப்பாளையம்,
கேரளாவில், பாலக்காடு, எர்ணாகுளம் உள்ளிட்ட பகுதிகளில்
உள்ள தேயிலை உற்பத்தி நிறுவனங்கள்,கிடங்குகள், உயிர் உரம்
உற்பத்தி நிறுவனங்களில் கலப்படம், உற்பத்தி விபரம் குறித்து
ஆய்வு செய்யப்பட்டது.

இது தொடர்பாக வாரிய செயல் இயக்குநர் பாலாஜி கூறுகையில்,
"தமிழகம், கேரளாவில், தேயிலை கழிவுகளை கொண்டு உரம்
தயாரிக்கும், 22 நிறுவனங்களுக்கு ஷோகாஸ் நோட்டீஸ்
வழங்கப்பட்டது. இதில் பெறப்பட்ட தகவல்களில், உரிய தகவல்
இல்லாமலும், சரிவர கணக்கு பராமரிக்காதது கண்டறியப்பட்டு,
16 உர யூனிட்கள் மற்றும் நீலகிரி மாவட்டம் கேத்தியில் உரிமம்
பெறாத தேயிலை தூள் தயாரித்த தொழிற்சாலை, தேனி
மாவட்டத்தில் கணக்கு பராமரிக்காத தொழிற்சாலை என மொத்தம்,
18 நிறுவனங்களின் உரிமமும் ரத்து செய்யப்பட்டது," என்றார்

தினமலர்

ayyasamy ram: வழிநடத்துனர்; பதிவுகள் : 82061
இணைந்தது : 30/09/2013