சூரிய சக்தியில் இயங்கும் ரயில்கள் ; இந்திய ரயில்வே அசத்தல்

**ayyasamy ram** · **ayyasamy ram** Tue Jul 07, 2020 2:50 am

புதுடில்லி :
சூரிய சக்தியில் ரயில்களை இயக்குவதற்கான பணியை
இந்திய ரயில்வே செயல்படுத்தி வருகிறது.
இதன்மூலமாக புதிய சாதனையை இந்திய ரயில்வே
படைக்க உள்ளதாக கூறப்படுகிறது.

இந்திய ரயில்வே, சூரிய சக்தியால் ரயில்களை
இயக்குவதற்கான புதிய திட்டத்தை தற்போது துவங்கியுள்ளது.
ரயில்வேயின் வழித்தடங்களில் சூரிய சக்தியுடன் ரயில்கள்
இணைக்கப்படும். இதற்கான செயல்பாடுகளை இந்திய
ரயில்வே ஏற்கனவே துவங்கி பாதியளவு முடிந்துவிட்டது.

ரயில்வே தனது பைலட் திட்டத்தின் ஒரு பகுதியாக, மத்திய
பிரதேச மாநிலம் பினாவில், ஒரு சூரிய மின்சக்தி நிலையம்
(Solar) அமைத்து அதற்கான பணிகளில் மும்முரமாக
களமிறங்கி யுள்ளது. இது 1.7 மெகாவாட் மின்சாரத்தை
உற்பத்தி செய்யக்கூடியது.

இதன் மூலம் சூரியசக்தியுடன் ரயில்களை இணைக்க ஏற்பாடுகள்
நடந்து வருகின்றன.

ரயில்களை இயக்க சூரிய ஆற்றல் (Solar Power) பயன்
படுத்தப்படுவது உலக வரலாற்றில் இதுவே முதல்முறை என
ரயில்வே கூறுகிறது. இதன் சிறப்பு என்னவெனில், இங்கிருந்து
25,000 வோல்ட் மின்சாரம் உற்பத்தி செய்யப்படும். இதன்
உதவியுடன் ரயில்களை இயக்க நடவடிக்கைகள்
செயல்படுத்தப்படும். தற்போது காலியாக உள்ள ரயில்வேயின்
நிலத்தில் பிஹெச்எல் நிறுவனத்துடன் (BHEL) இணைந்து,
ம.பி.,யின் பினாவில் 1.7 மெகாவாட் திறனுள்ள சூரிய மின் உற்பத்தி
நிலையம் (Solar Power Station) அமைக்கப்பட்டுள்ளது.

ரயிலை இயக்கக்கூடிய வகையில் உலகம் முழுவதும் இதுபோன்ற
மின் உற்பத்தி நிலையம் இல்லை. உலகின் பிற ரயில் நெட்வொர்க்குகள்
சூரிய சக்தியை முதன்மையாக நிலையங்கள், குடியிருப்பு காலனிகள்
மற்றும் அலுவலகங்களின் மின்சார தேவைகளை பூர்த்தி செய்ய
பயன்படுத்துகின்றன.

சில ரயில்களின் மேற்கூரையில் சூரிய மின்சக்தி பேனல்
(Solar Panel) இந்திய ரயில்வே நிறுவியுள்ளது. இதன் காரணமாக
ரயில் பெட்டிகளில் மின்சாரம் வழங்கப்படுகிறது.

ஆனால் இப்போது வரை, எந்த ரயில் நெட்வொர்க்கும் ரயில்களை
இயக்க சூரிய சக்தியைப் பயன்படுத்தவில்லை.

தினமலர்

**பழ.முத்துராமலிங்கம்** · 27/09/2015

**krishnaamma** · **krishnaamma** Tue Jul 07, 2020 5:18 pm

/ரயிலை இயக்கக்கூடிய வகையில் உலகம் முழுவதும் இதுபோன்ற
மின் உற்பத்தி நிலையம் இல்லை//

நம் தென் இந்தியாவில் குறிப்பாக தமிழ் நாட்டில் அடிக்கும் வெயிலுக்கு, இது போல் எப்பொழுதோ நிறைய செய்திருக்கலாம்....அடலீஸ்ட் இப்பொழுதாவது செய்தார்களே...ரொம்ப சந்தோஷ்ம் ..... மகிழ்ச்சி

**T.N.Balasubramanian** · **T.N.Balasubramanian** Tue Jul 07, 2020 5:33 pm

நம் நாட்டில் சூரிய சக்தியை அதிக அளவில் பயன்படுத்த
உகந்த மாநிலம் ராஜஸ்தான்.

க்ரிஷ்ணாம்மா அங்கு இருந்திருக்கிறீர்கள் என எண்ணுகிறேன்.

@krishnaamma

**krishnaamma** · **krishnaamma** Tue Jul 07, 2020 6:20 pm

T.N.Balasubramanian wrote:நம் நாட்டில் சூரிய சக்தியை அதிக அளவில் பயன்படுத்த
உகந்த மாநிலம் ராஜஸ்தான்.

க்ரிஷ்ணாம்மா அங்கு இருந்திருக்கிறீர்கள் என எண்ணுகிறேன்.

@krishnaamma

மேற்கோள் செய்த பதிவு: 1324103

ஆமாம் ஐயா, அவர்கள் எல்லா காய்கறிகளையும் காயவைத்து எடுத்து வைத்துக்கொண்டு விடுவார்கள்...நிறைய அப்பளாம் வத்தல் மைதாவில் செய்வார்கள் .... சூப்பருங்க

**ராஜா** · **ராஜா** Tue Jul 07, 2020 7:15 pm

தனியாருக்கு வித்துட்டு இனிமே சூரிய சக்தியால் இயங்கினால் என்ன இயங்காவிட்டால் என்ன ?!

Sponsored content · Sponsored content

சூரிய சக்தியில் இயங்கும் ரயில்கள் ; இந்திய ரயில்வே அசத்தல்

சூரிய சக்தியில் இயங்கும் ரயில்கள் ; இந்திய ரயில்வே அசத்தல்

Re: சூரிய சக்தியில் இயங்கும் ரயில்கள் ; இந்திய ரயில்வே அசத்தல்

Re: சூரிய சக்தியில் இயங்கும் ரயில்கள் ; இந்திய ரயில்வே அசத்தல்

Re: சூரிய சக்தியில் இயங்கும் ரயில்கள் ; இந்திய ரயில்வே அசத்தல்

Re: சூரிய சக்தியில் இயங்கும் ரயில்கள் ; இந்திய ரயில்வே அசத்தல்

Re: சூரிய சக்தியில் இயங்கும் ரயில்கள் ; இந்திய ரயில்வே அசத்தல்

Re: சூரிய சக்தியில் இயங்கும் ரயில்கள் ; இந்திய ரயில்வே அசத்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக