புளி காய்ச்சல்

சாந்தன் · சாந்தன் Fri Jan 08, 2010 2:06 pm

தேவையான பொருட்கள் :

புளி - 1/2 கிலோ
மிளகாய் வற்றல் - 30
கடலைப்பருப்பு - 4 தேக்கரண்டி
உளுத்தம் பருப்பு - 6 தேக்கரண்டி
கடுகு -1 தேக்கரண்டி
கட்டிப் பெருங்காயம் - ஒரு சின்னக்கட்டி
மிளகு - 1/4 தேக்கரண்டி
எள் - 1 தேக்கரண்டி
மல்லிவிதை - 2 தேக்கரண்டி
வெந்தயம் - 1-1/2 தேக்கரண்டி
நல்லெண்ணெய் - 1 தேக்கரண்டி
மஞ்சள் தூள் - 2 தேக்கரண்டி
கறிவேப்பிலை, உப்பு - தேவையான அளவு
வெல்லம் - ஒரு சின்னக்கட்டி

செய்முறை :
புளியை
நிறையத் தண்ணீர் விட்டுக் கரைத்து வடிகட்டி உப்பு, மஞ்சள் பொடி, வெல்லம்
சேர்த்துக் கொதிக்க வைக்கவும். கொதிக்கும்போது தேவையானால் 1 கப்
வேர்க்கடலை போட்டு வேக வைக்கலாம். 20 மிளகாய் வற்றல், பெருங்காயத்தை 1/2
தேக்கரண்டி எண்ணெய்விட்டு வறுக்கவும். வெந்தயத்தையும், மல்லி விதையையும்
எண்ணெய் விடாமல் வறுக்கவும். பிறகு வறுத்தவற்றை ஆறவைத்து மிக்சியில்
நைசாகப் பொடி செய்யுவம். புளி கொதித்து கெட்டியானதும் இந்த பொடியைத்
தூவிக் கிளறி மீதி உள்ள எண்ணெய்யில் கடுகு, உளுத்தம் பருப்பு, கடலை
பருப்பு, மீதம் உள்ள மிளகாய் வற்றலையும் தாளிக்கவும். (மிளகாய் வற்றலை
இரண்டாகக் கிள்ளித் தாளிக்கவும்) கறிவேப்பிலை போடவும். கடைசியில்
தாளித்தால்தான் பருப்புக்கள் ஊறாமல் இருக்கும். புளியோதரை பிசையும்போது,
1/2 தேக்கரண்டி எள் 1/2 தேக்கரண்டி மிளகுப் பொடியை நெய்யில் வறுத்துக்
கலக்க வேண்டும். வேர்க்கடலையை புளியில் வேக வைக்காமல் எண்ணெய்யில்
பொரித்தும் போடலாம்.