சாப்பிட்டபின் செய்யக் கூடாதவை!

சாப்பிட்டபின் செய்யக் கூடாதவை!

42. சாப்பிட்ட உடன் சில்லென ஒரு
டம்ளர் தண்ணீர் குடிக்கும் பழக்கம் பலருக்கும் உண்டு. உடலில் கொழுப்பு
சேரவும், செரிமானப் பிரச்னைகள் வரவும் இது காரணமாகிவிடும். சாப்பிட்டு
சிறிது நேரம் கழித்து மிதமான சூட்டில் தண்ணீர் குடிப்பதே நல்லது.



43.
சாப்பிடும்போதுகூட தண்ணீர் குடித்துக் குடித்துச் சாப்பிடுவது வயிறை
அதிகம் வேலை செய்ய வைக்கும். அதுவும் பழச்சாறு, குளிர்பானம் என கலந்து
கட்டி சாப்பாடு உண்பது நல்லதல்ல.

44. சாப்பிட்ட உடனே போய்
குளிப்பது நல்லதல்ல. அதுவும் அஜீரணக் கோளாறுகளைத் தந்து விடக்கூடும்.
சாப்பிட்டதும் ஒரு 'தம்' பத்த வைப்பது, தம் பிரியர்களின் தலையாய கடமை. அது
பயங்கர ஆபத்தை அழைத்து வரும். சாப்பிட்டபின் ஒரு தம் அடிப்பது, பத்து தம்
அடிப்பதற்குச் சமம்.

45. சாப்பிட்ட உடனே போய் படுத்து தூங்கி
விடாதீர்கள். இது சாப்பிட்டவை நன்றாக செரிமானம் ஆகாமல் வாயு சிக்கல் போன்ற
பிரச்னைகள் வரக் காரணமாகிவிடும். உடல் எடையும் அதிகரிக்கும்.

'டயட்' பற்றி தெளிவடையுங்கள்!

46. உடல் எடை குறைப்பது போன்ற
சமாசாரங்களெல்லாம் ஒரு வாரத்திலோ, ஒரு நாளிலோ முடியக்கூடியதல்ல என்பதைப்
புரிந்து கொள்ள வேண்டும். திடீரென முப்பது நாளில் இளைக்க நினைத்தால்
உடலின் ஆரோக்கியமும் பாழாகும். இழந்த எடை விரைவிலேயே ஏறவும் செய்யும்.

47.
நடிகைகள் உள்ளிட்ட பிரபலங்கள் சில உணவுப் பழக்கங்களை வைத்திருப்பதாக
பேட்டியளிப்பார்கள். அவற்றைக் கடைபிடித்தால் அவர்களைப் போல நாமும் ஆகி
விடலாம் எனும் கனவு சிலரிடம் சுழற்றியடிக்கும். அதெல்லாம் வெறும் 'மாயா...
மாயா'தான். அந்த சிந்தனையே உங்களுக்கு வேண்டாம். அப்படி உங்களுக்கு
ஏதேனும் தேவையெனில் ஒரு நல்ல டயட்டீஷியனைப் பார்ப்பதே நல்லது.

48.
ஆரோக்கியமான உணவுப் பழக்கம் ஒன்றில் நிலைத்திருங்கள். இடையிடையே பிஸ்கட்
சாப்பிடுவது, சிறு சாக்லேட் சாப்பிடுவது, ஒரு பீஸ் கேக் சாப்பிடுவதெல்லாம்
கலோரிக் கணக்கில் சேரும் என்பதைக் கவனத்தில் கொள்ளுங்கள். ஒரு சின்ன
முறுக்கு சாப்பிட்டாலே நீங்கள் சுமார் 180 கலோரியை உடலில் ஏற்றிக்
கொள்கிறீர்கள்.

49. வெறும் டயட் இருந்தால் போதும் என நினைப்பதே
தப்பு. கூடவே, தொடர்ந்த உடற்பயிற்சி நிச்சயம் வேண்டும். அதற்கென நேரம்
ஒதுக்க முடியாதவர்கள் வேலையிலேயே உடற்பயிற்சியைப் பாகமாக்கிக் கொள்ள
வேண்டும். பஸ்ஸில் ஒரு ஸ்டாப்பிங் முன்னாடியே இறங்கி நடப்பது, லிஃப்ட்
பக்கமே போகாமல் படியை நாடுவது, அடிக்கடி எழுந்து ஒரு நடை போடுவது...
இப்படி!

50. அவ்வப்போது ஒரு வேளை சாப்பாட்டை தவிர்த்துவிட்டு
ஓடினால், இன்னும் கொஞ்சம் எடை குறையலாம் என்பது தப்பான எண்ணம். உண்மையில்
அது உடல் எடையை அதிகரிக்கவே தூண்டும். காரணம், ஒரு நேரம் சாப்பிடாமல்
இருந்தால் ரத்தத்தில் உள்ள சர்க்கரையின் அளவு குறையும். உடனே, உடல்
இனிப்புப் பொருளைத் தேடும். கடைசியில், அன்று அதிக கலோரி உட்கொண்ட நாளாக
மாறிவிடும்.



51.
சிக்கனில் கொழுப்பு கம்மி என பலரும் நினைப்பதுண்டு. தோல் இல்லாத சிக்கன்
சாப்பிட்டால்தான் அந்தக் கணக்கு சரிவரும். சிக்கனின் தோலில் இறைச்சியைவிட
மூன்று மடங்கு அதிக கொழுப்பு உண்டு... கவனம்.

52. டயட்
இருப்பவர்கள் மறந்து விடும் சமாசாரங்களில் ஒன்று... டிரிங்க்ஸ்.
அவ்வப்போது ஒரு 'சிப்' ஜூஸ் குடித்தாலோ, ஒரு குளிர்பானம் குடித்தாலோ
அதுவும் கணக்கில் சேரும் என்பதை அம்மணிகள் கணக்கில் கொள்ள வேண்டியது
முக்கியம்.

53. வீட்டுப் பெண்களின் முக்கியமான பழக்கம் இது.
என்னதான் டயட் இருந்தாலும், இறுதியில் சமைத்த உணவு வீணாகப் போகிறதே
என்பதற்காக மிச்சம் மீதியை எல்லாம் உள்ளே தள்ளுவார்கள். அது உடலை உப்ப
செய்யும்... ஜாக்கிரதை.

54. பெண்கள் ஒரு நாளைக்கு சராசரியாக ஆறு
டீஸ்பூன் சீனி பயன்படுத்தலாம். காபி, டீ அடிக்கடி குடித்தால், இந்த அளவும்
அதிகரிக்கும் என்பதால் அவற்றைத் தவிர்த்துவிட வேண்டும். கூடவே காபியில்
உள்ள 'கெஃபீன்', இதயத் துடிப்பை குறைத்து, ரத்த அழுத்தத்தை அதிகரிக்கும்.

super

இப்படி தினமும் செய்வதையெல்லாம் செய்யக் கூடாது என்றால் என்னதான் செய்வது!!! என்ன கொடுமை சார் இது?

அப்புறம் சாப்பிட்ட பின் சரக்கும் அடிக்க கூடாது.

வை.பாலாஜி wrote:அப்புறம் சாப்பிட்ட பின் சரக்கும் அடிக்க கூடாது.

சாப்பிட்ட பிறகு தொடக்கூடாது, வாந்தி வரும்!!!

சிவா wrote:

வை.பாலாஜி wrote:அப்புறம் சாப்பிட்ட பின் சரக்கும் அடிக்க கூடாது.

சாப்பிட்ட பிறகு தொடக்கூடாது, வாந்தி வரும்!!!

அப்புறம் ஆம்லெட்தான்....

எனக்கு எலுமிச்சம்பழம் தான்!!!

சிவா wrote:எனக்கு எலுமிச்சம்பழம் தான்!!!

ஊறுகாய் தல, இத அடிச்சிக்க உலகத்தில சைடு டிஸெ கிடையாது .

ம்ம்ம்ம்ம்ம்ம்ம்ம்... சூப்பர்!!!

எங்க நம்ம சங்க தலைவர் ராஜா, அதுகுள்ளா மட்டை அயிட்டாரா.