கொரைனா பாதிப்பு - ஜூன் 27

சென்னை:
செய்யூர் தொகுதி தி.மு.க., எம்.எல்.ஏ., ஆர்.டி. அரசுவுக்கு
கொரோனா தொற்று உறுதிபடுத்தப்பட்டு, சென்னையில்
உள்ள தனியார் மருத்துவமனையில் சிகிச்சை பெற்று
வருகிறார்.
--

ராயபுரத்தில் 7 ஆயிரத்தை தாண்டிய கொரோனா பாதிப்பு

சென்னை:
சென்னையில் இன்று (ஜூன் 26) ஒரே நாளில் கொரோனாவால்
பாதிக்கப்பட்ட 23 பேர் உயிரிழந்துள்ளனர்.

சென்னையில், நேற்றுடன் (ஜூன் 26), 49 ஆயிரத்து, 690 பேர்
தொற்றால் பாதிக்கப்பட்டிருப்பது கண்டறியப்பட்டுள்ளது.
நாளுக்கு நாள் தொற்று கண்டறியும் விகிதம் உயர்ந்தாலும்,
குணமடைவோர் எண்ணிக்கையும் கனிசமாக உயர்ந்து வருகிறது.

அதன்படி, சென்னையில், 28 ஆயிரத்து, 823 பேர் குணமடைந்து
வீடு திரும்பியுள்ளனர். 20 ஆயிரத்து, 136 பேர் மட்டுமே சிகிச்சை
பெற்று வருகின்றனர். 730 பேர் பலியாகியுள்ளனர்.

சென்னையில் மண்டல வாரியாக பாதிப்பு

மண்டல வாரியாக கொரோனாவால் பாதிக்கப்பட்டவர்களின்
விவரத்தை சென்னை மாநகராட்சி வெளியிட்டுள்ளது. இதன்படி,
அதிகபட்சமாக ராயபுரத்தில், 7,211 பேருக்கும், தண்டையார்பேட்டையில்
5,989 பேருக்கும், தேனாம்பேட்டையில் 5,655 பேருக்கும் தொற்று கண்டறியப்பட்டுள்ளது. குறைந்தபட்சமாக மணலியில் 798 பேர் பாதிக்கப்பட்டுள்ளனர்.

டிரைவருக்கு கொரோனா: தெறித்து ஓடிய அமைச்சர்
-

திருவண்ணாமலை; அறநிலையத் துறை அமைச்சர் ராமச்சந்திரன், தன் கார் டிரைவருக்கு கொரோனா இருப்பது தெரிந்ததால், காரிலிருந்து இறங்கி அலறியடித்து ஓடினார்.


திருவண்ணாமலை, கலெக்டர் அலுவலகத்தில் நேற்று (27 ம் தேதி) , நலத்திட்ட உதவிகள் வழங்கும் விழா நடந்தது. அறநிலையத் துறை அமைச்சர் ராமச்சந்திரன் பங்கேற்றார்.காலை, 11:00 முதல் மதியம், 12:15 மணி வரை நடந்த நிகழ்ச்சியில், அவருடன் கலெக்டர் கந்தசாமி, ஆவின் தலைவர் அக்ரி கிருஷ்ணமூர்த்தி மற்றும் 25க்கும் மேற்பட்ட அதிகாரிகள் பங்கேற்றனர்.

நிகழ்ச்சியை முடித்து, சொந்த ஊரான ஆரணி அடுத்த சேவூருக்கு, அமைச்சர் காரில் சென்றார். போளூரை கடந்தபோது, அமைச்சரின் கார் டிரைவருக்கு போன் வந்து உள்ளது.அதில் பேசியவர், 'உங்களுக்கு நடந்த பரிசோதனையில், கொரோனா தொற்று உறுதியாகி உள்ளது; உடனடியாக, ஆரணி அரசு மருத்துவமனைக்கு வர வேண்டும்' என, தெரிவித்துள்ளார்.

இதை, அமைச்சரிடம் டிரைவர் கூற, அதிர்ந்த அமைச்சர், உடனடியாக காரை நிறுத்தும்படி கூறி இறங்கி, அலறியடித்து துாரமாக ஓடினார். பின், கட்சி பிரமுகர் காரில் ஏறி வீட்டிற்கு சென்றார்.இந்த தகவலால், அமைச்சர் மற்றும் அரசு விழாவில் பங்கேற்ற அனைவரும் அச்சத்தில் உறைந்துள்ளனர். நிகழ்ச்சியில் பங்கேற்ற அனைவரையும் பரிசோதனை செய்ய, சுகாதாரத் துறையினர் முடிவு செய்துள்ளனர்.

தினமலர்

மதுரையில் கொரோனா: மருத்துவமனையில் 25 பேர் பலி
-
மதுரை:
மதுரை அரசு மருத்துவமனை கொரோனா வார்டில் இன்று
(ஜூன் 27) 7 பேர் பலியாகினர். மூன்று நாளில் 25 பேர் இறந்துள்ளனர்.

மதுரையில் 650 படுக்கை வசதி கொண்ட மல்டி ஸ்பெஷாலிட்டி
மருத்துவமனை கொரோனாவிற்காக ஒதுக்கப்பட்டுள்ளது. இங்கு
மூன்று விதமான வார்டுகள் உள்ளன.

தீவிரப் பாதிப்புள்ளோரை அனுமதிக்க ஐ.சி.யூ., வார்டு, அறிகுறியற்ற
மிதமான பாதிப்புள்ளோரை கண்காணிக்க தனி வார்டு, கொரோனா
அறிகுறியுடன் வரும் பிற நோயாளிகளை அனுமதித்து பரிசோதிக்க
'சாரி' (SARI) என்னும் வார்டு உள்ளது.

ஒரு வாரமாக இந்த சாரி வார்டில் தொடர் மரணங்கள் நிகழ்கின்றன.

பரிசோதனை முடிவு வரும் முன்பே நோயாளிகள் இறப்பதால்,
'கொரோனா சந்தேக மரணம்' என அழைக்கின்றனர். முதலில் தினமும்
4 பேர் இறந்தனர். நேற்று முன்தினம் ஒரே நாளில் 13 பேர் பலியாகினர்.
நேற்று 5 பேர், இன்று 7 பேர் இறந்துள்ளனர். இதில் கொரோனாவிற்கு
இறந்தவர்களும் உள்ளனர்.
20 பேருக்கு இன்னும் பரிசோதனை முடிவு அறிவிக்கப்படவில்லை.

தினமலர்