'கூட்டுறவு வங்கி அவசர சட்டம் ஜனநாயகத்திற்கு விரோதமானது'

by **ayyasamy ram** Fri Jun 26, 2020 6:34 am

சென்னை :
'கூட்டுறவு வங்கிகளை, ரிசர்வ் வங்கியின் கட்டுப்பாட்டில் கொண்டு
வரும் அவசர சட்டத்தைப் பிறப்பிக்க, மத்திய அமைச்சரவை முடிவு
எடுத்திருப்பது, ஜனநாயகத்திற்கு விரோதமானது' என, தி.மு.க.,
தலைவர், ஸ்டாலின் கூறியுள்ளார்.

அவரது அறிக்கை: மத்திய பட்ஜெட்டில் அறிவித்த, பொதுவான ஒரு
அறிவிப்பை காரணம் காட்டி, மாநிலங்களில் உள்ள, 1,540 கூட்டுறவு
வங்கிகளை, ரிசர்வ் வங்கி கட்டுப்பாட்டில் கொண்டு வர, அவசர
சட்டம் பிறப்பிக்கப்படும் என, மத்திய அமைச்சர் பிரகாஷ் ஜவடேகர்
அறிவித்திருப்பது, கடும் கண்டனத்திற்குரியது.

கொரோனா தொற்று சூழலின் நெருக்கடியை பயன்படுத்தி, மக்கள்
விரோத அவசர சட்டத்தைப் பிறப்பிக்க, மத்திய அமைச்சரவை முடிவு
எடுத்திருப்பது, ஜனநாயகத்திற்கே விரோதமானது.

எதிர்காலத்தில் விவசாயிகளுக்கு, மாநில அரசுகள், விவசாய கடன்
வழங்குவதற்கு தடையாக இருக்கும், இந்த அவசர சட்டம் பிறப்பிக்கும்
முயற்சியை நிறுத்தும்படி, முதல்வர் இ.பி.எஸ்., தேவையான அரசியல்
அழுத்தத்தை, மத்திய அரசுக்கு கொடுக்க வேண்டும்.

இவ்வாறு, ஸ்டாலின் கூறியுள்ளார்.

தினமலர்

by சிவனாசான் Fri Jun 26, 2020 8:49 pm

ஊழல்செய்து பிழைப்புநடத்துபவனுக்கு இச்சட்டம் விரோதமானதாகத்தான் தெரியும் . யான்னா திருடவழிஇல்லை அதனால் கொள்ளை அடிப்பவர்கள் எதிர்க்கத்தான் செய்வார்கள்.

'கூட்டுறவு வங்கி அவசர சட்டம் ஜனநாயகத்திற்கு விரோதமானது'

'கூட்டுறவு வங்கி அவசர சட்டம் ஜனநாயகத்திற்கு விரோதமானது'

Re: 'கூட்டுறவு வங்கி அவசர சட்டம் ஜனநாயகத்திற்கு விரோதமானது'