உருளை(உலக)க் கிழங்கு

உலகில் வர்த்தக நோக்கிலும், ஆரோக்கியத்துக்கு உதவுவதிலும்
உருளைக்கிழங்கின் பங்கு மிகப்பெரியது நமது ஊர்களில் தான் வாயு பிரச்சினை
என சொல்லி இதை தள்ளி வைப்பர்கள் உலக நாடுகளில் பெரும்பான்மையான நாடுகளில்
உருளைகிழங்கின் பயனஒபாடுகள் அதிக அளவில் உள்ளன


இன்று மனிதனின்
அடிப்படை உணவுப்பொருட்களில் ஒன்றாக உருளைக்கிழங்கு விளங்குகிறது. நெல்,
கோதுமை மற்றும் சோளத்திற்கு அடுத்தபடியாக உலகெங்கிலும் பரவலாக இது
பயிரிடப் படுகிறது. உலகின் பல நாடுகளுக்கு அன்னிய செலாவானியை ஈட்டித்
தரும் முக்கிய பணப்பயிராகவும் இது விளங்குகிறது. மனிதனின் நல்வாழ்வுக்கு
இன்றியமையாத ஊட்டச்சத்துகள் நிறைந்த உருளைக்கிழங்கு பல்வேறு உணவு வகைகள்
தயாரிப்பில் மிகவும் அவசியமான ஒன்றாக விளங்குகிறது.

அறிமுகம்

"சொலானம் டியுபரோசம்" என்ற தாவரத்தின் வேரிலிருந்து பெறப்படும் மாவுச்
சத்து நிறைந்த கிழங்கு வகையே உருளைக்கிழங்கு ஆகும். இது நிழற்செடி வகையை
சேர்ந்தது இதன் இனப்பெருக்கம் விதை மூலம் நடைபெறாது. மாறாக கனுப்பகுதிகள்
மூலமாக நடைபெறுகிறது. உருளைக்கிழங்கின் சிறப்பம்சம் யாதெனில், இதில் உள்ள
ஊட்டச்சத்துகள் மற்ற உணவுப் பொருட்களை போலல்லாது, வேக வைக்கப்பட்ட
பின்னும் பெருமளவு தக்க வைத்துக் கொள்வதே ஆகும். அதாவது சமைத்த பிறகும்
கூட, உருளைக்கிழங்கில் உள்ள ஊட்டச்சத்துகள் பெருமளவு இழக்கப்படுவதில்லை.
அதனுள்ளேயே தங்கிவிடுகிறது. இன்று மனிதன் தனது குழந்தைப் பருவத்தில்
உண்ணும் முதல் திட உணவு உருளைக்கிழங்கும் பருப்பும் சேர்ந்தகலவையே. இதன்
மூலம் மனித வாழ்வில் உருளைக்கிழங்கு இரன்டற கலந்து விட்டதை உணரலாம். ...

உருளை(உலக)க் கிழங்கு...... பரவல்
தென் அமெரிக்க கண்டத்தில் உள்ள பெகு நாடே உருளைக்கிழங்கின் தாயகம் என்று
அழைக்கப்படுகிறது. இங்கிருந்து கி.பி 1536 ஆண்டு ஐரோப்பாவில்
அறிமுகப்படுத்தப்பட்டு, பின்னர் ஐரோப்பிய கடல் பயணிகள் ஆசியா மற்றும்
உலகின் பிற பகுதிகளில் பரவியது. 16ம் நூற்றாண்டில் ஐரோப்பிய கடற்பய்ணிகள்
இதை பிலிப்பைன்ஸ் நாட்டில் அறிமுகப்படுத்தினர். பின்னர் 17ம் நூற்றாண்டில்
ஜாவா தீவு மற்றும் சினாவிலும், 18ம் நூற்றாண்டில் இந்தியாவிலும், 20ம்
நூற்றாண்டின் மத்தியில் ஆப்பிரிக்காவிலும் உருளைக்கிழங்கு அறிமுகமானது.
இவ்வாறாக இன்று உலகின் பெருவாரியான நாடுகளில் உருளைக்கிழங்கு பயிராகிறது.

உலக வேளாண் நிறுவனத்தின் அறிக்கைப்படி, கடந்த 2006ம் ஆண்டு உலகளவில்
உருளைக்கிழங்கு உற்பத்தி 312 மில்லியன் மெட்ரிக் டன்கள். இதில் நான்கில்
ஒரு பகுதி சினாவின் பங்களிப்பே அதாவது 79 மில்லியன் மெட்ரிக் டன்
உருளைக்கிழங்கு சீனாவிலிருந்து கிடைத்தது அடுத்தபடியாக ரஷ்யாவும் (39
மில்லியன் மெட்ரிக் டன்) முன்றாவது இடத்தில் இந்தியாவும் (25 மில்லியன்
மெட்ரிக் டன்) வருகின்றன.

முக்கியத்துவம்

முக்கிய உண்வுப் பொருளாக விளங்கும் உருளைக்கிழங்கு இன்று, மனிதனின் அன்றாட
தேவைகளுள் ஒன்றாகிவிட்டது. இன்று மனிதன் உட்கொள்ளும் பெரும்பாலான
உணவுப்பொருட்களில் மூலப்பொருட்களில் உருளைக்கிழங்கு முக்கிய இடம்
வகிக்கிறது.

கிபி 1845 ஆண்டு ஐரோப்பாவில், மேற்கு அயர்லாந்து
பகுதியில் எற்பட்ட பெரும் உண்வுப் பஞ்சமே உருளைக்கிழங்கின்
முக்கியத்துவத்திற்கு கட்டியம் கூறும். அச்சமயத்தில் பரவிய ஒருவித கொள்ளை
நோயால் பயிரிடப் பட்டிருந்த உருளைக்கிழங்கு பாதிக்கப்பட்டதால்
அப்பகுதியில் கடும் உணவுப்பஞ்சம் ஏற்பட்டது.

உருளைக்கிழங்கிற்கான
சர்வதேச மையம் ஒன்று பெரு தலைநகர் "லிமா" நகரில் ஏற்படுத்தப்பட்டுள்ளது.
வளர்ந்து வரும் உலக உண்வுத் தேவையை கருத்தில் கொண்டு, கடந்த 2008ம் ஆண்டை
சர்வதேச உருளைக்கிழங்கு ஆண்டாக ஐநா அறிவித்தது. மனித வாழ்வில் உருளைக்
கிழங்கின் பயன்பாடு குறித்த விழி ப்புணர்வை எற்படுத்த, ஐநா தொடர்ந்து
பாடுபட்டு வருகிறது, உருளைகிழங்கு "மறைந்துள்ள பொக்கிஷ்ம்" என்று
அழைக்கப்படுகிறது.....இன்னும் உருளும்

உருளைக் கிழங்கு அதிகம் சாப்பிட்டால் உடல் பருமனாகும். கொழுப்பு கூடும், இடுப்பு வலி, முட்டி வலி போன்ற தொல்லைகளுக்கு ஆளாக நேரிடும். வயிற்றில் வாயுத் தொல்லையும் வந்து சேரும்!!!

சாப்பிடரதுக்கு முன்னாடி சொன்னதற்க்கு நன்றி தல..!

அய்யோ இந்த வடிவேலு தொல்லை தாங்கலடா சாமி!!!