Latest topics

* வாக்கு, மனம், செயல் மூன்றும் வேறுபடாமல் ஒன்றிய நிலையில் வாழ வேண்டும்

ஈகரை தமிழ் களஞ்சியம் :: ஆன்மீகம் :: இந்து

Page 1 of 1

* வாக்கு, மனம், செயல் மூன்றும் வேறுபடாமல் ஒன்றிய நிலையில் வாழ வேண்டும்

Post by ayyasamy ram Sun Jun 21, 2020 11:54 am

* யார் துன்புறுத்தினாலும் அஞ்சாமல் இருப்பதும்,
விவேகத்துடன் பிறர் குற்றத்தை பெருந்தன்மையுடன்
மன்னிப்பதும் ஆண்மையாகும்.

* அடியவரின் குறையை கடவுள் குணமாக ஏற்று
கருணை புரிகிறார்.

* உதவி கேட்பவர்களுக்கு செல்வத்தை அள்ளிக்
கொடுக்கும் நல்ல உள்ளத்தை தடுப்பது பாவம்.

* நோன்பு இருந்து உடலை வருத்துவதைக் காட்டிலும்,
உயிர்களைக் கொல்லாமல் இருப்பதே சிறந்தது.

* வாக்கு, மனம், செயல் மூன்றும் வேறுபடாமல் ஒன்றிய
நிலையில் வாழ்பவனே நல்ல மனிதன்.

பிறருடைய பசியைப் போக்குவதோடு நமது கடமை
முடிந்து விடுவதில்லை. அவர்களின் துன்பத்தையும்
களைய முயற்சிக்க வேண்டும்.

* அரிதான மானிட தேகம் எல்லா உயிர்களுக்கும்
கிடைப்பதில்லை. இதைப் பாதுகாத்து திடமாக வைத்துக்
கொள்வது நம் கடமை.

* கற்பனை அனைத்தையும் கடந்தவன் இறைவன்.
அவனை நம் கற்பனை எல்லைக்குள் கொண்டு வர இயலாது.

* அம்பை ஏவி விட்டவனுக்குப் பதிலாக, அம்பையோ, அம்பு
செய்து கொடுத்தவனையோ நொந்து கொள்வதால் ஒருபயனும்
இல்லை.

* உத்தமர் தம் உள்ளத்தில் கடவுள் பிரணவ ஒளியாக
வீற்றிருப்பார். அவர் எண்ணம், சொல், செயல் அனைத்தும்
புனிதமானதாக இருக்கும்.

* பிறர் தயவை நாடாமல் மனிதன் வாழ வேண்டும்.
தன்னை நாடி வருபவர்களுக்கு அள்ளி வழங்கும் நல்ல மனம்
பெற்றிருக்க வேண்டும்.
-
---------------------------
- வள்ளலார்

ayyasamy ram: வழிநடத்துனர்; பதிவுகள் : 84851
இணைந்தது : 30/09/2013