கொரோனாவை குணப்படுத்த முத்த வைத்தியம் கொடுத்த சாமியார் கொரோனாவுக்கு பலி

by **ayyasamy ram** Sat Jun 13, 2020 7:25 am

-

போபால்,:
மத்திய பிரதேசத்தில் கொரோனாவை குணப்படுத்துவதாக
அருள்வாக்கு கூறி பக்தர்கள் கையில் முத்த வைத்தியம்
செய்த சாமியார் அதே கொரோனாவுக்கு பலியானார்.

அவரிடம் முத்தம் வாங்கிய பக்தர்கள் பலருக்கு கொரோனா
தொற்று உறுதியாகியுள்ளது.

மத்திய பிரதேச மாநிலம் ராட்லா மாவட்டத்தில் அஸ்லம் பாபா
என்ற சாமியார் , கொரோனாவை தாம் குணப்படுத்துவதாக கூறி,
தன்னை சந்திக்க வந்த பக்தர்களுக்கு கையில் முத்தம் வைத்தியம்
கொடுத்து அருள்வாக்கு கூறிவந்துள்ளார்.

இந்நிலையில் கடந்த 3 -ம் தேதி அஸ்லம் பாபாவுக்கு உடல்
நலக்குறைவு ஏற்பட்டது. அவரை டாக்டர்கள் பரிசோதித்ததில்
கொரோனா தொற்று உறுதியாகியுள்ளது. மருத்துவமனையில்
சிகிச்சை பலனின்றி இறந்தார்.

ஏற்கனவே கொரோனா தொற்றால் பாதிக்கப்பட்ட யாரோ ஒரு நபர்
அஸ்லம்பாபாவிடம் முத்தம் வாங்கி சென்று கொரோனாவை
பரப்பியிருக்கலாம் என கூறப்படுகிறது.

இதையடுத்து அவரிடம் முத்தல் பெற்ற 19 பேர் கண்டறியப்பட்ட
நிலையில் பாபாவின் தொடர்பால் 24 பேர் கொரோனா
தொற்றுக்குள்ளானது கண்பிடிக்கப் பட்டுள்ளதாகவும் அவர்களை
தனிமைப்படுத்தும் முகாமில் தனிமைப்படுத்தி உள்ளதாகவும்
ராட்லா மாவட்டத்தில் மட்டும் 80க்கும் மேற்பட்டோர்
பாதிக்கப்பட்டுள்ளதாகவும் சுகாதாரத்துறையினர் தெரிவித்துள்ளனர்.

தினமலர்

by சிவனாசான் Sat Jun 13, 2020 11:23 pm

லக்னோ; உத்தர பிரதேசத்தைச் சேர்ந்த புலம்பெயர் தொழிலாளர்களுக்கு, 1,000 பஸ்கள் ஏற்பாடு செய்த விவகாரத்தில், காங்., பொதுச் செயலர் பிரியங்காவின் தனி உதவியாளர் மீது, மோசடி வழக்குப் பதிவு செய்யப்பட்டுள்ளதை அடுத்து, அவர் முன் ஜாமின் கோரி, அலகாபாத் உயர் நீதிமன்றத்தில், மனு தாக்கல் செய்துள்ளார். என தகவல்..................

by சிவனாசான் Sat Jun 13, 2020 11:55 pm

சென்னை; சென்னை, சாலிகிராமத்தில் உள்ள, கொரோனா சித்த மருத்துவ சிகிச்சை மையத்தில், 30 பேர் குணமடைந்து, நேற்று வீடு திரும்பினர்.சென்னையில், கொரோனா பாதித்தவர்களுக்கு, அலோபதி மற்றும் சித்தா இணைந்து அளிக்கும், கூட்டு மருத்துவ சிகிச்சைக்கு, நல்ல பலன் கிடைத்து வருகிறது.

by சிவனாசான் Sat Jun 13, 2020 11:59 pm

சென்னையில், பாதிப்பு உள்ளவரை மட்டுமே, பரிசோதனைக்கு அழைத்து செல்கின்றனர். குடும்பத்தினர், அவரை சுற்றி உள்ளோரையும் அழைத்து சென்று, பரிசோதனைக்கு உட்படுத்துவது இல்லை. அவர்கள், இஷ்டம் போல வெளியிடங்களுக்கு சென்று வருகின்றனர்.பாதிக்கப்பட்டவரின் வீட்டில், 'நோட்டீஸ்' ஒட்டப்படுகிறது; வேறு தடுப்பு நடவடிக்கைகள் சரியாக மேற்கொள்ளப்படுவது இல்லை. மக்களும் ஒத்துழைக்காததால், கொரோனா பாதிப்பு அடங்க மறுக்கிறது. எனவே, நோய் பரவலை தடுக்க, சென்னை, காஞ்சிபுரம், செங்கல்பட்டு, திருவள்ளூர் மாவட்டங்களில், ஒரு வாரம் முழு ஊரடங்கை அமல்படுத்த வேண்டும் என, அரசுக்கு அதிகாரிகள் பரிந்துரை செய்துள்ளனர்.