வீட்டில் உக்ர தெய்வங்களை வைத்து வழிபடலாமா?

**ayyasamy ram** · **ayyasamy ram** Tue Jun 09, 2020 5:08 pm

வீட்டில் மகாகாளியின் படத்தை வைத்து வணங்கி
வருகிறோம். ஆனால், சிலர் வீட்டில் உக்ர தெய்வங்களை
வைத்து வழிபடக்கூடாது என்கிறார்கள்.
நீங்கள்தான் வழிகாட்ட வேண்டும்.

– எம்.செளம்யா, சென்னை-57

`அதி சௌம்ய அதி ரௌத்ராயை’ என்று தேவியை
சாந்தமாக இருப்பவள் என்றும், அதே தேவி மிக
உக்கிரமாகவும் விளங்குகிறாள் என்றும்
தேவீ மஹாத்மியத்தில் கூறப்பட்டுள்ளது.

இதன் மூலம் ஒரே பரம்பொருளே பல ரூபங்களில்
விளங்குவதை நாம் தெரிந்துகொள்ளலாம். நமக்குத்
துன்பங்கள் ஏதேனும் நேராமல் இருக்கவேண்டும்
என்பதற்காக, தேவி உக்கிர ரூபத்தைத் தரிப்பதாக
சாஸ்திரங்கள் கூறுகின்றன.

‘தைத்யானாம் தேஹ நாசாய பக்தானாம் அபயாய ச’
என்று தீயவர்களை அழித்து நல்லவர்களைக்
காப்பாற்றுவதற்காகவே, தான் ஆயுதங்களைத் தரிப்பதாக
தேவி கூறுகிறாள். இந்த உண்மையை நாம் அறிந்து
கொண்டால், சாந்தமான தெய்வம் என்றும் உக்கிரமான
தெய்வம் என்றும் வேறுபடுத்திப் பார்க்க மாட்டோம்.

உக்கிரமான தெய்வ வடிவங்களை நாம் காணும்போது,
அந்த தெய்வ சக்திகள், நமக்கு உள்ளேயும் வெளியேயும்
உள்ள தீயனவற்றை விலக்கி, நன்மைகளை அளிப்பதற்கே
என்பதை உணர்ந்து, தெய்வங்களை அனைத்து
வடிவங்களிலும் வழிபடுவது சிறந்தது.

உக்கிரமான தெய்வ வடிவங்களை வழிபடுவதில் தவறு
இல்லை.
-
-----------------

ஆன்மீக கேள்விக்கு விடையளித்தவர் -ஷண்முக சிவாசார்யர்
நன்றி-விகடன்

ranhasan · ranhasan Wed Jun 10, 2020 1:58 pm

"இந்த உண்மையை நாம் அறிந்து
கொண்டால், சாந்தமான தெய்வம் என்றும் உக்கிரமான
தெய்வம் என்றும் வேறுபடுத்திப் பார்க்க மாட்டோம்." சூப்பருங்க

கடவுள்ள எதுக்கு நல்ல கடவுள், கெட்ட கடவுள், சாந்த கடவுள், கோபக்கடவுள்... நீங்க எதை நம்பி கும்பிட்டாலும் அது நல்லதா இருக்கட்டும் அவ்ளோதான்...

**T.N.Balasubramanian** · **T.N.Balasubramanian** Wed Jun 10, 2020 9:36 pm

ranhasan wrote:"இந்த உண்மையை நாம் அறிந்து
கொண்டால், சாந்தமான தெய்வம் என்றும் உக்கிரமான
தெய்வம் என்றும் வேறுபடுத்திப் பார்க்க மாட்டோம்."

கடவுள்ள எதுக்கு நல்ல கடவுள், கெட்ட கடவுள், சாந்த கடவுள், கோபக்கடவுள்... நீங்க எதை நம்பி கும்பிட்டாலும் அது நல்லதா இருக்கட்டும் அவ்ளோதான்...

மேற்கோள் செய்த பதிவு: 1321802

மகிழ்ச்சி