Latest topics

அசாமில் உள்ள ஆயில் இந்தியா நிறுவன எண்ணெய் கிணற்றில் பயங்கர தீ

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

அசாமில் உள்ள ஆயில் இந்தியா நிறுவன எண்ணெய் கிணற்றில் பயங்கர தீ

Post by ayyasamy ram Wed Jun 10, 2020 6:00 am

-

கவுகாத்தி:
அசாம் மாநிலம் தின்சுகியா மாவட்டத்தில் உள்ள
ஆயில் இந்தியா எண்ணெய் நிறுவனத்திற்கு
சொந்தமான எண்ணெய் கிணற்றில் பயங்கர
தீவிபத்து ஏற்பட்டுள்ளது.

அசாம் தலைநகர் கவுகாத்தியிலிருந்து 500 கி.மீ.,
தொலைவில் தின்சுகியா மாவட்டத்தில் உள்ள
பாக்ஜானில் ஆயில் இந்தியா நிறுவனத்திற்கு
சொந்தமான இயற்கை எரி வாயு உற்பத்தி செய்யும்
எண்ணெய் கிணறு உள்ளது.

இதில் கடந்த இரு வாரங்களாக எண்ணெய் கசிவு
ஏற்பட்டுள்ளது. இந்நிலையில் இன்று (ஜூன் 9)
பிற்பகல் திடீரென தீப்பிடிக்க தொடங்கியது.

இதையடுத்து மாநில முதல்வர் சர்பானந்தா
சோனாவால் மத்திய பெட்ரோலியத் துறை
அமைச்சரிடம் தொடர்பு கொண்டு பேசியுள்ளார்.

தீயினை கட்டுப்படுத்த விமானப்படை மற்றும்
ராணுவத்தின் உதவியை அசாம் அரசு நாடியுள்ளது.
தீயை கட்டுப்படுத்த சிறப்பு நிபுணர்கள்
சிங்கப்பூரிலிருந்து வரவழைக்கப்பட உள்ளனர்.

முன்னெச்சரிக்கை நடவடிக்கையாக தீவிபத்து
ஏற்பட்டுள்ள பகுதியில் 1.5 கி.மீ., சுற்றளவில் வசிக்கும்
சுமார் 6000 பேர் பாதுகாப்பான இடங்களுக்கு
அப்புறப்படுத்தப்பட்டுள்ளனர்.

தினமலர்

ayyasamy ram: வழிநடத்துனர்; பதிவுகள் : 82799
இணைந்தது : 30/09/2013