Latest topics

ஏழை மக்களுக்கு இலவச மருத்துவக் காப்பீடு

ஈகரை தமிழ் களஞ்சியம் :: மருத்துவ களஞ்சியம் :: மருத்துவ கட்டுரைகள்

Page 1 of 1

ஏழை மக்களுக்கு இலவச மருத்துவக் காப்பீடு

Post by இளவரசன் Mon Mar 30, 2009 10:58 pm

சென்னை (ஏஜென்சி), வியாழக்கிழமை, 22 ஜனவரி 2009 ( 15:37 IST )

புற்றுநோய், இதய நோய், சிறுநீரக கோளாறு உள்ளிட்ட கடுமையான நோயால் பாதிக்கப்படும் ஏழை மக்கள், தனியார் மருத்துவமனைகளில், இலவச சிகிச்சை பெறும் வகையில் ரூ. 1 லட்சம் வரையிலான இலவச மருத்துவக் காப்பீடு திட்டத்தை தமிழக அரசு அறிவித்துள்ளது.

இதுகுறித்து தமிழக சட்டசபையில் நேற்று ஆளுனர் நிகழ்த்திய துவக்க உரை:

தமிழக அரசு மருத்துவத்துறையில் சீரிய நடவடிக்கைகள் மேற்கொண்டு வருகிறது. இதன் பயனாக அரசு மருத்துவமனைக்கு வரும் நோயாளிகளின் எண்ணிக்கையும், மகப்பேறுக்கு வருபவர்களின் எண்ணிக்கையும் கணிசமாக உயர்ந்துள்ளது.

எனினும், புற்றுநோய், இதயநோய், சிறுநீரக கோளாறு, மூளை மற்றும் முதுகுத்தண்டு பாதிப்பு, உயிருக்கு ஆபத்தான விபத்துகள் போன்ற பல கடுமையான நோய்களுக்கு ஏழை மக்கள் தனியார் மருத்துவமனைகளில் உயர் சிகிச்சை பெற வேண்டிய நிலை உள்ளது.

இந்த நோய்களில் இருந்து மக்களை காப்பாற்றுவதற்காக, `உயிர்காக்கும் உயர் சிகிச்சைக்கான முதல்வரின் காப்பீட்டுத் திட்டம்' என்ற புதிய சுகாதார இன்சூரன்ஸ் திட்டம் இந்த ஆண்டு முதல் செயல்படுத்தப்படும்.

இத்திட்டத்தின்படி, ஏழை மக்கள் அனைவரும் அரசு அல்லது தனியார் மருத்துவமனைகளில் இலவசமாக உயர் சிகிச்சை பெற முடியும்.

இந்த திட்டத்தின் கீழ், ஒவ்வொரு குடும்பத்திற்கும் ரூ.1 லட்சம் வீதம் மருத்துவ காப்பீடு செய்யப்படும். இதற்கான காப்பீட்டுத் தொகையை அரசே செலுத்தும். இத்திட்டத்தால் தமிழகத்தில் உள்ள சுமார் 1 கோடி ஏழை குடும்பத்தினர் பயனடைவர்.

இளவரசன்: வி.ஐ.பி; பதிவுகள் : 3334
இணைந்தது : 27/01/2009