முஸ்லிம் குடும்பத்தில் நடந்த சோக சம்பவம் உங்கள் பார்வைக்கு!

by சபீர் Fri Jan 08, 2010 2:52 am

ஆத்தூரில் மகனை கொன்ற 2வது தந்தை கைது!

ஆத்தூர்:

மனைவியின் முதல் கணவனுக்கு பிறந்த சிறுவனை வாரிசாக ஏற்றுக்கொள்ள முடியாமலும், சொத்துக்காகவும் சிறுவனை கடத்தி சென்று கழுத்தை நெரித்து கொடூரமான முறையில் கொலை செய்து கிணற்றில் வீசிய இரண்டாவது தந்தையை போலீஸார் கைது செய்தனர்.

சேலம் மாவட்டம் ஆத்தூர் டவுன் அருணகிரிநாதர் தெருவை சேர்ந்தவர் அப்சல்கான் (28). அவரது மனைவி சபீகா பானு விவகாரத்து பெற்று தனித்து வாழ்ந்து வருகிறார்.திருச்சி விமான நிலையம் அருகில் சேரன் நகரை சேர்ந்த குல்சன்பேகம் (25). அவரது மகன் ஆஷிப்அகமது (6). கருத்து வேறுபாடு காரணமாக முதல் கணவர் சாதிக்பாஷாவை விவகாரத்து செய்து விட்டார். ஆத்தூர் அப்சல்கானுக்கும், திருச்சி குல்சன்பேகத்துக்கும் 2006ல் இரண்டாவது திருமணம் நடந்தது.

சாதிக்பாஷாவுக்கு பிறந்த ஆஷிப்அகமதுவை, தாய் குல்சன்பேகம் வளர்த்து வந்தார். நவம்பர் 11ம் தேதி பாட்டி சமீன்பேகத்துடன் சிறுவன் ஆஷிப்அகமது ஆத்தூரிலுள்ள தாய் குல்சன்பேகம் வீட்டில் நடந்த விழாவுக்கு வந்துள்ளான். திடீரென அவன் காணவில்லை.நவம்பர் 21ம் தேதி ஆத்தூரிலிருந்து 3 கி.மீ., தொலைவிலுள்ள தங்கராஜ் என்பவரது விவசாய கிணற்றில் சிறுவன் ஆஷிப்அகமது அழுகிய நிலையில் பிணமாக கிடந்தது கண்டறியப்பட்டது. சிறுவனை கொலை செய்திருக்கலாம் என போலீஸாருக்கு சந்தேகம் ஏற்பட்டது.

ஆத்தூர் போலீஸார் தீவிரமாக விசாரித்து வந்தனர். நேற்று அப்சல்கான், ஆத்தூர் டவுன் வி.ஏ.ஓ., பாலசுப்ரமணியத்திடம் சரணடைந்து, ஆஷிப் அகமதுவை தான் கொன்றதாக ஒப்புக் கொண்டு வாக்குமூலம் அளித்தார். அவரை போலீஸார் கைது செய்தனர்.

போலீஸ் விசாரணையில் அப்சல்கான் கூறுகையில், ஆஷிப் அகமது வேறு ஒருவனுக்கு பிறந்ததால், என் மகனாக ஏற்றுக்கொள்ள மனம் வரவில்லை. ஆஷிப் அகமதுவை கொலை செய்துவிட்டால் சிறுவனுக்கு கிடைக்க வேண்டிய சொத்துகள் என் மனைவிக்கு வந்துவிடும் என கடத்தி சென்றேன். ஆத்தூர் - மஞ்சினி ரோட்டில் சிறுவனின் கழுத்தை நெரித்து மூச்சு மற்றும் உடல் அசைவு நின்றதும் கிணற்றில் வீசினேன். கொலையை மறைக்க மாமியார், மனைவியுடன் சென்று குழந்தையை காணவில்லை என போலீஸில் புகார் செய்தேன்,'' என்றார்.

காட்டிக்கொடுத்தமொபைல் ஃபோன் :அப்சல்கான், ஆஷிப்அகமதுவை கடத்தி சென்று கொலை செய்தான். பைக்கில் கடத்தி சென்ற போது மஞ்சினி ரோட்டில் இருந்து மொபைல் ஃபோனில் பேசியுள்ளான். போலீஸார் அப்சல்கானின் மொபைல் ஃபோனிலிருந்து பேசிய விபரங்களை மொபைல் நிறுவனத்தினரிடம் சேகரித்தனர்.

அதில், அப்சல்கான் கொலை நடந்த இடத்திலிருந்து பேசியதால், அவர் தான் கொலை செய்திருக்க வேண்டும் என சந்தேகம் ஏற்பட்டது. போலீஸார் விசாரணையை தீவிரப்படுத்தியது தெரிந்ததும் அப்சல்கான் வி.ஏ.ஓ.,விடம் சரணடைந்துள்ளார்.