நடிகை ஆச்சி மனோரமா பிறந்த நாள் : மே 26, 1943

**ayyasamy ram** · **ayyasamy ram** Wed May 27, 2020 3:29 pm

-
தமிழ் திரைப்பட ரசிகர்களால் ‘ஆச்சி’ என அன்போடு
அழைக்கப்படும் மனோரமா மன்னார்குடியில் 1943 ஆம்
ஆண்டு மே மாதம் இதே நாளில் பிறந்தார்.

இந்தியத் திரைப்படத்துறையில் மாபெரும் சாதனைப் படைத்த
இவர், தமிழ்த் திரையுலகம் தந்த முதல்வர்கள் அறிஞர் அண்ணா,
கலைஞர் கருணாநிதி, புரட்சித்தலைவர் எம்.ஜி.ஆர், ஜெயலலிதா
மற்றும் ஆந்திர மாநில முதல்வர் என்.டி.ஆர் என ஐவருடன் நடித்த
பெருமைக்குரியவர்.

தமிழ் சினிமாவில் அவருடைய சாதனை மிகவும் வியப்புக்குரியது.
அவர் சுமார் 5000-த்திற்கும் மேற்பட்ட நாடகங்களிலும், 1200-க்கும்
மேற்பட்ட திரைப்படங்களிலும் நடித்து உலகப் புகழ்பெற்ற
கின்னஸ் புத்தகத்தில் இடம் பெற்றுள்ளார்.

அது மட்டுமல்லாமல், கலைத் துறைக்கு அவர் ஆற்றிய
ஈடுஇணையற்ற பங்களிப்பிற்காக இந்திய அரசின் உயரிய
விருதுகளில் ஒன்றான ‘பத்ம ஸ்ரீ விருது’ வழங்கி
கெளரவிக்கப்பட்டார்.

மேலும், தமிழக அரசின் ‘கலைமாமணி விருது’, ‘புதிய பாதை’
திரைப்படத்திற்காக சிறந்த துணை நடிகைக்கான ‘தேசிய விருது’,
மலேசிய அரசிடம் இருந்து ‘டத்தோ சாமுவேல் சரித்திர நாயகி விருது’,
கேரளா அரசின் ‘கலா சாகர் விருது’, ‘சினிமா எக்ஸ்பிரஸ் விருது’,
சிறந்த குணச்சித்திர நடிகைக்காக ‘அண்ணா விருது’,
‘என்.எஸ்.கே விருது’, ‘எம்.ஜி.ஆர். விருது’, ‘ஜெயலலிதா விருது’
மற்றும் பல முறை ‘ஃபிலிம்ஃபேர் விருதுகள்’ எனப் பல விருதுகளை
வென்று சாதனைப் படைத்துள்ளார்.

நாடக நடிகையாகத் தன்னுடைய வாழ்க்கையைத் தொடங்கி, தமிழ்
சினிமாவில் நகைச்சுவை மற்றும் குணச்சித்திரம் எனப் பல்வேறு
கதாபாத்திரங்களை ஏற்று சுமார் 1200-க்கும் மேற்பட்ட
திரைப்படங்களில் நடித்து, திரைப்படத்துறை வரலாற்றில் மாபெரும்
சாதனைப் படைத்த ‘ஆச்சி’ மனோரமாவின் பிறந்தநாளில் அவரை
போற்றி புகழ்வோம்.
-
----------------------------
மாலைமலர்

**krishnaamma** · **krishnaamma** Wed May 27, 2020 9:45 pm

//Gopishantha (26 May 1937 – 10 October 2015), better known by her stage name Manorama, also called Aachi, was a veteran Indian actress, playback singer and comedian who had appeared in more than 1500 films, 5,000 stage performances and several television series until 2015.[1][2] She entered the Guinness World Records for acting in more than 1000 films in 1985. By 2015, she had acted in more than 1,500 films.[3] She was a recipient of the Kalaimamani award. In 2002, Government of India awarded Manorama the Padma Shri for her contribution to the arts. National Film Award for Best Supporting Actress for her performance in film Pudhiya Padhai (1989) and Filmfare Lifetime Achievement Award – South (1995).//

இது விக்கிபீடியா வில் போட்டுள்ளது.....எந்த வருடம் பிறந்தார் அவர்?........