இயேசுவின் உடலும் ரத்தமும்

by **Admin** Fri Sep 26, 2008 3:15 am

கத்தோலிக்க கிறிஸ்துவ தலைமை பீடமான வத்திக்கான் -அதன் தலைவர் திருத்தந்தை இரண்டாம் அருள் சின்னப்பர் (போப் ஜான்பால் அக்டோபர் 2004 முதல் அக்டோபர் 2005-ம் மாதம் வரை உள்ள காலத்தை நற்கருணை ஆண்டு என பிரகடனப்படுத்தியுள்ளார்.

நற்கருணை என்றால் என்ன?

கிறிஸ்தவர்களில் பிரார்த்தனை வேளையில், திருப்பலி பொருளாக இறை இயேசுவின் உடலை அப்ப வடிவில் வழங்கப்படுகிற அப்பமே நற்கருணை என்பதாகும். நற்கருணை ஆலய மையத்தில் மிகவும் வணக்கத்திற்கும், போற்றுதலுக்கும், ஆராதனைக்கும் உரிய புனித பொருளாக பாதுகாக்கப் படுகிறது. நற்கருணையே ஆலய புனிதத் தன்மையின் கருவாகவும், மையமாகவும் கொள்ளப்படுகிறது. புனித பொருள்களில் முதன்மை இடம் பெறுகிறது. ஆலயத்தின் புனிதமே நற்கருணை பேழையுள் புதைந்துள்ளது.

நற்கருணை குறித்து உலகப் புகழ் பெற்ற அமெரிக்க பெந்தேகோஸ்தே போதகர் ஓரல் ராபர்ட்ஸ் வெளிப்படுத்துகிறார்.

நீங்கள் காண்கிறது கோதுமை அப்பந்தான்.

முந்திரி பழரசந் தான் ஆனால் நீங்கள் உட்கொள்கிறது கர்த்த ராகிய இயேசுவை...

ஆம். அப்ப, ரச வடிவில் இறை இயேசுவின் பிரசன்னம் திருப்பலியில் இயேசுவின் உடலாகவும், இரத்தமாகவும்

மாறுகிறது. இதன் அடிப்படையே கிறிஸ்துவ மதமாகும். கிறிஸ்துவ நம்பிக்கையாகும்.

பழைய ஏற்பாட்டு காலத்தில் பாவக்கழுவாய் பலிகள் பல உண்டு. புதிய ஏற்பாட்டில் இறை இயேசுவே உயிருள்ள பாவப்பலி. இறை இயேசுவின் திருப்பலியாக கிறிஸ்துவம் தினம் தினம் பிரார்த்தனை வடிவில் கொணர்ந்து புது நம்பிக்கையும், மீட்பும் பெறுகிறது.

இரத்தம் சிந்தப்படாத அந்தத் திருப்பலியில் இறை இயேசுவே அப்ப வடிவில் இறங்குகிறார். திராட்சை இரசத்தை தன் இரத்தமாக மாற்றுகிறார். திருப்பலியில் விசுவாசிகள் இது விசுவாசத்தின் மறை பொருள் என கூறி தொடர்ந்து ஜெபிக்கிறார்கள். நற்கருணையை முழு ஆன்ம சுக்தியோடு உட்கொள்கிறார்கள். ஏனெனில் நற்கருணையை ஏற்படுத்தியவர் இயேசு. பாவப்பலியில் மன்னிப்பு வழி பரிகாரம் பெற தன் உடல், இரத்தம் என மனுக்குலத்திற்கு தந்தவர் இயேசு. இறைமகன் இயேசு இதோ, கடைசி இராவுணவு வேளை, தன் சீடர்களுடன் அமர்ந்து தன் இறுதி விருந்தை உட்கொள்கிறார். நற்கருணை என்று தேவ வரப் பிரசாதத்தை உருவாக்குகிறார்.

விவிலியம் பாடல் கற்பிக்கிறது, நம்பிக்கையை உறுதிப்படுத்துகிறது.

இறை இயேசு தன் சீடர்களோடு உணவ ருந்திக் கொண்டிருந்தபோது, அப்பத்தை எடுத்து கடவுளைப் போற்றி, அதை பிட்டுச் சீடருக்கு கொடுத்து இதைப் பெற்று உண்ணுங்கள். இது என் உடல் என்றார். பின்பு கிண்ணத்தை எடுத்து கடவுளுக்கு நன்றி செலுத்தி அவர்களுக்கு கொடுத்து, இதில் உள்ளதை அனைவரும் பருகுங்கள். ஏனெனில் இது எனது உடன்படிக்கையின் இரத்தம்ƒ பலருடைய பாவ மன்னிப்பிற்காக சிந்தப்படும் இரத்தம்

(மத்தேயு 26„ 26-28)

பாவப் பரிகாரமாய் சிந்தப்பட்ட கிறிஸ்துவின் இரத்தம் பலியான அவர் உடல் மீட்பளித்து மனுக் குலத்தை தன் பிள்ளைகளாக்க, புனித வாழ்வு வாழ நற்கருணை வழி தினம் புது உறவாகிறார்.

புனிதமிகு நற்கருணையை வணங்குவோம். நற்கருணை ஆண்டில் புனித வாழ்வு வாழ உறுதி எடுப்போம்.