வளர்ச்சி அடைந்த நாடுகள் அமைப்பில் இந்தியா: டிரம்ப் வலியுறுத்தல்

**ayyasamy ram** · **ayyasamy ram** Mon Jun 01, 2020 9:08 am

வாஷிங்டன்:
''ஜி - 7 எனப்படும், பொருளாதாரத்தில் வளர்ச்சி அடைந்த நாடுகளின்
அமைப்பு, காலாவதியாகி விட்டது.இதை மேலும் விரிவு படுத்தி,
இந்தியா உள்ளிட்ட மேலும் மூன்று நாடுகளை இந்த அமைப்பில்
சேர்க்க வேண்டும்,'' என, அமெரிக்க அதிபர் டிரம்ப் வலியுறுத்தி
உள்ளார்.

'ஜி - 7' அமைப்பில், சர்வதேச அளவில் பொருளாதாரத்தில் வளர்ச்சி
அடைந்த அமெரிக்கா, ஜெர்மனி, கனடா, பிரான்ஸ், இத்தாலி, ஜப்பான்,
பிரிட்டன் ஆகிய ஏழு நாடுகள் அங்கம் வகிக்கின்றன.
இந்த அமைப்பின் கூட்டத்தை, விரைவில் நடத்த திட்டமிடப்பட்டிருந்தது.

இது குறித்து, அமெரிக்க அதிபர் டொனால்டு டிரம்ப் கூறியதாவது:

இந்த மாத இறுதியில், ஜி - 7 நாடுகளின் மாநாட்டை நடத்த
திட்டமிடப்படிருந்தது. ஆனால், கொரோனா வைரஸ் பல்வேறு
நாடுகளிலும் கடும் பாதிப்பை ஏற்படுத்தி வருவதால், திட்டமிட்டபடி
மாநாட்டை நடத்த முடியாத நிலை ஏற்பட்டுள்ளது.

வரும் செப்டம்பர் வரை கூட்டத்தை நடத்த வாய்ப்பில்லை.
மேலும், ஜி - 7 என்பது, காலாவதியான அமைப்பாகி விட்டது.

மாறி வரும் பொருளாதார சூழலுக்கு ஏற்ப, இந்த அமைப்பில் மாற்றத்தை
ஏற்படுத்த வேண்டும்.

இந்தியா, தென் கொரியா, ரஷ்யா, ஆஸ்திரேலியா ஆகிய நாடுகளை
இதில் இணைத்து, ஜி - 10 அல்லது ஜி - 11 என, இதன் பெயரை மாற்ற
வேண்டும் என்பது என் கருத்து.

அமெரிக்க அதிபர் தேர்தல் முடிந்ததும், இதற்கான நடவடிக்கைகள்
மேற்கொள்ளப்படும். சம்பந்தபட்ட நாடுகளின் தலைவர்களுடன்,
இது குறித்து ஏற்கனவே பேசியுள்ளேன். இவ்வாறு, அவர் கூறினார்.

தினமலர்

வளர்ச்சி அடைந்த நாடுகள் அமைப்பில் இந்தியா: டிரம்ப் வலியுறுத்தல்

வளர்ச்சி அடைந்த நாடுகள் அமைப்பில் இந்தியா: டிரம்ப் வலியுறுத்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக