Latest topics

மக்கள் ஆர்ப்பாட்டம் செய்வதைத் தடுக்கவியலாது: பிரதமர் நஜிப்!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மக்கள் ஆர்ப்பாட்டம் செய்வதைத் தடுக்கவியலாது: பிரதமர் நஜிப்!

Post by சிவா Thu Jan 07, 2010 11:32 pm

இன்று மக்கள் பள்ளிவாசல்களில் ஒன்றுதிரண்டு, கிறிஸ்துவ வார இதழான த ஹெரால்ட், “அல்லாஹ்” என்னும் சொல்லைப் பயன்படுத்தலாம் என்ற நீதிமன்றத் தீர்ப்புக்கு எதிர்ப்புத் தெரிவிப்பதை அரசாங்கத்தால் தடுக்கவியலாது என்று பிரதமர் நஜிப் அப்துல் ரசாக் கூறியுள்ளார்.

“அவர்கள் பள்ளிவாசல்களில் ஒன்றுகூட விரும்பினால் அதை எங்களால் தடுக்க முடியாது”, என்றாரவர். ஆர்ப்பாட்டங்கள் விசயத்தில் அரசாங்கம் இரண்டுவித போக்கைக் கடைப்பிடிக்கிறதா என்று கேட்கப்பட்டதற்கு நஜிப் இவ்வாறு பதிலிறுத்தார்.

“அல்லாஹ்” விவகாரத்துக்கு நீதிமன்றம் தீர்வு காண்கின்ற வேளையில் அது பற்றிய கலந்துரையாடல்கள் நடத்தப்படுவதும் அவசியம் என்றும் அவர் குறிப்பிட்டார்.

இவ்விவகாரம் தொடர்பில் மக்கள் கருத்துத் தெரிவிப்பதை அரசாங்கம் தடை செய்யவில்லை என்று உள்துறை அமைச்சர் ஹிஷாமுடின் உசேன் நேற்றுக் கூறினார்.

அதே நேரத்தில் ஆர்ப்பாட்டங்கள் “பாதுகாப்பைப் பாதிக்குமானால்” நடவடிக்கை எடுப்பதில் தயக்கம் காட்டப்படாது என்றும் அவர் வலியுறுத்தினார்.

முஸ்லிம்களை உறுப்பினர்களாகக் கொண்ட பல அமைப்புகள், மற்ற சமயங்கள், “அல்லாஹ்” என்னும் சொல்லைப் பயன்படுத்துவதற்கு எதிர்ப்புத் தெரிவிக்க நாளை ஆர்ப்பாட்டங்கள் நடத்தத் திட்டமிட்டுள்ளன.

நேற்று கோலாலம்பூர் உயர் நீதிமன்றம், உள்துறை அமைச்சின் விண்ணப்பத்தை ஏற்று “அல்லாஹ்” என்ற சொல்லை தி ஹெரால்ட் வார இதழ் பயன்படுத்துவதை நிறுத்தி வைப்பதற்கான ஆணையை பிறப்பித்தது.

மக்கள் ஆர்ப்பாட்டம் செய்வதைத் தடுக்கவியலாது: பிரதமர் நஜிப்! Q9CBqnj

அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:

https://picsart.com/u/sivastar
https://picsart.com/u/sivastar/stickers

ஈகரை டெலிகிராம் ஆப்பில் இணைய: https://t.me/eegarai

சிவா: நிறுவனர்; பதிவுகள் : 91538
இணைந்தது : 19/09/2008