என் அறிமுகம் - பி. கன்னியப்பன்

pkanniyappan · pkanniyappan Sun 26 Apr 2020 - 15:04

பெயர்: பி. கன்னியப்பன்
சொந்த ஊர்: திருநெல்வேலி, வசிப்பது பெங்களூர்
ஆண்/பெண்: ஆண்
ஈகரையை அறிந்த விதம்: இணையம்
பொழுதுபோக்கு: இணையம், புகைப்படம், பயணம், கோவில் கட்டிடக் கலைகள்.
தொழில்: ஓய்வு பெற்ற மைய அரசு அலுவலர்.
மேலும் என்னைப் பற்றி: புது டில்லி தகவல் மற்றும் தொலைத் தொடர்பு அமைச்சரவை, மற்றும் முன்னாள் தொலைதொடர்புத் துறை, மற்றும் பி.எஸ்.என்.எல் - இவைகளில் 39 ஆண்டுகள் "இந்திய அஞ்சல் மற்றும் தொலைதொடர்பு - நிதி & கணக்கு சேவை" (அதாவது I P&T AFS)-ல் பணி புரிந்த அனுபவம். தமிழின் பால் உள்ள அதீத ஈடுபாடு காரணமாக கல்கத்தா, மற்றும் டில்லி தமிழ்ச் சங்கங்களில் நெடு நாட்கள் நிர்வாகக் குழுவில் இருந்தது, இந்த இணையத்தை இந்தியாவில் அறிமுகப்படுத்தும்போது, தகவல் தொழில் நுட்பத் துறைக்குழுவில் நானும் ஒருவனாக இருந்தது என்பது எனக்குப் பெருமையான விஷயம். இன்றுவரை 70 வயதிலும் இணையத்தோடு ஒரு நாளைக்குக் குறைந்தது 15 மணி நேரம் என் பயனுள்ள பதிவுகள் மூலம் உறவாடி வருகிறேன்.

pkanniyappan · pkanniyappan Sun 26 Apr 2020 - 15:07

இந்த இணையத்தைப் பல பதிவுகள் மூலம் பயன் படுத்தத் திட்டமிட்டுள்ளேன்.
கூடவே, சக பயனர்களின் பதிவுகளைப் படித்து ஆனந்திக்கவும் உத்தேசம்.

**T.N.Balasubramanian** · **T.N.Balasubramanian** Sun 26 Apr 2020 - 19:59

உங்களை அன்புடன் ஈகரை வரவேற்கிறது. :நல்வரவு:

திருநெல்வேலியில் எங்கே? அருகாமை ஊர் ஏதாவதா?

பெங்களுருவில் எந்த இடம் ?

இரண்டுமே நமக்கு தெரிந்த இடம்தான்.

உங்கள் வருகை ஈகரை உறவுகளுக்கு பயனுள்ளதாக இருக்குமென எண்ணுகிறேன்.

ரமணியன்

pkanniyappan · pkanniyappan Sun 26 Apr 2020 - 20:58

திருநெல்வேலி டவுன், தொண்டைமான் தெரு, அமரர் தொ.மு. பாஸ்கர தொண்டைமான் வீட்டிலிருந்து எட்டாவது வீடு.
பெங்களூரில் - சஹகார நகர், பி.எஸ்.என்.எல். டெலிகாம் ஆபீசர் காலனி, 560092.

**T.N.Balasubramanian** · **T.N.Balasubramanian** Sun 26 Apr 2020 - 22:25

நெல்லையில் எந்தன் நெருங்கிய உறவுகள் சன்யாசிக்ராமம் /பாலபாக்யநாகரில் உள்ளனர்.

பெங்களுருவில் BTM மைக்கோ லே அவுட் ,ஜெயநகர் /மலேஸ்வரத்தில் உள்ளனர்.

ரமணியன்.

pkanniyappan · pkanniyappan Mon 27 Apr 2020 - 8:28

மிக்க மகிழ்ச்சி! தொ.மு.பாஸ்கரத் தொண்டைமான், IAS அவர்கள், எங்களின் இளமைக் காலத்தில் அவரைப் போல ஒரு உயர் அதிகாரியாக வரவேண்டும் என்று ஒரு கிரியா ஊக்கியாக இருந்தவர். அதே மாதிரி வந்தும் விட்டேன். எங்கள் தெருவில் நான் ஒருவனே அவ்வாறு தேறி வந்தேன்.
இப்போதும் பிறர் குடிமைப் பணிகளில் தேறி வர இணையம் மூலம் ஊக்கமும், பயிற்சியுமளித்துக் கொண்டிருக்கிறேன். எதிர் வரும் காலங்களில் அவர்களின் முயற்சிக்குப் பலன் கிட்டும். பிற இறைவன் அருள் ! நன்றி!!