தட்டில் சில்லறை போட்ட கையில் தாலி கட்டிய நபர்..! பிச்சை எடுத்த பெண்ணுக்கு வாழ்க்கை

**T.N.Balasubramanian** · **T.N.Balasubramanian** Tue May 26, 2020 8:52 pm

ஊரடங்கில் ஏற்கெனவே நிச்சயிக்கப்பட்டிருந்த திருமணங்கள்கூட நடைபெறாமல் இருக்கும் நிலையில் அதே லாக்டவுன் நாட்களில் பிச்சை எடுத்து வந்த பெண்ணுக்கு வாழ்க்கை கொடுத்துள்ள நபரின் செயலானது மிக பெரிய பாராட்டுகளை பெற்றுள்ளது.

உத்தரப் பிரதேச மாநிலத்தைச் சேர்ந்தவர் அனில். இவர் அப்பகுதியில் உள்ள சமூக சேவகரும் தொழிலதிபருமான லால்டா பிரசாத் என்பவருக்கு கார் ஓட்டுநராக உள்ளார். இந்நிலையில் கொரோனா ஊரடங்கில் சாலைகளில் உள்ள ஆதரவற்றோருக்கு தினமும் ஒரு வேளை உணவை லால்டா பிரசாத் வழங்கி வந்துள்ளார். அப்போது கார் ஓட்டும் அனில்தான் ஆதரவற்றோருக்கு காரில் இருந்து இறங்கி உணவு பொட்டலங்களை வழங்கி வந்துள்ளார்.

இந்நிலையில், குறிப்பிட்ட பாலத்துக்கு அருகே தினமும் ஒரு கூட்டத்துக்கு உணவுகளை வழங்கி வந்த நிலையில், அங்கு பிச்சை எடுத்து வந்த பெண் ஒருவரும் தினமும் அனில் வழங்கி வந்த உணவுக்கு காத்திருப்பது வழக்கமாகியுள்ளது. அப்போது அப்பெண்ணுக்கும் அனில்கும் பேசிக்கொள்ளும் பழக்கம் ஏற்பட்டுள்ளது. இந்த விவகாரம் லால்டா பிரசாத்க்கு தெரிய வர, அந்த பெண்ணுக்கு தினமும் இரண்டு முறை உணவு வழங்க கூறியுள்ளார்.

பின்னர், அந்த பெண்ணை குறித்து விசாரித்த போது, '' அந்த பெண்ணின் பெயர் நீலம். அவரது தந்தை சில காலங்களுக்கு முன்பு இறந்துள்ளார். அவரது தாய்க்கு பக்க வாதம் ஏற்பட்டு முடங்கியுளார். இந்நிலையில் நீலத்தின் சகோதரனும், அவரது மனைவியும் நீலத்தை வீட்டை விட்டு துரத்தியுள்ளனர். இதனால் எங்கு போவதென தெரியாமல் சில மாதங்களாக அந்த பாலத்துக்கு அடியில் நீலம் பிச்சை எடுத்து வந்துள்ளார்.

தட்டில் சில்லறை போட்ட கையில் தாலி கட்டிய நபர்..! பிச்சை எடுத்த பெண்ணுக்கு வாழ்க்கை Samayam-tamil

நீலத்தின் கதையை தெரிந்துகொவதற்கு முன்னதாகவே அனில் அப்பெண்ணை திருமணம் செய்துகொள்ள விரும்பியுள்ளார். பின்னர் நீலத்தின் சம்மதத்தை பெற்றதும் இவர்களது திருமணம் அப்பகுதியில் உள்ள புத்தர் ஆசிரமத்தில் சமூக இடைவெளியோடு நடந்துள்ளது. அதில், சில சமூக ஆர்வலர்களும் கலந்துகொண்டதாக கூறப்படுகிறது.

உறவினர்கள் உதாசீனப்படுத்தி, வீடிழந்து, அரவணைப்பின்றி சாலைக்கு வரும் பெண்களுக்கு நம் நாட்டில் பாதுகாப்பு என்பது கேள்விக்குறிதான். அப்படிப்பட்ட சூழலில் ஒரு பெண்ணுக்கு வாழ்க்கையே கிடைத்துள்ளதென்றால் ஆச்சரியம்தான்.

நன்றி சமயம்

ரமணியன்

**T.N.Balasubramanian** · **T.N.Balasubramanian** Tue May 26, 2020 8:59 pm

வாழ்த்துகள் அணில் நீலம் தம்பதியினருக்கு.

ரமணியன்

TV செய்திகளில்தான் தமிழை கொலை செய்கிறார்கள் என்றால் சமயத்திலும் அதையே செய்கிறார்களே !
சில வார்த்தைகள் திருத்தப்படுகின்றன.

தட்டில் சில்லறை போட்ட கையில் தாலி கட்டிய நபர்..! பிச்சை எடுத்த பெண்ணுக்கு வாழ்க்கை

தட்டில் சில்லறை போட்ட கையில் தாலி கட்டிய நபர்..! பிச்சை எடுத்த பெண்ணுக்கு வாழ்க்கை

Re: தட்டில் சில்லறை போட்ட கையில் தாலி கட்டிய நபர்..! பிச்சை எடுத்த பெண்ணுக்கு வாழ்க்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக