80களின் தலைசிறந்த திரைப்பட பாடல்கள்

80களின் தலைசிறந்த பாடல்களைப் பற்றி சொல்லுங்கள்…
--
மிகவும் சிரமமான ஒரு கேள்வி. காரணம், அக்காலகட்டத்தில்
வெளி வந்த படங்களில் பல சிறந்த பாடல்கள் இடம் பெற்றன.
ஞாபகம் வரும் பதினைந்து பாடல்களைக் குறிப்பிடுகிறேன்.
-
பூங்காற்று புதிதானது - மூன்றாம் பிறை :
மனதளவில் குழந்தையாகிப் போன ஒரு பருவப் பெண்ணுக்குத்
துணையிருக்கும் வாலிபனின் அருகாமை, சிறு நெருடலும் இன்றி
அழகாகப் படமாக்கப்பட்டிருக்கும்.

கனா காணும் கண்கள் மெல்ல - அக்னி சாட்சி :
மனநோயால் பாதிப்படைந்து தவிக்கும் பெண்ணுக்குக்
கணவனின் இதமான அனுசரணை பாடல் வரிகளில்
பிரதிபலிக்கும்.

தகிட ததிமி தந்தானா - சலங்கை ஒலி :
மதுபோதையில் கிணற்றின் மேல் நாயகன் பாடிக் கொண்டே
ஆடும் நாட்டியம், அதைக் கண்டு பதைபதைக்கும் நாயகி,
கூடவே நாமும்!

அழகு மலராட - வைதேகி காத்திருந்தாள் :

இளமையில் விதவைக் கோலம் பூண்ட நாயகியின் விரகதாபம்
ஆடல், பாடலாக வெளிப்பட அதிர்ச்சி தந்தைக்கு மட்டுமன்றி
எமக்கும்.

என்ன சத்தம் இந்த நேரம் - புன்னகை மன்னன் :

தம்மை வாழ விடாத இந்த சமூகத்தின் மீது வெறுப்புற்று,
வாழ்வை முடித்துக் கொள்ளச் செல்லும் இளம் ஜோடியின்
இறுதி நிமிடங்கள்!

பூங்காற்று திரும்புமா - முதல் மரியாதை :

தான் செய்த தியாகத்தால் வாழ்க்கையைத் தொலைத்து,
நடைபிணமாக வாழும் ஆணின் சோகம், அதற்கு ஆறுதலாக
வந்து விழும் பெண் குரலின் மென்மை.

பொதுவாக என் மனசு தங்கம் - முரட்டுக் காளை :
பந்தயத்தில் வெற்றி பெற்ற ஆணின் களிப்பு, படம் பார்க்கும்
அனைவருக்கும் தொற்றிக் கொண்ட உற்சாகம்.

தெய்வீக ராகம் - உல்லாசப் பறவைகள் :
வயல்வெளியில் தோன்றும் அழகியின் குரலில் மயங்கி, அவள்
அழகில் தன்னைத் தொலைக்கும் நாயகனின் நிலையில்
நம்மில் பலர்.

கொடியிலே மல்லிகைப் பூ - கடலோரக் கவிதைகள் :

முரடனுக்கும் முல்லைப் பூவுக்கும் ஏற்படும் காதலை
ரசிக்கத்தக்க வகையில் திரையில் வார்த்திருக்கும் லாவகம்.

ரெண்டு கன்னம் சந்தனக் கிண்ணம் - சிவப்பு மல்லி :

இளம் தம்பதியருக்கு இடையில் உள்ள நெருக்கத்தை
நேர்த்தியாகச் சொல்லிச் சென்ற அழகிய மெட்டு.

வா வா வசந்தமே - புதுக் கவிதை :

காதலில் தோல்வியுற்ற நாயகனின் கண்ணீரைத் துடைக்க
வந்த சகோதரியின் குழந்தைக்காகப் பாடும் பாடல்,
எம் கண்ணிலும் கண்ணீர்!

ஈரமான ரோஜாவே - இளமைக் காலங்கள் :

தனது காதலை வெளிப்படுத்த பாடலை அஸ்திரமாகப்
பயன்படுத்தும் காதலனும், அதைக் கேட்டுக் கலங்கி நிற்கும்
காதலியும்.

அள்ளித் தந்த பூமி - நண்டு -

தனது பால்ய கால நினைவுகளை அசை போடும் நாயகன்,
கூடவே எம்மையும் அருகே அழைத்து அசை போட
வைக்கிறான்.

நானாக நானில்லை தாயே - தூங்காதே தம்பி தூங்காதே :

தாய்ப்பாசத்துக்காக ஏங்கும் ஒருத்தனுக்கு அது நேரில்
கிடைத்தால் எப்படிக் கிறங்கிப் போகிறான் என்பதைப்
பார்த்த பலருக்கு அம்மா ஞாபகம்!

பனி விழும் மலர் வனம் - நினைவெல்லாம் நித்யா :

நாயகன் நாயகியை வர்ணிக்க வர்ணிக்க
பார்ப்பவர்களுக்கு நரம்புக்குள் ஒரே ஜிவ்!

எத்தனையோ பாடல்களைத் தவிர்க்க வேண்டிய நிலை,
மன்னிக்கவும்!
---------------
Umesh Srinivasan,
நன்றி- கோரா-பதில்கள்

ரெண்டு கன்னம் சந்தனக் கிண்ணம்
--
திரைப்படம்: சிவப்பு மல்லி
பாடகர்கள்: K.J.யேசுதாஸ், P.சுசீலா
இசை: ஷங்கர் கணேஷ்
பாடல் ஆசிரியர்: வைரமுத்து

===========================


ரெண்டு கன்னம் சந்தனக் கிண்ணம்
தொட்டுக் கொள்ள ஆசைகள் துள்ளும்
பூவை கையில் பூவை அள்ளிக் கொடுத்த பின்னும்
தொட்டுத் தந்த கையில் மணம் வீசுது இன்னும்


எடுத்துக் கொடுக்கையிலே இரு விரல் மோதும்
நகங்க்கள் உரசிக் கொண்டால் அனல் உருவாகும்
உள்ளங்க்கை சூடு பட்டு மலர் கொஞ்ச்சம் வாடும்
மங்க்கை நீ சூடிக் கொண்டால் அது கொஞ்ச்சம் ஆறும்

(ரெண்டு)

இளம்பிறையே இளம்பிறையே வளர்ந்து விடாதே
இருளே இவளின் துணையே
தினம் தித்திக்கும் ராத்திரிகள் நிலவே சுடாதே - அட
தூங்க்கிய சூரியனே இரவைத் தொடாதே
தொடாதே... தொடாதே..

(ரெண்டு)

தாகம் எடுக்கையிலே மழை அடிக்காதோ
வானம் இறங்க்கி வந்து குடை பிடிக்காதோ
நனைந்த மலர்களுக்குக் குளிர் எடுக்காதோ
வண்டுகள் பறந்து வந்து தலை துவட்டாதோ

(ரெண்டு)