ஓம் நமோ நமீதாய நமஹ !

நமீதா





ஓம் நமோ நமீதாய நமஹ !
கோவில் கடடுகிறோம் அன்னதானம்
கொடுக்கணும் இந்தா டிக்கெட் – எனக்
கொடுவாள் மீசையோடு வந்த கூட்டம் கண்டு
மனமுவந்து பெற்றுக் கொண்ட இரசீதை
மறுபிறப்பறுக்க வாசித்தேன்

நாடு போற்றும் நாட்டி (ய) கேர்ள் நமீதா திருக்கோவில் நிதி
நம் பெருமாளுக்கு எத்தனை கட்டினாலும் என் ?
நமீதாவுக்குக் கோவில் கட்டினால்தான் அது
நாட்டுக்கு நல்ல செய்தி !

ஏன் எனில்
நமீதாதான்
ந்ம்மவர் மனப்புலத்தே
நன்றாய்
ஓங்கி வளர்ந்த உளம் கவர் கள்ளி !
பாரதத்தின்
தென்னகக் கோவில்களில்
சிலைகளைத் தொட்டு வணங்க அனுமதி இல்லை

ஆனால் இங்கே தொட்டுப் பார்க்க அனுமதி உண்டு

-என்கிறார் ஒரு நமீதா பக்தர்

தொட மட்டுமா, பிரண்டவும் செய்யலாம்
கோவிலில் சுண்டல் இருக்கும்
சில கோவில்களில் சுரண்டல் இருக்கும்
இங்கே பிரண்டல், பிராண்டல் இரண்டும் இருக்கும் போல !

நான்கூடக் கட்டணும்தான் நெனச்சேன்
முந்திக்கிட்டானே – என
முணுமுணுத்தார் இன்னொரு மகா இரசிகர்
நமிதா மேம் மட்டும் ஓகே சொன்னால்
நானூறு பவுனிலே கூடக் கட்டச் சிலர் ரெடி
தரையில் அல்ல, கழுத்தில் !



ஆலயம் எல்லாம்
அவசியமா நமீதாவுக்கு என யாரும் கேட்காதீர்கள்
எங்கள் இரசிகன் முடிவே நாட்டின் முடிவும் தலைவிதியும் ஆம் !
நமீதா தெய்வமா இல்லையா என முடிவுகட்ட நீங்கள் யார் ?

கோயிற் சிலைத் திரு மேனிகள்
இடுப்புக்கு மேலே தைத்த சட்டையும் ஜாக்கெட்டும்
அணிவதில்லை என உங்களுக்குத் தெரியாதா என்ன ?

சாமிக்குக் கூடக் சிறப்புக் கட்டண தரிசனம் வசூலிக்கும்தங்கத் தமிழ் நாட்டில்
உற்சவ மூர்த்தினியாகத் தெருக்கோடி மூலையிலே
துணிக்கடைத் திறப்பு விழாவிற்கு வந்து
இலவசமாகத் தாராள தரிசனம் தரும் எங்கள்
நமீதா மேம்மைக் காணாதவை
கண்களா,

அடே வளளுவா கைகொடேன் கொஞ்சம்,
சீ, அவை முகத்திரண்டு புண்கள் !

தங்க விலை ஏறினால் போபோ கவலையே இல்லை ?
தனிநபர் வருமானம் இறங்கினாலும் கவலை இல்லை ?
இலாரி ஸ்டிரைக் வந்தாலும் கவலை இல்லை ?
டீசல், பெட்டோல் கிடைக்காட்டியும் கவலை இல்லை ?
பாமக பிரிந்தாலும் கவலை இல்லை ?
பாரதம் அணுசக்தி ஒப்பந்தம் போட்டாலும் கவலைஇல்லை ?

அரசு கொடுத்த இலவச டீவி இருக்கவே இருக்க
ஆன் செய்தால் நமீதா ஆட்டம்
காணோமே காணோமே என்றுதான்
கவலையாய் இருக்கிறது

நாட்டின் எல்லாப் பொருளுக்கும் நமீதாவின் பேர்
நமீதா வளையல், நமீதா பாவாடை, நமீதா நெக்லெஸ் என …
சேலைக்கு மட்டும் ஏன் வைக்கவில்லை என்னில்
அம்மணிக்கு
அது மட்டும் ஆகாது . . .

நமீதா ஜட்டி என வைத்தால் சேல்ஸ்
சும்மா பிய்த்துக் கொண்டு போகாதா ?

( சரக்கு மூவ் ஆகாது
நாட்டிலே யாருக்கு இவ்வளவு பெரிய இடுப்பு
என கிசுகிசுக்கிறார் துணிக்கடைக் காரர்)


நம்ம ஊரிலே நமீதா என்று பேர் வைத்து
ஒரு ஆட்டோ கூட ஓடுகிறது.
நான் கூட அதில் ஏறும் போது
டிரைவரிடம் கேட்டேன்
‘
என்னப்பா நமீதா எனப் பேர் வைத்தால்
நிறைய கிராக்கி வருதா ? ‘


அவனோ சிரித்தபடி தலை சொறிந்து சொன்னான்
‘அதெல்லாம்
இல்லே சார்,
யார் மேலாவது இடிக்கிறேன் என வையுங்கள்
கோபிக்க மாட்டார்கள் இல்லையா ? ‘


அட டா, நமீதா இடித்தால் நம்மவர்கள்
யாராவது கோபிப்பார்களா என்ன ?
நானும் சும்மா இருக்க மாட்டாமல்
நடுவே சீண்டிப் பார்த்தேன் ஆட்டோக்காரனை . . .
ஏனப்பா
வாழ்க்கையிலே உனக்கு வேறு
இலட்சியமே கிடையாதா ?


இன்னாசார் அப்டிக் கேட்டுட்டே,
ஒருநாளாச்சும் குரூப் டான்ஸ் ஒனறிலாவது
ஆடி நமீதா மேம்மை
இலேசாகவேணும் இடிக்க வேண்டும் . . . என்றான்
உனக்குத் தெரியாதா,
அதோ அந்த இடத்திலே உங்கள் மேமுக்குக்
ஆலயம் எழுப்புகிறார்களாம்
போய் உன் ஆசைதீர
இடித்து கொள்
போகும் போது கடப்பாரை சம்மட்டியோடு போ !
எனச் சொன்னது அவனுக்கு விளங்க வில்லை
உங்களுக்கு விளங்குகிறதா ?

நாடு போற்றும் நாட்டி (ய) கேர்ள் நமீதா திருக்கோவில் நிதி
நம் பெருமாளுக்கு எத்தனை கட்டினாலும் என் ?
நமீதாவுக்குக் கோவில் கட்டினால்தான் அது
நாட்டுக்கு நல்ல செய்தி !

ஏன் எனில்
நமீதாதான்
ந்ம்மவர் மனப்புலத்தே
நன்றாய்
ஓங்கி வளர்ந்த உளம் கவர் கள்ளி !
பாரதத்தின்
தென்னகக் கோவில்களில்
சிலைகளைத் தொட்டு வணங்க அனுமதி இல்லை

ஆனால் இங்கே தொட்டுப் பார்க்க அனுமதி உண்டு

-என்கிறார் ஒரு நமீதா பக்தர்

ஏனப்பா
வாழ்க்கையிலே உனக்கு வேறு
இலட்சியமே கிடையாதா ?


இன்னாசார் அப்டிக் கேட்டுட்டே,
ஒருநாளாச்சும் குரூப் டான்ஸ் ஒனறிலாவது
ஆடி நமீதா மேம்மை
இலேசாகவேணும் இடிக்க வேண்டும் .