கடற்கரையும் காடும் தான் என் துணை!

பெண்கள் அதிக அளவில் தடம் பதிக்காத, கடற்சார் சூழலியல்
துறையில், இந்திய தரச் சபையின் ஒப்புதல் பெற்ற, சூழலியல்,
பல்லுயிர் நிபுணர்; ஐந்து பல்கலைக் கழகங்களுக்கு முனைவர்
பட்ட ஆய்வு களைத் திறனாய்வு செய்து, சிபாரிசு அறிக்கை
அளிக்கும், புற மாநில ஆய்வாளர்; ஆசிய வளர்ச்சி வங்கியின்,
கடலோர பாதுகாப்பு திட்டத்தின் கீழ், கடற்சார் சூழலியல்
நிபுணராகப் பணியாற்றும், தெய்வ ஆஸ்வின் ஸ்டான்லி:

கன்னியாகுமரி அருகிலுள்ள கரும்பாட்டூர் சொந்த ஊர்.
அம்மா, கமலா பேபி, மின்சார வாரியத்தில் கணக்கு மேலாளராகவும்;
அப்பா ஸ்டான்லி சுபமணி, உடற்கல்வி ஆசிரியராகவும் இருந்தனர்.

என் கூட பிறந்தது தம்பி, தங்கை. துாத்துக்குடியில் சுற்றுச்சூழல்
படிப்பை மேற்கொள்ள துவங்கினேன். பிச்சாவரம் சதுப்பு நிலக்
காடுகளில், எம்.பில்., ஆய்வும், முத்துப்பேட்டை சதுப்பு நிலக்
காடுகளில், பிஹெச்.டி., ஆய்வும் செய்தேன்.

அதன் பிறகு, சதுப்பு நிலக் காடுகள் புனரமைப்பு, விரிவாக்கம் என,
கடலோரப் பாதுகாப்பு சம்பந்தமாகப் பணி புரிந்தேன். ஐக்கிய
நாடுகள் சபையின், உணவு மற்றும் வேளாண்மை இயக்கத்தில்,
கடலோரக் காடுகள், கடல் உணவுகள் சம்பந்தமாக, 17 நாடுகளுக்கு
பயணம் செய்திருக்கிறேன.

குஜராத்தில், முதல்வராக மோடி இருந்த போது, அவருடன் ப
ணியாற்றியுள்ளேன். எந்த ஒரு திட்டத்தை நிறைவேற்றும் முன்,
அனைத்துத் துறை அதிகாரிகளையும் அழைத்து, அந்தத் திட்டத்தின்
சாதக பாதகங்கள் குறித்து, ஆலோசனை நடத்துவார்.

அதனால் தான், குஜராத்தில் இப்போது கூட, தண்ணீர் பிரச்னையோ,
மின் வெட்டோ கிடையாது.கடற்கரையில் பாறாங்கற்களை
அடுக்குவதற்குப் பதில், இயற்கையாகவே கடற்கரையில் அமைந்துள்ள
மணல் மேடுகளை அழியாமல் பாதுகாப்பதன் மூலம், கடல் அரிப்பைத்
தடுக்கலாம்.

ஏற்கனவே அழிக்கப்பட்ட, அரிக்கப்பட்ட மணல் மேடுகளை
புனரமைத்து வருகிறோம். அவற்றை மீண்டும் காற்று கலைத்து
விடாமல் இருக்க, கடற்கரைப் பகுதிகளில் வளரும் கொடி வகை
தாவரங்களை மணல் மீது வளர விடுகிறோம். எனக்கு இன்னும்
திருமணம் ஆகவில்லை.

ஒவ்வொரு முறை ஊருக்குப் போகும் போதும், மாப்பிள்ளைகளின்
பட்டியலோடு, என் அம்மா காத்திருப்பார். ஆனால், நான் பார்த்த
மாப்பிள்ளைகளில் ஒருவர் கூட நியாயமாகவோ, பண்பாக வோ
நடந்து கொள்ளவில்லை.

இவ்வளவு வயதான பின், எனக்குத் திருமணம், 'செட்' ஆகாது.
கடற்கரையும், சதுப்பு நிலக் காடுகளும் தான் என் துணை!

தினமலர்