ஊரடங்கை நீட்டிப்பது குறித்து மே 12-ம் தேதி முதல்வர் ஆலோசனை

**ayyasamy ram** · **ayyasamy ram** Sun May 10, 2020 12:52 pm

சென்னை:
அனைத்து மாவட்ட ஆட்சியர்களுடன் காணொலி மூலம்
முதல்வர் ஆலோசனை நடத்த உள்ளார். ஊரடங்கை
நீட்டிக்கலாமா, வேண்டாடா என ஆட்சியர்களிடம்
கருத்துகளை கேட்க உள்ளார்.

கொரோனா தடுப்பு மற்றும் மீட்பு நடவடிக்கைகள்
குறித்தும் நடத்த உள்ளதாக தகவல் வெளியாகியுள்ளது.

கொரோனா தடுப்பு பணிகளை மேற்கொள்ளும்
ஒருங்கிணைப்பு குழுவுடனும் ஆலோசிக்க
திட்டமிட்டுள்ளதாக கூறப்படுகிறது. கொரோனா
சிகிச்சைக்கான சிறப்பு நிபுணர் குழுவுடனும் முதல்வர்
ஆலோசனை நடத்த வாய்ப்பு உள்ளதாக கூறப்படுகிறது.

மக்களின் வாழ்வாதாரம் மற்றும் பொருளாதாரத்தை
கருத்தில் கொண்டு, தமிழகத்தில் ஏற்கனவே ஊரடங்கு
தொடர்பான சில கட்டுப்பாடுகள் தளர்த்தப்பட்டு உள்ளன.
இந்த கட்டுப்பாடுகள் தளர்வு நாளை முதல் அமலுக்கு
வருகிறது.

தமிழ்நாட்டில் கொரோனா நோய் தொற்றை
தடுப்பதற்காக மாநில பேரிடர் மேலாண்மை சட்டத்தின்
கீழ், ஊரடங்கு உத்தரவு 24-3-2020 முதல் அமலில் இருந்து
வருகின்றது. கடந்த 2-5-2020 அன்று தமிழ்நாடு
அமைச்சரவை கூட்டத்தில் எடுக்கப்பட்ட முடிவின்
அடிப்படையிலும், மத்திய உள்துறை அமைச்சகம்
வெளியிட்ட அறிவுரைகளின்படியும், பெருநகர சென்னை
காவல் துறையின் எல்லைக்குட்பட்ட பகுதிகள் மற்றும்
தமிழ்நாட்டின் பிற மாவட்டங்களில் பல்வேறு பணிகளுக்கு
வரைமுறைகளுடன் அனுமதி அளிக்கப்பட்டது.

அரசால் ஏற்கனவே அனுமதிக்கப்பட்ட அனைத்து
தளர்வுகளும், தடைகளும் மறு உத்தரவு வரும் வரை
தொடர்ந்து முழுமையாக கடைப்பிடிக்கப்படும் என
தமிழக அரசு தெரிவித்துள்ளது.

கொரோனா நோய்த் தொற்றின் தாக்கத்தை கட்டுப்படுத்த
தமிழக அரசு எடுத்து வரும் பல்வேறு நடவடிக்கைகளுக்கு
பொதுமக்களும், தனியார் நிறுவனங்களும்
முழு ஆதரவையும், ஒத்துழைப்பையும் நல்குமாறு அன்புடன்
கேட்டுக்கொள்ளப்படுகிறது.
-
----------------------
தினகரன்

**பழ.முத்துராமலிங்கம்** · 27/09/2015

**T.N.Balasubramanian** · **T.N.Balasubramanian** Sun May 10, 2020 5:09 pm

எது எப்பிடி இருந்தாலும் மால்கள் /சினிமா அரங்கங்கள் /பொழுது போக்கு ஸ்தலங்கள்
அமர்ந்து உண்ணும் ஹோட்டல்கள் /பார்க்குகள் பள்ளிகளும் மூடி இருத்தல் நலம்.

ரமணியன்