சிறந்தவை சிறுதானிய உணவுகள்!

Colors:

ஷீரடி சாய் பாபாவுக்கு, 48 நாள்கள் விரதம் இருந்ததால்,
சிறுதானியங்களில் விதவிதமாக சமைக்க கற்று, சென்னையில்,
‘மில்லட் மேஜிக் மீல்’ உணவகம் நடத்தும் அளவுக்கு உயர்ந்துள்ள
தொழிலதிபர், ஆதி ஈஸ்வரி:

திருநெல்வேலி தான் எங்களுக்கு பூர்வீகம். தகவல் தொழில்
நுட்பத்தில், ‘டிப்ளமோ’ முடிச்சிட்டு, பாலிடெக்னிக் காலேஜில்
வேலை பார்த்துட்டிருந்தேன்.

அப்புறம் திருமணமாகி, இந்தியாவில் பல ஊர்களில் இருந்தோம்.
என் கணவர் சுரேஷ்குமாருக்கு, பன்னாட்டு நிறுவனம் ஒன்றில்
வேலை. பெங்களூரில் நாங்க இருந்தபோது, வார இறுதியில், எங்க
அப்பார்ட்மென்ட்டில், ‘ஆர்டர்’ எடுத்து, நம்ம ஊர் இட்லி, தோசை,
சாம்பார், சட்னி செய்து கொடுக்க ஆரம்பிச்சேன்;

என் கைப்பக்குவத்தை எல்லாருமே பாராட்டினாங்க. சுதந்திர தின
விழாவுக்காக, அப்பார்ட்மென்ட்டில், 250 பேருக்கான காலை
ஆகாரத்தை, இரண்டு உதவியாளர்களுடன் செய்தேன்.

அது தான், நான் செய்த பெரிய ஆர்டர். பின்னாளில் ஓட்டல்
துறையில் நான் கால் வைப்பதற்கு அடித்தளமும் அது தான்.
பின், வேலையை விட்டு விட்டேன். 2014ல், ஒரு வேண்டுதலுக்காக,
48 நாள்கள் அரிசி உணவைத் தவிர்க்க, ஷீரடி சாய் பாபா கிட்ட
பிரார்த்தனை பண்ணிக்கிட்டேன்.

இட்லி, தோசை, சாதம் எதுவுமே சாப்பிடக் கூடாது. அதுக்குப் பதிலா
என்ன சாப்பிடலாம்னு யோசிச்சப்போ, தினை, வரகு, சாமை,
குதிரைவாலி, கம்பு, கேழ்வரகுன்னு சிறுதானியங்கள் நினைவுக்கு
வந்தன.அவற்றை வாங்கி, இட்லி, தோசை, சப்பாத்தி, கஞ்சி,
பொங்கல்னு எல்லா வெரைட்டிகளையும் செய்தேன்.

சிறுதானிய சாதம், உதிராக வடிக்கிறதுக்கு என்ன செய்யணும்;
இட்லி கல்லு மாதிரி வராம, பஞ்சு மாதிரி வர்றதுக்கு என்ன
செய்யணும் என, பல ஆராய்ச்சிகளை அந்த உணவுகளில்
செய்து பார்த்தேன்.

ஏகப்பட்ட ஆராய்ச்சிகளுக்குப் பிறகு, சுவையான ரெசிபிகளைச்
செய்றது எப்படிங்கற சூத்திரம் பிடிபட்டது.

முதலில், 450 சதுர அடியில், ஓர் அறை எடுத்து, மதிய உணவாக,
‘லஞ்ச் காம்போ’ மட்டும் செய்ய ஆரம்பிச்சேன்.
‘வாட்ஸ் ஆப் குரூப்’ மூலமாக அது பரவுச்சு. ஒரு நாளிதழில்
எங்களைப் பற்றி கட்டுரை வந்ததும், பலருக்குத் தெரிய வந்தது.

ஆர்டர் நிறைய வர ஆரம்பித்தது. அடுத்த முயற்சியாக,
குழந்தைகளும், முதியவர்களும் சாப்பிடற மாதிரி, ரெசிபிகள்
செய்தோம்.போன வருஷம், சென்னை, அண்ணாநகரில்,
முதல் ரெஸ்டாரன்ட், எக்ஸ்குளூசிவா டின்னருக்கு மட்டும்
திறந்தோம்.

கடந்த, 2019 ஜனவரியில் ஆழ்வார்பேட்டை கிளை திறந்தோம்.
முதலில், ஹோம் டெலிவரி மட்டும் தான்.இப்போது காலை,
மதியம், இரவு மூணு வேளையும் செயல்படும், முழு நேர
ரெஸ்டாரன்ட் ஆயிடுச்சு!
------------------
தினமலர்

வாழ்த்துகள்......
நல்லதொரு தொழில்

எல்லோரும் சிறுதானிய உணவுகளுக்கு மாறிவிட்டனர்.
நாலைந்து வருடங்களுக்கு முன் கேட்பாரற்று கிடந்த சிறு தானியங்கள்
இப்போது கொடிகட்டி பறக்கின்றன.

ரமணியன்