விசாகப்பட்டினம் ரசாயன ஆலை: விஷவாயு கசிந்து 5 பேர் பலி

விசாகப்பட்டினம் அருகே கோபாலபட்டினத்தில் உள்ள
எல்.ஜி பாலிமர்ஸ், ரசாயன ஆலையில் ஏற்பட்ட வாயுக்கசிவு
காரணமாக 5 பேர் உயிரிழந்துள்ள நிலையில், நூற்றுக்
கணக்கானோர் பாதிக்கப்பட்டுள்ளனர்.

தொழிலாலர்கள் இன்று காலை ஆலையை திறக்க தயாராகிய
நிலையில், அதிகாலை நேரத்தில் எரிவாயு கசியத் தொடங்கியது.

மயக்கமடைந்த நூற்றுக்கணக்கான மக்களும் சுவாசிக்க
கஷ்டப்படுபவர்களும், நகரில் உள்ள கிங் ஜார்ஜ் மருத்துவமனைக்கு
கொண்டு வரப்பட்டனர். இதில் குழந்தைகள் மற்றும் முதியவர்கள்
அதிகம் பாதிக்கப்பட்டுள்ளனர்.

கே.ஜி.ஹெச் மருத்துவமனையின் அதிகாரி, இறப்பு எண்ணிக்கை
உயரக்கூடும் என்று கூறினார்.

முதலமைச்சர் ஒய்.எஸ்.ஜெகன் மோகன் ரெட்டி எரிவாயு கசிவு
சம்பவம் குறித்து விசாரித்ததோடு, உயிர்களைக் காப்பாற்றவும்
நிலைமையைக் கட்டுக்குள் கொண்டுவரவும் சாத்தியமான
அனைத்து நடவடிக்கைகளையும் எடுக்குமாறு மாவட்ட
அதிகாரிகளுக்கு அறிவுறுத்தினார்.

பாதிக்கப்பட்டவர்களுக்கு சிகிச்சை அளிக்கப்படும் மருத்துவமனைக்கு
அவர் வருகை தருவார் என்று தெரிகிறது. முதலமைச்சர் நிலைமையை
உன்னிப்பாக கண்காணித்து வருகிறார்.

காவல்துறை, தீயணைப்பு மற்றும் அவசர சேவைகள் 5 கி.மீ சுற்றளவு
பகுதியை காலி செய்யத் தொடங்கியுள்ளன. விசாக் கலெக்டர்
வி வினய் சந்த், “என்.டி.ஆர்.எஃப் மற்றும் எஸ்.டி.ஆர்.எஃப் அதிகாரிகள்
பணியில் இருக்கிறார்கள், அவர்களால் நிலைமை தீவிரமாக
கண்காணிக்கப்படுகிறது. முடிந்த அனைத்தையும் நாங்கள்
செய்கிறோம்” என்றார்.

ஐந்து கிராமங்களும் தற்போது வெளியேற்றப்பட்டுள்ளன என்றும்
சந்த் கூறினார். “மிகவும் சீரியஸானவர்கள் கிங் ஜார்ஜ்
மருத்துவமனைக்கு மாற்றப்பட்டுள்ளனர். விஷ வாயு கசிந்ததால்
காலை 6 மணி வரை நிலைமை மிகவும் மோசமாக இருந்தது.
இப்போது, இது கொஞ்சம் தணிந்துள்ளது. செல்ல நாய்கள்,
கால்நடைகள், பறவைகள் உள்ளிட்ட ஏராளமான வீட்டு விலங்குகள்
இறந்துவிட்டன. நிலைமையை மதிப்பிடுவதற்காக கால்நடை
மருத்துவர்கள் குழு கிராமங்களை அடைந்துள்ளது.

ஓரிரு மணி நேரத்தில், நிலைமை மேம்பட வேண்டும்,” என்று அவர்
மேலும் கூறினார்.

இந்தியன் எக்ஸ்பிரஸ்