தமிழகத்தில் ஆன்லைனில் மது விற்பனை வருமா ? கோர்ட் கையில் இருக்கிறது

சென்னை:
தமிழகத்தில் நாளை மதுக்கடைகள் திறக்கவுள்ள நிலையில்
இதற்கு எதிர்ப்பு தெரிவித்து சென்னை ஐகோர்ட்டில் மனு
தாக்கல் செய்யப்பட்டுள்ளது. இந்த மனுவை விசாரித் கோர்ட்
ஆன்லைனில் மதுபானங்களை விற்க முடியுமா என்றும் கேள்வி
எழுப்பி உள்ளது.

கொரோனா ஊரடங்கால் நாடு முழுவதும் முடங்கி போய்
உள்ளது. 40 நாட்களுக்கும் மேலாக அத்தியாவசிய பொருட்கள்
கிடைப்தற்கே அரிய விஷயமாக உள்ளது. இந்நிலையில் மத்திய,
மாநில அரசுகள் பல்வேறு தளர்வுகளை அறிவித்து வருகிறது.
இதன்படி தனிக்கடைகள் திறக்கப்படும் நேரம் அதிகரித்துள்ளது.

சரக்கு வாகனங்கள், இருசக்கர வாகனம் செல்ல
அனுமதிக்கப்பட்டுள்ளது.

அதிலும் மதுக்கடைகள் நாடு முழுவதும் திறந்து கொள்ள மத்திய
அரசு ஒப்புதல் அளித்தது. இதன்படி கடந்த 2 நாட்களாக உ பி.,
மஹாராஷ்ட்டிரா, கர்நாடகா, சட்டீஸ்கர், அசாம் உள்ளிட்ட
மாநிலங்களில் மது விற்பனை துவங்கியது.

இதற்கென குடிப்பழக்கம் உள்ளவர்கள் மதுக்கடைகளில் நீண்ட
வரிசையில் நின்றபடி மது வாங்கி செல்வதை காண முடிகிறது.
ஒரே நாளில் பல கோடிக்கு மது விற்பனை ஆகி வருகிறது.

இதற்கிடையில் தமிழகத்தில் வரும் வியாழக்கிழமை
மதுக்கடைகளை திறக்க மாநில அரசு முடிவு செய்துள்ளது.
ஆனால் இதனை எதிர்த்து சென்னை ஐகோர்ட்டில் திருச்செந்தூரை
சேர்ந்த ராம்குமார் என்பவர் மனு தாக்கல் செய்துள்ளார்.

இந்த மனுவை விசாரிக்க நீதிபதி புஷ்பாநாராயணனை கொண்ட
பெஞ்ச் விசாரித்தது. விசாணையில் , நீதிபதிகள் பல்வேறு
கேள்விகளை எழுப்பினர்.

மனுதாரர் சொல்வது படி கூட்டம் அதிகமாக வரும், சமூகவிலகல்
கடைபிடிக்க சாத்தியமில்லை , கொரோனா மேலும் பரவும்
என்பதற்கு அரசு அளிக்கும் விளக்கம் என்ன ? உள்ளதா ,
ஆன்லைனில் மது விற்பனை செய்ய முடிமா ? வீட்டிற்கு டோர்
டெலிவரி செய்ய முடியுமா என்றும் கேள்வி எழுப்பினர்.

இது குறித்து மதியம் 2;30க்குள் அரசு தரப்பு வழக்கறிஞர் தெரிவிக்க
வேண்டும் என்று உத்தரவிட்டனர்.
-
தினமலர்