கறிவேப்பிலை குழம்பு

by **ayyasamy ram** Wed May 06, 2020 1:00 pm

'பாத்திரம் தேய்க்கணுமே' எனச் சலித்துக்கொள்கிறவர்களுக்கும்
'தினமும் சமைக்கணுமா' எனப் புலம்புகிறவர்களுக்கும் இந்தக்
கறிவேப்பிலைக் குழம்பு மிகப் பெரிய வரப்பிரசாதம்.

அதிகளவில் செய்து ஃப்ரிட்ஜில் ஸ்டோர் செய்துகொண்டால்,
நிச்சயம் மூன்று நாள்கள்வரை கெடாமல் இருக்கும்.

'வீட்டிலிருந்தே ஸ்ட்ரெஸ் அதிகமாயிடுச்சு' என இனி ஃபீல் பண்ண
வேண்டாம். இதில் கறிவேப்பிலை அதிக அளவில்
உபயோகப்படுத்தியிருப்பதால், அதிகப்படியான மனஅழுத்தத்தைக்
குறைக்கும்.

மேலும், இரும்புச்சத்து உள்ளிட்ட ஏராளமான மருத்துவக் குணங்கள்
நிறைந்த எளிமையான ரெசிபியும்கூட.

தேவையான பொருள்கள்

உருவிய கறிவேப்பிலை - 2 கப்
புளி - ஒரு எலுமிச்சை அளவு
உப்பு - தேவையான அளவு

வறுத்து அரைக்க

உளுத்தம் பருப்பு - 2 டேபிள்ஸ்பூன்
மிளகு - 1/2 டீஸ்பூன்
காய்ந்த மிளகாய் - 6 - 8
தனியா - ஒரு டேபிள்ஸ்பூன்
கடலைப்பருப்பு - ஒரு டேபிள்ஸ்பூன்

தாளிக்க

நெய் அல்லது எண்ணெய் - 2 டீஸ்பூன்
கடுகு - ஒரு டீஸ்பூன்
சீரகம் - ஒரு டீஸ்பூன்

செய்முறை

வறுப்பதற்குத் தேவையான பொருள்களை ஒவ்வொன்றாக
வறுத்தெடுத்துக்கொள்ளவும். பிறகு, வறுத்த பொருள்களோடு
பச்சை கறிவேப்பிலையைச் சேர்த்து நன்கு அரைத்துக்
கொள்ளவும்.

எண்ணெய் காய்ந்ததும், கடுகு, சீரகம் சேர்த்துத் தாளித்து,
கரைத்த புளியை அதில் சேர்க்கவும். உப்பு சேர்த்து, பச்சை
வாசனை போகும்வரை கொதிக்கவிடவும் (சுமார் 5 நிமிடங்கள்).

அரைத்த கறிவேப்பிலை விழுதை இத்துடன் கலக்கவும்.
நன்கு கொதித்து, தேவையான பதம் வந்தபிறகு இறக்கி
விடலாம். விருப்பப்பட்டால், புளியின் அளவைக் குறைத்து
அதற்கு பதிலாக மாங்காய் சேர்த்தும் இந்தக் குழம்பைச்
செய்யலாம்.
-
---------------------
சமையல் கலை நிபுணர் மெனுராணி செல்லம்.
நன்றி -விகடன்

by **krishnaamma** Wed May 06, 2020 8:35 pm

கறிவேப்பிலை குழம்பு

கறிவேப்பிலை குழம்பு

Re: கறிவேப்பிலை குழம்பு