கொரோனா அப்டேட் - மே 6--2020

**ayyasamy ram** · **ayyasamy ram** Wed May 06, 2020 8:19 am

கொரோனா அப்டேட் -உலகம் முழுவதும் பாதிப்பு எண்ணிக்கை 37 லட்சத்தை தாண்டியது

ஜெனீவா:
உலகம் முழுவதும் கொரோனா வைரசால் பாதிப்படைந்தோர் எண்ணிக்கை 37 லட்சத்தை
தாண்டியுள்ளது.

வைரஸ் பரவி சிகிச்சை பெறுபவர்களில் 49 ஆயிரத்து 300க்கும் மேற்பட்டோரின்
நிலைமை மிகவும் கவலைக்கிடமாக உள்ளது.

கொரோனா பாதிக்கப்பட்டவர்களில் 12 லட்சத்து 27 ஆயிரத்துக்கும் மேற்பட்டோர்
சிகிச்சைக்கு பின் குணமடைந்து டிஸ்சார்ஜ் செய்யப் பட்டுள்ளனர். ஆனாலும், இ
ந்த கொடிய வைரசுக்கு 2 லட்சத்து 56 ஆயிரத்து 303 பேர் உயிரிழந்துள்ளனர்.

மாலைமலர்

**ayyasamy ram** · **ayyasamy ram** Wed May 06, 2020 8:21 am

உலக அளவில் கொரோனா வைரசால் பாதிப்பு மற்றும் உயிரிழப்பு
எண்ணிக்கையில் அமெரிக்கா முதலிடத்தில் உள்ளது.

, கொரோனா தாக்குதலுக்கு அந்நாட்டில் பலியானோர் எண்ணிக்கை
72 ஆயிரத்தை கடந்துள்ளது.

தற்போதைய நிலவரப்படி அமெரிக்காவில்
12 லட்சத்து 37 ஆயிரத்து 633 பேருக்கு வைரஸ் பரவியுள்ளது.

மேலும், அந்நாட்டில் வைரஸ் தாக்குதலுக்கு நேற்று ஒரே நாளில்
2 ஆயிரத்து 333 பேர் பலியாகியுள்ளனர். இதனால் அமெரிக்காவில்
கொரோனாவுக்கு உயிரிழந்தோர் எண்ணிக்கை
72 ஆயிரத்து 271 ஆக அதிகரித்துள்ளது.

மாலைமலர்

**ayyasamy ram** · **ayyasamy ram** Wed May 06, 2020 8:23 am

இங்கிலாந்தில் கடந்த ஒரு வாரத்தில் 7 ஆயிரத்துக்கும் மேற்பட்டோர்
கொரோனா தொற்றுக்கு பலியாகினர்.

இதையடுத்து, ஐரோப்பா
கண்டத்தில் கொரோனாவுக்கு அதிக மக்களை
பலி கொடுத்த நாடுகளின் பட்டியலில், இத்தாலியை பின்னுக்கு
தள்ளி முதல் இடத்தை பிடித்துள்ளது.

தேசிய புள்ளிவிவரங்களுக்கான அலுவலகம் வெளியிட்டுள்ள
தகவலின்படி, இங்கிலாந்தில் கொரோனா வைரஸ் இறப்பு எண்ணிக்கை
29 ஆயிரத்தை தாண்டியுள்ளது.
உலகின் இரண்டாவது இடத்தில் இங்கிலாந்து உள்ளது என்று
தெரிவித்துள்ளது.

மாலைமலர்

**ayyasamy ram** · **ayyasamy ram** Wed May 06, 2020 10:25 am

மத்திய அரசு வெளியிட்ட தகவலின்படி இனிமேல் காலை, மாலை என
இருவேளைகளில் கொரோனா பாதிப்பு குறித்த எண்ணிக்கை தகவல்கள்
வெளி வராது என்றும் காலையில் காலையில் மட்டுமே வெளிவரும்
என்றும் அறிவித்துள்ளது. இதனால் பொதுமக்கள் அதிர்ச்சி அடைந்துள்ளனர்

காலை, மாலை என இருவேளையும் மத்திய அரசுக்கு கொரோனா பாதிப்பு
குறித்த தகவல்களை வெளியிட்டு வந்தபோது நாள் ஒன்றுக்கு காலையில்
எத்தனை பேர் மாலையில் எத்தனை பேர் கொரோனாவால் பாதிக்கப்பட்டுள்ளனர்
என்பது குறித்த தகவல்களை பொதுமக்கள் அறிந்து வந்தனர்.

இந்த நிலையில் நாள் ஒன்றுக்கு ஒரு முறை மட்டுமே அறிவிக்கப்படும் என்று
அறிவிப்பு பொதுமக்களுக்கும் சுகாதாரத் துறையினர்களுக்கும் ஏமாற்றத்தை
அளித்துள்ளது என்பது குறிப்பிடத்தக்கது

தமிழக அரசு ஏற்கனவே தினந்தோறும் மாலை மட்டுமே கொரோனா பாதிப்பு
குறித்த தகவல்களை அளித்து வருகிறது என்பது குறிப்பிடத்தக்கது.

வெப்துனியா

**ayyasamy ram** · **ayyasamy ram** Wed May 06, 2020 10:31 am

தமிழகத்தில் கட்டுப்படுத்தப்பட்ட பகுதிகள் எத்தனை? அரசாணை வெளியீடு!!
-
தமிழகத்தில் கொரோனா பாதிப்பு என்பது நாளுக்கு நாள்
அதிகரித்து வருகிறது. இடையில் சில நாட்கள் பாதிப்பு
எண்ணிக்கை குறைந்தது. ஆனால் அதற்கு பிறகு கோயம்பேடு
மார்க்கெட்டில் இருந்து ஏற்பட்ட தொற்று காரணமாக கடலூர்,
விழுப்புரம் உள்ளிட்ட பகுதிகளில் தொற்று எண்ணிக்கை
அதிகரித்துள்ளது.

தமிழகத்தில் 711 இடங்கள் கொரோனா கட்டுப்பாட்டு பகுதிகளாக
அறிவித்து அரசாணை வெளியிடப்பட்டுள்ளது. அதிகபட்சமாக
சென்னையில் 189 இடங்கள் கொரோனா கட்டுப்பாட்டு பகுதிகளாக
உள்ளன.

கடலூர் மாவட்டத்தில் 21 இடங்கள் கொரோனா கட்டுப்பாட்டு
பகுதியாக அறிவிக்கப்பட்டுள்ளது. அதேபோல் மதுரையில் 41,
கோவையில் 37, திருப்பூரில் 31 இடங்கள் கட்டுப்பாட்டு பகுதிகளாக
உள்ளன.

தொற்று எண்ணிக்கை உள்ளிட்டவற்றின் அடிப்படையில்
கட்டுப்படுத்தப்பட்ட பகுதிகள் வகைப்படுத்தப்பட்டுள்ளதாகவும்
தமிழக அரசு தெரிவித்துள்ளது. மேலும் கட்டுப்படுத்தப்பட்ட
711 பகுதிகள் தொடர்ந்து கண்காணிக்கப்படுவதகாவும்,
நோய் தொற்று கண்டறிய பரிசோதனைகள் நடைபெற்று
வருவதாக தமிழக அரசு கூறியுள்ளது.

Sponsored content · Sponsored content

கொரோனா அப்டேட் - மே 6--2020

கொரோனா அப்டேட் - மே 6--2020

Re: கொரோனா அப்டேட் - மே 6--2020

Re: கொரோனா அப்டேட் - மே 6--2020

Re: கொரோனா அப்டேட் - மே 6--2020

Re: கொரோனா அப்டேட் - மே 6--2020

Re: கொரோனா அப்டேட் - மே 6--2020

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக