ஊரடங்கு கட்டுப்பாடு தளர்த்தப்பட்டு இன்று 2-வது நாள்: சென்னையில் வழக்கத்தை விட வாகன போக்குவரத்து அதிகரிப்பு...காற்றில் பறந்த சமூக இடைவெளி

**ayyasamy ram** · **ayyasamy ram** Tue May 05, 2020 11:32 am

தமிழகத்தில் 4ம் தேதியில் (நேற்று) இருந்து மே 17ம் தேதி
வரை ஊரடங்கு நீட்டிக்கப்பட்டுள்ளது. ஆனாலும், கொரோனா
வைரஸ் குறைவாக உள்ள பகுதிகளில் அதாவது தடை செய்யப்பட்ட
பகுதிகள் என்று அறிவிக்காத மற்ற பகுதிகளில் தனி கடைகள்,
தொழிற்சாலைகள், ஐடி நிறுவனங்கள், கட்டுமான பணிகளுக்கு
அனுமதி அளிக்கப்படுகிறது.

அத்தியாவசிய கடைகள் காலை 6 மணியில் இருந்து மாலை
5 மணி வரை செயல்படலாம் என்றும், மற்ற கடைகள்
காலை 11 மணியில் இருந்து மாலை 5 மணி வரை திறக்கலாம்
என்றும் அறிவிக்கப்பட்டது. அதன்படி, நேற்று காலை 6 மணி
முதல் தமிழகம் முழுவதும் கடைகள் திறக்கப்பட்டது.

இந்நிலையில், ஊரடங்கு கட்டுப்பாடு தளர்த்தப்பட்டு
2-வது நாளாக இன்று சென்னையில் பல்வேறு பகுதிகளில்
வழக்கத்தை விட வாகன போக்குவரத்து அதிகரித்து
காணப்படுகிறது. கடைகளிலும் மக்கள் கூட்டம் அதிகரித்து
காணப்படுகிறது. கடைகளில் மக்கள் கூட்டம் அதிகரித்துள்ள
நிலையில், சமூக இடைவெளி காற்றில் பறக்கிறது.

இதனால், நோய் தொற்று அதிகரிக்க வாய்ப்புள்ளதாக
தெரிவிக்கப்படுகிறது. இருப்பினும், நாளை மறுநாள் டாஸ்மாக்
திறக்கப்படவுள்ளது. அன்றைய தினம் அதனைவிட அதிக
போக்குவரத்து ஏற்படும் என்று எதிர்பார்க்கப்படுகிறது.
-
------------------------தினகரன்

Guest · Guest Tue May 05, 2020 12:35 pm

அரசியல் செய்தவர்களுக்கு வெற்றி, உயிரைப் பணயம் வைத்து உழைத்தவர்களுக்கு அரசு போட்ட நாமம்.

ஊரடங்கு கட்டுப்பாடு தளர்த்தப்பட்டு இன்று 2-வது நாள்: சென்னையில் வழக்கத்தை விட வாகன போக்குவரத்து அதிகரிப்பு...காற்றில் பறந்த சமூக இடைவெளி Covid-11

**T.N.Balasubramanian** · **T.N.Balasubramanian** Tue May 05, 2020 8:42 pm

மக்கள் அதிக சிரமம் படக்கூடாது என்ற அரசின் சிந்தனைக்கு மதிப்பு கொடுத்து
மக்கள் அவசியம் இருந்தால் தவிர வெளிவரக்கூடாது.
இடைவெளி கடைபிடித்தால் நல்லது.
வேறென்ன சொல்லமுடியும்.
அரசுக்கு எந்த அளவு பொறுப்பு இருக்கிறதோ
அதே அளவிற்கு அதை கடைபிடிக்க மக்களின்
பொறுப்பும் கடமையும் உள்ளது.

ரமணியன்

**krishnaamma** · **krishnaamma** Tue May 05, 2020 10:58 pm

//நாளை மறுநாள் டாஸ்மாக்
திறக்கப்படவுள்ளது. அன்றைய தினம் அதனைவிட அதிக
போக்குவரத்து ஏற்படும் என்று எதிர்பார்க்கப்படுகிறது.//

suththam... iththanainaal viitil irundhadhellam paazh............... என்ன கொடுமை சார் இது

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக