தமிழகத்தில் நாளை மறுநாள் முதல் டாஸ்மாக் திறப்பு: பல்வேறு கட்சி தலைவர்கள் கண்டனம்

by **ayyasamy ram** Tue May 05, 2020 10:10 am

-
சென்னை:
தமிழகத்தில் நாளை மறுநாள் முதல் (7ம் தேதி) டாஸ்மாக் திறக்கப்படும் என்றும்,
பார்கள் திறக்கப்படாது என்று தமிழக அரசு அறிவிப்பிற்கு பல்வேறு அரசியல்
கட்சித் தலைவர் கண்டனம் தெரிவித்துள்ளனர்.

இது குறித்து தமிழக அரசு நேற்று வெளியிட்டுள்ள அறிக்கை: தமிழ்நாட்டை
ஒட்டியுள்ள ஆந்திரா, கர்நாடகா மாநிலங்களில் உள்ள மதுக்கடைகளுக்கு
தமிழக எல்லைப் பகுதியில் உள்ள மக்கள் அதிக அளவில் செல்வதால்,
மாநிலங்களுக்கு இடையேயான மக்கள் நடமாட்டத்தை கட்டுப்படுத்துவதில்
பெரும் சிரமம் ஏற்படுகிறது.

இவற்றை கருத்தில் கொண்டு தமிழ்நாட்டிலும், மதுபானக்கடைகளை
வரும் 7ம் தேதி முதல் திறக்க மாநில அரசு முடிவு செய்துள்ளது. எனினும்
நோய் கட்டுப்பாட்டு பகுதிகளில் உள்ள மதுபானக்கடைகள் திறக்கப்பட
மாட்டாது. நோய் கட்டுப்பாட்டு பகுதிகளுக்கு வெளியே உள்ள மதுபானக்
கடைகள் மட்டும் நிபந்தனைகளுக்கு உட்பட்டு திறக்க அனுமதிக்கப்படுகிறது.

அதில், மதுபானக்கடைகளில் கூட்டம் கூடுவது தவிர்க்கப்பட வேண்டும்.
ஒரு நபருக்கும், இன்னொரு நபருக்கும் உள்ள இடைவெளி ஆறு அடி தூரமாக
பராமரிக்கப்பட வேண்டும். மதுபானக் கடைகளில் ஒரே நேரத்தில்
5 நபர்களுக்கு மேல் கூடுவதற்கு அனுமதிக்கக் கூடாது. மதுபானக்கடைகள்
காலை 10 மணி முதல் மாலை 5 மணி வரை மட்டுமே திறக்க அனுமதிக்கப்படுகிறது.

அனைத்து மதுபானக் கடைகளிலும், தேவைக்கேற்ப பாதுகாப்பு ஏற்பாடுகள்
செய்யப்பட வேண்டும். ஒவ்வொரு மதுபானக் கடைகளிலும் தேவைக்கேற்ப
கூடுதல் நபர்களை பணியமர்த்தி கூட்டம் சேர்வதை தவிர்க்க வேண்டும். எ
னினும், மதுபானக் கூடங்கள் (பார்) திறப்பதற்கு அனுமதி இல்லை.
இவ்வாறு அறிக்கையில் தெரிவிக்கப்பட்டுள்ளது.

இந்நிலையில், தமிழக அரசின் இந்த அறிவிப்பிற்கு பல்வேறு அரசியல் கட்சித்
தலைவர் கண்டனம் தெரிவித்துள்ளனர்.

மு.க.ஸ்டாலின்:

திமுக தலைவரும் எதிர்க்கட்சி தலைவருமான மு.க.ஸ்டாலின் வெளியிட்ட அறிக்கையில்,
இன்று அரசிடமிருந்து பேரிடர் பாதுகாப்புக்கான முக்கிய அறிவிப்பு வரும் என்று
தமிழக மக்கள் எதிர்பார்த்திருந்தனர். ஆனால் வந்ததோ, #TASMAC மதுபானக் கடைகள்
திறப்புக் குறித்த அறிவிப்பு! ஊரடங்கினால் அரசுக்கு ஏற்பட்டிருக்கும் வருவாய் இழப்பை
சரிசெய்ய, மக்கள் மீது பழிபோடுவது நியாயமல்ல!

#Lockdown காலத்தில் மீண்டும் மீண்டும் மக்கள் கூட்டமாகக் கூடுவதற்கான சூழலை
உருவாக்குவது, #CoronaVirus நோய்த் தொற்றை அதிகரிக்கவே செய்யும். ஆளுமையும்
அக்கறையும் உள்ள எந்த ஓர் அரசும் இப்படிப்பட்ட அபாயகரமான நடவடிக்கையை
மேற்கொள்ளாது.

கே.எஸ்.அழகிரி :

மது என்ற அரக்கன் நம் மக்களின் வருங்காலத்தை சிதைக்க அனுமதிக்கக் கூடாது என
தமிழக காங்கிரஸ் கட்சி தலைவர் கே.எஸ்.அழகிரி கண்டனம் தெரிவித்துள்ளார். தமிழக
மக்கள் 40 நாட்களாக மதுவை மறந்துள்ளனர். அரசு அந்த சூழலை குலைக்க வேண்டாம்.

தமிழ் இனம் உயர்வதற்கான ஒளிக்கீற்று தென்படுகிறது.மது அரக்கன் நம் மக்களின்
வருங்காலத்தை சிதைக்க அனுமதிக்க கூடாது என்று தெரிவித்துள்ளார்.

by **ayyasamy ram** Tue May 05, 2020 10:13 am

டிடிவி தினகரன்:

டாஸ்மாக் கடைகள் திறக்கப்படும் என்ற அறிவிப்பை தமிழக அரசு
திரும்ப பெற வேண்டும் என அம்மா மக்கள் முன்னேற்ற கழக
பொதுச்செயலாளர் டிடிவி தினகரன் கண்டனம் தெரிவித்துள்ளார்.

கொரோனாவால் பாதிக்கப்பட்டோரின் எண்ணிக்கை சென்னை
உட்பட தமிழகம் முழுவதும் நாள்தோறும் பல நூற்றுக்கணக்கில்
அதிகரித்து வரும் சூழலில், மதுக்கடைகளைத் திறப்பது மக்களின்
உயிரோடு விளையாடும் செயல்.

துளியும் பொறுப்பற்ற இந்த நடவடிக்கையைப் பழனிசாமி அரசு
உடனடியாக திரும்பபெறவேண்டும் என்று தெரிவித்துள்ளார்.

திருமாவளவன் :

மதுக்கடைகளைத் திறப்பது மக்களுக்குச் செய்யும் துரோகம்.
கொரோனாவின் கொடுமையை விடவும் கொடியது. ஓரிடத்தில்
கும்பல் கூடுவதற்கு வழிவகுப்பது கொரோனாவுக்குத் துணை
போவதாகும். வீட்டிலிருங்கள் என்று சொல்லிவிட்டு வீதிக்கு
வாருங்கள் என்பது முன்னுக்குப்பின் முரணாகும் என விடுதலை
சிறுத்தை கட்சி தலைவர் திருமாவளவன் கண்டனம்
தெரிவித்துள்ளார்.

கொரோனா பாதிப்புள்ள சூழலில் டாஸ்மாக் கடைகள்
திறக்கப்படுவது ஆபத்தானது; கண்டனத்திற்குரியது என
மார்க்சிஸ்ட் கம்யூனிஸ்ட் செயலாளர் கே.பாலகிருஷ்ணன்
கண்டனம் தெரிவித்துள்ளார்.

இதற்கிடையே, இதற்கு பல்வேறு தரப்பினர் தங்கள் எதிர்ப்பை
தெரிவிக்கும் விதமாக டுவிட்டரில்
#TASMAC #LiquorFreeIndia என்ற ஹஷ்டாக் டிரெண்டாகி
வருகிறது.
--
தினகரன்

தமிழகத்தில் நாளை மறுநாள் முதல் டாஸ்மாக் திறப்பு: பல்வேறு கட்சி தலைவர்கள் கண்டனம்

தமிழகத்தில் நாளை மறுநாள் முதல் டாஸ்மாக் திறப்பு: பல்வேறு கட்சி தலைவர்கள் கண்டனம்

Re: தமிழகத்தில் நாளை மறுநாள் முதல் டாஸ்மாக் திறப்பு: பல்வேறு கட்சி தலைவர்கள் கண்டனம்