காசு மேலே, காசு வந்து… !!

**ayyasamy ram** · **ayyasamy ram** Mon May 04, 2020 11:17 am

ஒருவன் ஒரு பிறப்பில் கற்ற கல்வி ஏழுபிறப்பிலும் தொடர்ந்து
வரும் என்று ஐயன் வள்ளுவர் கூறியிருக்கிறார். கல்வியும்
பாவபுண்ணியங்களும் தொடர்ந்து வரும். ஆனால் செல்வம்?

ஒரு பிறப்பில் பெற்ற செல்வம் அந்தப் பிறப்பு முழுதும் தொடர்ந்து
வந்தாலே அது பெரும் பேறு. ஓரிடத்தில் நில்லாமல் ”செல் செல்”
செல்வதால் அதற்குச் செல்வம் என்று பெயர் வந்ததோ!
இன்றைக்கு செல்வம் என்பது பணம் என்றாகி விட்டது.

அந்தப் பணம்(பொருள்) இல்லாதவர்க்கு இவ்வுலக வாழ்க்கை இல்லை
என்றும் ஐயன் வள்ளுவர்தான் கூறியிருக்கிறார். இந்த உலகத்தில்
பணம் இல்லையென்றால் எதுவும் செய்ய முடியாது. அந்தப் பணத்தை
வைத்து பழைய படங்களில் நிறைய பாடல்கள் வந்திருக்கின்றன.

ஏனென்றால் அந்த படங்களில் இயல்பான மனிதர்களின் எளிய
பிரச்சனைகள் சிறிதேனும் அலசப்பட்டன.

பணம் என்றே ஒரு திரைப்படம். அதற்கு முன் எம்.எஸ்.விசுவநாதன்
தனியாக இசையமைத்திருந்தாலும் மெல்லிசை மன்னர்கள்
இருவருமாக இணைந்து இசையமைத்த முதற்படம் பணம்.

அவர்கள் இசையில் இந்தப் படத்தில் ஒரு பாடல். கலைவாணர்
என்.எஸ்.கிருஷ்ணனே எழுதிப் பாடிய பாடலிது.

எங்கே தேடுவேன் எங்கே தேடுவேன்
பணத்தை எங்கே தேடுவேன்
உலகம் செழிக்க உதவும் பணத்தை எங்கே தேடுவேன்
அரசன் முதல் ஆண்டியும் ஆசைப்படும் பணத்தை
எங்கே தேடுவேன்
கருப்பு மார்க்கெட்டில் கலங்குகின்றாயோ
கஞ்சன் கையிலே சிக்கிக் கொண்டாயோ
கிண்டி ரேசில் சுத்திக் கிறுகிறுத்தாயோ
திருப்பதி உண்டியலில் சேர்ந்து விட்டாயோ
திருவண்ணாமலை குகை புகுந்தாயோ
தேர்தலில் சேர்ந்து தேய்ந்து போனாயோ
தேக சுகத்துக்காக ஊட்டி சென்றாயோ
---
நகைச்சுவையாக வரிகள் இருப்பது போலத் தோன்றினாலும்
பாடலில் பணம் பதுங்கியிருக்கும் இடங்கள் தெள்ளத்
தெளிவாகத் தெரியும். கலைவாணர் என்ற பெயர் பாடலை
எழுதியவருக்குப் பொருத்தமே.
-
----------------------------
நன்றி- ஜிரா( நாலு வரி நோட்டு)

**ayyasamy ram** · **ayyasamy ram** Mon May 04, 2020 11:19 am

**Dr.S.Soundarapandian** · **Dr.S.Soundarapandian** Mon May 04, 2020 11:30 am

திருப்பதி, திருவண்ணாமலை - இதைச் சொன்னால் பாய்வார்களே!

**ayyasamy ram** · **ayyasamy ram** Mon May 04, 2020 11:34 am

Dr.S.Soundarapandian wrote:திருப்பதி, திருவண்ணாமலை - இதைச் சொன்னால் பாய்வார்களே!

மேற்கோள் செய்த பதிவு: 1319109திருப்பதி
----
குபேரனிடம் கடன் வாங்கித்தான் பெருமாள் திருமணம் முடித்தாராம்.
அந்த கடனை அடைக்கத்தான் பக்தர்களிடமிருந்து உண்டியல்
காணிக்கை பெறுகிறார் என்று ஒரு தகவல் உண்டு...!!

Sponsored content · Sponsored content

காசு மேலே, காசு வந்து… !!

காசு மேலே, காசு வந்து… !!

Re: காசு மேலே, காசு வந்து… !!

Re: காசு மேலே, காசு வந்து… !!

Re: காசு மேலே, காசு வந்து… !!

Re: காசு மேலே, காசு வந்து… !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக