பொது நிகழ்ச்சியில் பங்கேற்றார் கிம் : 3 வார யூகங்களுக்கு முற்றுப்புள்ளி

பியோங்யாங்:
மர்ம தேசமான வட கொரியாவின் சர்வாதிகாரி கிம் ஜாங் உன்,
இதய பாதிப்பால் மரணப் படுக்கையில் இருப்பதாகவும், அவர் இ
றந்து விட்டதாவும் பல்வேறு யூகங்களில் செய்திகள் வெளியான
நிலையில் நேற்று திடீரென பொது நிகழ்ச்சியில் கலந்து
கொண்டதாக தகவல்கள் வெளியாகியுள்ளன.

வடகொரியாவை நிறுவிய கிம் இல் சுங்கின் பிறந்தநாள் விழா
ஏப்.15ம் தேதி சூரியனின் நாள் என்ற பெயரில் ஆண்டு தோறும்
விழாவாக கொண்டாடப்படும்.

இந்த விழாவில் வடகொரிய அதிபர் உள்பட உயர் அதிகாரிகள்
பங்கேற்பது வழக்கம். 2011ம் ஆண்டில் பதவியேற்றதில் இருந்து
முதன்முறையாக கிம் ஜாங் உன் பங்கேற்காமல் இருந்துள்ளார்.

முக்கியமான நிகழ்வில் கிம் பங்கேற்காதது அவரது உடல்நலம்
குறித்து சந்தேகத்தை கிளப்பியது.


எனினும் அண்டை நானா தென்கொரியா இணைய பத்திரிகையான
டெய்லி என்.கே., ஏப்.12ம் தேதி கிம் ஜாங் உன்னிற்கு இதய அறுவை
சிகிச்சை நடந்துள்ளதாக கூறியுள்ளது.

அதிகளவு புகைப்பிடித்தல், உடல்பருமன் மற்றும் அதிக வேலை
காரணமாக கிம்மின் இதய பாதிப்பு ஏற்பட்டது. தற்போது ஹியாங்சன்
கவுண்டியில் உள்ள ஒரு வில்லாவில் சிகிச்சை பெற்று வந்ததாகவும்,
கிம்மின் உடல்நிலை மோசமடைந்து வருவதாகவும் செய்திகள்
வெளியாகியுள்ளன.

மேலும் அவர் மூளைச்சாவு அடைந்துவிட்டதாகவும் கூறப்பட்டது.

இந்நிலையில் நேற்று கிம் ஜாங் உன் திடீரென பொது நிகழ்ச்சியில்
கலந்து கொண்டு யூகங்களுக்கு முற்றுப்புள்ளி வைத்தார்.
தலைநகர் பியோங்யாங் நகரில் உள்ள சன்ச்சூன் என்ற இடத்தில்
பிரம்மாணட உர தொழிற்சாலை திறப்பு விழாவில் கிம் ஜாங் உன்,
தனது சகோதரியுடன் கலந்து கொண்டு ரிப்பன் வெட்டியதாக
மத்திய கொரியன் செய்தி ஏஜென்சி புகைப்படங்களுடன் செய்தி
வெளியிட்டுள்ளது.

இதன் மூலம் கடந்த மூன்று வாரங்களாக கிம் பற்றிய பல்வேறு
செய்திகள் வெளியான நிலையில் நேற்று திடீரென பொதுநிகழ்ச்சியில்
கலந்து கொண்டது பரபரப்பை ஏற்படுத்தியுள்ளது.

தினமலர்

2014 இல் 40 நாட்கள் காணாமல் போய் திரும்ப வந்தார். இப்போதும் கூட எல்லாம் யூகம் தான்.