பாவங்கள் திரும்பி வரும்

by **Admin** Fri Sep 26, 2008 3:11 am

மனிதன் மண்ணாசை கொண்டு பாவச் செயல்களுக்கு தன்னை அடிமையாக்குகிறான். ஆனால் விவிலியமோ பாவத்தின் சம்பளம் மரணம் எனப் போதிக்கிறது. பாவத்தின் பலனாக தேவனின் தீர்ப்பு எப்படியிருக்கும். பின்வரும் கதையைப் படியுங்களேன்.

சமாரியாவின் அரசன் ஆகாப். அவனது அரண்மனை அருகில் நாபோத் என்பவனின் திராட் சைத் தோட்டம் இருந்தது. அரசன் ஆகாப் பக்கத்து தோட்டக்காரன் நாபோத்திடம், அரண்மனை காய்கறி தோட்ட விரிவாக்கத்திற்கு உனது திராட்சை தோட்டம் எனக்கு வேண்டும் எனக் கேட்டான்.

நான் இதைவிட வளமான வேறு திராட்சை தோட்டம், வேறு இடத்தில் உனக்குச் தருவேன் என்றும் கூறினான். ஆனால் மூதாதையர் சொத்து என்பதால் ஆகாப்பின் வேண்டுகோளை மறுத்தான் நாபோத்.

அரண்மனை சென்ற ஆகாப் கட்டிலில் கவலை யோடு படுத்தான். ஆகாப்பின் மனைவி ஆறுதல் படுத்தி, நானாயிற்று, அந்த திராட்சைத் தோட்டத்தை உம் வசம் ஒப்படைப்பேன் என்றாள். சதி திட்டம் தீட்டினாள். உடனே திட்டம் செயல்படுத்தப்பட்டது. பக்கத்து தோட்டத்துக்காரன் மீது வீண்பழி சுமத்தி, அவனை கல்லால் எறிந்து கொல்ல ஏற்பாடு செய்தாள். அது அவ்வாறே நிறைவேறியது. திராட்சைத் தோட்டம் மன்னனின் வசமானது.

by **Admin** Fri Sep 26, 2008 3:12 am

ஆண்டவர் தீயச்செயலை வெறுக்கிறவர். சமூக நீதிக்காக இறைவாக்கினர் வழி குரல் கொடுப்பவர். தனது ப்ரியமான இறைவாக்கினர் எலியாவை அழைத் தார். எலியாவிடம், நீ புறப்படு, சமாரியாவிலிருந்து ஆட்சி செய்யும் இஸ்ரயேலின் அரசன் ஆகாபை போய் பார், அவன் நாபோத்தின் திராட்சைத் தோட்டத்தைத் தன் உடமையாக்கிக்கொள்ள அங்கு போயிருக்கிறான். நீ அவனிடம் சொல்லவேண்டியது ஆண்டவர் இவ்வாறு கூறுகிறார்„ நீ கொலை செய்து, கொள்ளையடித்திருக் கிறாய் இல்லையா? எனவே, உனக்கும் மரணம் நிகழும். நாய்கள் நாபோத்தின் இரத்தத்தை நக்கிய அதே இடத்தில் அவை உனது இரத்தத்தையும் நக்கும் எனக் கூறினார்.

by **Admin** Fri Sep 26, 2008 3:12 am

தீர்க்கதரிசி எலியாவழி இறை குரலை கேட்ட ஆகாப் ஆடைகளை கிழித்துக்கொண்டு, வெற்றுடல் மீது சாக்கு உடை உடுத்தி, அழுது மன்னிப்பிற்கு மன்றாடினான். இறைவன் வருந்தி பாவ மன்னிப்பு கேட்கிற மக்களுக்கு மன்னிப்பு வழங்குகிறார். அவனது வாழ்நாளில் தீமை வராமல் காப்பேன் என்கி றார். ஆனால் நடந்தது என்ன?

by **Admin** Fri Sep 26, 2008 3:12 am

காலங்கள் கடந்தோடின. சிரியா நாட்டு மன்னன் சமாரியா மீது படையெடுத்தான். போர் நடந்தது. ஆகாப் மீது அம்பு பாய்ந்தது.

ஆகாப் போர் முனையில் கூக்குரலிட்டான். தேரைத் திருப்பி போர் முனையிலிருந்து வெளியே என்னை கொண்டுபோ ஏனெனில் நான் காயமுற்றி ருக்கிறேன். என்றான். அன்று முழுவதும் போர் தீவிரமாய் இருந்ததால் தேரிலேயே சிரியருக்கு எதிரே நிறுத்திவைக்கப்பட்டான். அவனது காயத்திலிருந்து இரத்தம் வழிந்து தேரின் அடித்தளத்தை நனைத்தது. அன்று மாலையே அவன் இறந்தான்.

அரசன் இறந்து சமாரியாவிற்கு கொண்டுவரப்பட்டான். சமாரியாவில் அவனை அடக்கம் செய்தனர். சமாரியக் குளத்தில் அவனது தேரையும் கவசத் தையும் கழுவினர். ஆண்டவரின் வாக்கின்படியே நாய்கள் அவனது இரத்தத்தை நக்கின ஆம் நாம் செய்யும் பாவங்கள் நமக்கே திரும்பும். ஆகாப் திருந்தி மனம் வருந்தினாலும் இறைவாக்கு நிறைவேறியது. ஆகவே நாம் சிறிதும் பாவம் செய்யாமலிருக்க, பாவ எண்ணங்கள் சூழ்ந்திடாதிருக்க மனம் வருந்தி தேவனை மன்றாடுவோம்.

by Sponsored content

பாவங்கள் திரும்பி வரும்

பாவங்கள் திரும்பி வரும்

இறைவனின் குரல்

இறைவனின் மன்னிப்பு

தீர்க்கதரிசனம் நிறைவேறியது

Re: பாவங்கள் திரும்பி வரும்