ரேபிட் கிட் கருவிகள் பயன்படுத்துவதை நிறுத்த உத்தரவு

**ayyasamy ram** · **ayyasamy ram** Mon Apr 27, 2020 7:03 pm

twitter sharing button
whatsapp sharing button
1
புதுடில்லி :
ரேபிட் கிட் கருவிகளை பயன்படுத்துவதை நிறுத்தும்படி
அனைத்து மாநிலங்களுக்கும் ஐசிஎம்ஆர் உத்தரவிட்டுள்ளது.

இது தொடர்பாகஇந்திய மருத்துவ ஆராய்ச்சி கவுன்சில்
(ஐ.சி.எம்.ஆர்.,) அனைத்து மாநிலங்கள் மற்றும் யூனியன்
பிரதேசங்களின் தலைமை செயலாளர்களுக்கு எழுதிய கடிதத்தில்
கூறியுள்ளதாவது:

கொரோனா தொற்றை கண்டறிய பிசிஆர் கருவிகளே சிறந்தது
என ஐசிஎம்ஆர் பரிந்துரை செய்கிறது. இந்த கருவி, விரைவில்
வைரஸ் தொற்றை கண்டறிவதுடன், பாதிக்கப்பட்ட நபரை
துல்லியமாக கண்டறிந்து தனிமைப்படுத்த உதவுகிறது.

பல மாநிலங்கள், தங்களது தேவைக்கு ஏற்ப ரேபிட் கிட் கருவிகளை
கொள்முதல் செய்துள்ளது. ஐசிஎம்ஆர் அமைப்பும், கண்காணிப்பு
பணிக்கு மட்டுமே பயன்படுத்த வேண்டும் என்ற அறிவுரையுடன்
இந்த கருவிகளை மாநிலங்களுக்கு வழங்கியுள்ளது.

அந்த கருவிகள் மூலம் பரிசோதனை மேற்கொண்ட பல மாநிலங்கள்,
கருவியில் பிரச்னை உள்ளதாக தெரிவித்தன.

இதனையடுத்து, குவாங்சு உண்ட்போ டயோடெக் மற்றும்
ஹூகாய் லிவ்சன் டயாக்னஸ்டிக்ஸ் நிறுவனங்களிடம் இருந்து
கொள்முதல் செய்யப்பட்ட ரேபிட் கருவிகள் ஆய்வு
செய்யப்பட்டது.

அதில், கோளாறு இருப்பது தெரியவந்தது. இதனை கருத்தில்
கொண்டு, மேற்கண்ட நிறுவனங்களிடம் இருந்து கொள்முதல்
செய்யப்பட்ட கருவிகளை பயன்படுத்துவதை நிறுத்திவிட்டு,
அதனை, சம்பந்தப்பட்ட நிறுவனங்களுக்கு திருப்பி அனுப்ப
வேண்டும். இவ்வாறு அந்த சுற்றறிக்கையில் கூறப்பட்டுள்ளது.

தினமலர்

ரேபிட் கிட் கருவிகள் பயன்படுத்துவதை நிறுத்த உத்தரவு

ரேபிட் கிட் கருவிகள் பயன்படுத்துவதை நிறுத்த உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக