டிரம்ப்பின் கிண்டல் பேச்சால் எழுந்த நையாண்டி:

**ayyasamy ram** · **ayyasamy ram** Mon Apr 27, 2020 7:37 am

வாஷிங்டன்

:தான் கிண்டலாகப் பேசியதை கிண்டல் செய்ததால், செய்தியாளர்கள்
சந்திப்பையே, அமெரிக்கா அதிபர், டொனால்டு டிரம்ப் நிறுத்தி விட்டார்.

'கொரோனா' வைரஸ் தடுப்பு நடவடிக்கைகள் குறித்து, அமெரிக்க
அதிபர், டொனால்டு சமீபத்தில் அளித்த பேட்டியில், கொரோனா 'வைரஸ்
பாதித்த நோயாளிகளுக்கு, கிருமி நாசினியை ஏன் ஊசி மூலம் செலுத்தக்
கூடாது;
ஏன் புற ஊதாக் கதிர்களை உடலுக்குள் செலுத்தி சிகிச்சை அளிக்கக்
கூடாது!' என, டிரம்ப் கேள்வி எழுப்பினார்.

இது மருத்துவ நிபுணர்கள் உள்பட, பல்வேறு தரப்பினரை
அதிர்ச்சிக்குள்ளாக்கியது.

டிரம்ப் பேச்சை, பலரும் கிண்டல் செய்யத் துவங்கினர். '
நான் கிண்டலாகத் தான் அவ்வாறு கூறினேன்' என டிரம்ப், மறுநாள்,
விளக்கமும் அளித்திருந்தார்.

ஆனாலும், பல்வேறு தரப்பினர் நையாண்டியைத் தொடர்ந்ததால்,
மக்களிடையே டிரம்பின் செல்வாக்கு சரியத் துவங்கியது.

அதையடுத்து, நாள்தோறும் அளிக்கும் பேட்டியை, அவர் நிறுத்த
உள்ளதாக செய்திகள் வெளியாகின. அதற்கேற்றார்போல், நேற்று
முன்தினம், டிரம்பின், பத்திரிகையாளர் சந்திப்பு ரத்து செய்யப்பட்டது.

சமூக வலை தளத்தில் வெளியிட்டுள்ள செய்தியில், டிரம்ப்
கூறியுள்ளதாவது:

பத்திரிகையாளர் சந்திப்பை நடத்தி என்ன பயன்? தேவையில்லாத,
துாண்டும் வகையிலான கேள்விகளையே, பத்திரிகையாளர்கள்
கேட்கின்றனர். உண்மையை, துல்லியமாக வெளியிடவும் மறுக்கின்றனர்.

பத்திரிகைகளுக்கு, 'ரேட்டிங்' கிடைக்கிறது. ஆனால் மக்களுக்கு,
பொய் செய்திகள் மட்டுமே கிடைக்கிறது. பேட்டிக்காக நேரத்தை
செலவிடுவது வீண். அதனால், பேட்டி அளிப்பதை நிறுத்தியுள்ளேன்.
இவ்வாறு, அவர் கூறியுள்ளார்.

தினமலர்

**பழ.முத்துராமலிங்கம்** · 27/09/2015

Code:: பத்திரிகையாளர் சந்திப்பை நடத்தி என்ன பயன்? தேவையில்லாத, துாண்டும் வகையிலான கேள்விகளையே, பத்திரிகையாளர்கள் கேட்கின்றனர். உண்மையை, துல்லியமாக வெளியிடவும் மறுக்கின்றனர். பத்திரிகைகளுக்கு, 'ரேட்டிங்' கிடைக்கிறது. ஆனால் மக்களுக்கு, பொய் செய்திகள் மட்டுமே கிடைக்கிறது. பேட்டிக்காக நேரத்தை செலவிடுவது வீண். அதனால், பேட்டி அளிப்பதை நிறுத்தியுள்ளேன். இவ்வாறு, அவர் கூறியுள்ளார்.

இது என்னவோ உண்மை தான் பத்திரிக்கை நண்பர்கள் மற்றும் இந்த நெறியாளர்கள்
தங்களை பெரிய அதிபுத்திசாலி போல் நடிப்பதை காணும் போது தீயா எரியும் . காசு வாங்கி கொண்டு எப்படி வேண்டுமானாலும் செய்தியை திரித்து போடக் கூடிய கூட்டமே அதிகம் . உண்மையான செய்தி இருட்டிப்பு செய்யப் படும் . டிவியில் பேட்டி என்ற பெயரில் சொல்லிக் கொடுத்து அடி பிசகாமல் பேசச் சொல்வார்கள் . இதில் கைதேர்ந்தவர்கள் சன் டிவி மற்றும் கலைஞர் டிவி இதை கூறுவதில் தப்பில்லை என்று நினைக்கிறேன் தவறாக என்று எண்ணினால் நீக்கி விடவும் .

Guest · Guest Mon Apr 27, 2020 1:23 pm

அவரின் அன்றைய பேச்சில் -காணொளி- வெளிப்புறத்தில் கிருமி நாசினி கொண்டும் UV கதிர்களைக் கொண்டும் கிருமிகள் அழிப்பது போல் உள்ளே ஏன் அப்படி ஏதாவது கொண்டு அழிக்கக் கூடாது என கேள்வி எழுப்பி விட்டு,நான் டாகடர் அல்ல... அதனால் இப்படி ஏதாவது ஆராச்சி செய்து கண்டு பிடிக்கலாமே என்று கூறினார். ஆனால் ஊடகங்கள் .........?

**T.N.Balasubramanian** · **T.N.Balasubramanian** Mon Apr 27, 2020 6:59 pm

ஐயோ பாவமே .
சில பேர்களுக்கு செரிஸ்மா என்ற ஒரு கவர்ச்சி உண்டு.
எது சொன்னாலும் எடுபடும்.
சில பேருக்கு எதிர்மறை. திரித்து விடுவார்கள்.

பாவம் . தேர்தல் ஆண்டு வேறு.தப்பித்து விடுவார் என்றே கூறுகின்றனர்.

ரமணியன்

Sponsored content · Sponsored content

டிரம்ப்பின் கிண்டல் பேச்சால் எழுந்த நையாண்டி:

டிரம்ப்பின் கிண்டல் பேச்சால் எழுந்த நையாண்டி:

Re: டிரம்ப்பின் கிண்டல் பேச்சால் எழுந்த நையாண்டி:

Re: டிரம்ப்பின் கிண்டல் பேச்சால் எழுந்த நையாண்டி:

Re: டிரம்ப்பின் கிண்டல் பேச்சால் எழுந்த நையாண்டி:

Re: டிரம்ப்பின் கிண்டல் பேச்சால் எழுந்த நையாண்டி:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக