அமெரிக்க மாகாணங்களை புரட்டிப்போட்ட சக்தி வாய்ந்த புயல்- 7 பேர் பலி

அமெரிக்காவை இயற்கை பேரிடர்களும் தங்கள் பங்குக்கு திணறடித்து
வருகின்றன. கடந்த வாரம் அமெரிக்காவின் தெற்கு மாகாணங்களை
சக்தி வாய்ந்த புயல் புரட்டிப்போட்டது.

மிசிசிப்பி, டெக்சாஸ், அலபாமா, லூசியானா ஆகிய மாகாணங்களை
புயல் தாக்கியதை தொடர்ந்து, கனமழை கொட்டியதால் வெள்ளப்பெருக்கு
ஏற்பட்டது. புயல் மற்றும் வெள்ளத்தில் சிக்கி 26 பேர் பலியாகினர்.

இந்த பாதிப்பில் இருந்து மக்கள் மீண்டு வருவதற்குள் அமெரிக்காவின்
தெற்கு மாகாணங்களை நேற்று முன்தினம் புயல் மற்றும் சூறாவளி
கடுமையாக தாக்கியது. ஒக்லஹோமா, டெக்சாஸ் மற்றும் லூசியானா
ஆகிய மாகாணங்களில் மணிக்கு 144 கி.மீ. வேகத்தில் புயல் காற்று
சுழன்றடித்தது.

புயலை தொடர்ந்து, பயங்கர சூறாவளி காற்றும் வீசியது. புயல் மற்றும்
சூறாவளியில் சிக்கி நூற்றுக்கணக்கான மரங்கள் வேரோடு சாய்ந்தன.
இதனால் போக்குவரத்து துண்டிக்கப்பட்டுள்ளது.

மேலும் மின்கம்பங்கள் சரிந்து விழுந்து, மின்சாரம் துண்டிக்கப்பட்டதால்
1 லட்சத்துக்கும் அதிகமான வீடுகள் இருளில் மூழ்கின. இதனால்
மக்களின் இயல்பு வாழ்க்கை முடங்கியது.

இதனிடையே, புயல் மற்றும் சூறாவளியை தொடர்ந்து, மேற்கூறிய
3 மாகாணங்களிலும் இடைவிடாது கனமழை கொட்டியது.
பல இடங்களில் பெரிய அளவில் ஆலங்கட்டி மழை பெய்ததாகவும்
தெரிகிறது.

கனமழையால் நீர்நிலைகளில் வெள்ளப்பெருக்கு ஏற்பட்டு, ஊர்களுக்குள்
தண்ணீர் புகுந்தது. சாலைகளில் வெள்ளம் கரைபுரண்டோடுகிறது.
3 மாகாணங்களில் 100-க்கும் மேற்பட்ட வீடுகள் வெள்ளத்தில்
மூழ்கியுள்ளன.

புயல் மற்றும் வெள்ளத்தில் சிக்கி 2 பெண்கள் உள்பட 7 பேர் உயிரிழந்ததாக
அங்கிருந்து வரும் தகவல்கள் தெரிவிக்கின்றன. மேலும் 100-க்கும்
மேற்பட்டோர் படுகாயம் அடைந்தனர். பலர் மாயமாகி உள்ளனர்.

புயல் பாதித்த பகுதிகளில் மீட்பு குழுவினர் குவிக்கப்பட்டு முழு வீச்சில்
மீட்பு பணிகள் நடந்து வருகின்றன. இந்த ஆண்டின் தொடக்கத்தில் இருந்து
தற்போது வரை அமெரிக்காவின் தெற்கு மாகாணங்களை 12 புயல்கள்
தாக்கியதும், இதில் 76 பேர் பலியானதும் குறிப்பிடத்தக்கது.
-
------------------------------மாலைதலர்

அமெரிக்காவில் புயலும் சொல்லுக் கேட்பதில்லை,மக்களும் கேட்பதில்லை. இவ்வளவு கொரொனா இழப்பு வந்தும் கூட கூட்டம் கூடுவதை மக்கள் நிறுத்தவில்லை.அமெரிக்க ஜனநாயகம் பொலீசாரின் கைகளை கட்டுப் போட்டிருக்கிறது.

மாலைதலர் என்று ஒரு ஊடகமா? சொல்லவே இல்லை ராம் சார்!

சக்தி18 wrote:மாலைதலர் என்று ஒரு ஊடகமா? சொல்லவே இல்லை ராம் சார்!

மேற்கோள் செய்த பதிவு: 1318202
-
மாலைமலர் என்பதுதான் மாலைதல என பதிவாகி விட்டது!
-
ஏபரல் 9 ந் தேதி என்னுடைய மூக்கு கண்ணாடி தொலைந்து விட்டது
மூக்கு கண்ணாடி தேவை என்பது அத்தியாவசிய அயிட்டம் இல்லை
என்று அரசு கருதியதால், அந்த கடைகள் மே 4 ந் தேதி தான்
திறக்கப்படுமாம்...!!
-
அதனால் அதுவரை எனது பதிவுகளில் எழுத்துப்பிழை காணப்பட்டால்
ஈகரை வாசகர்கள் திருத்தி வாசித்துக்கொள்ள கோரப்படுகிறார்கள்..!!

அய்யய்யோ எழுத்துப் பிழை என சுட்டிக் காட்டி சொல்லவில்லை ராம் சார்.உண்மையிலேயே அப்படி ஒன்று இருக்கா என எண்ணியே பதிவிட்டேன்.இப்போதெல்லாம் எப்படியெல்லாம் பெயர் போடுகிறார்கள்.ஈகரையிலேயே எப்படியெல்லாம் பெயர் வருகிறது.

[quote="ayyasamy ram"]
-
ஏபரல் 9 ந் தேதி என்னுடைய மூக்கு கண்ணாடி தொலைந்து விட்டது
மூக்கு கண்ணாடி தேவை என்பது அத்தியாவசிய அயிட்டம் இல்லை
என்று அரசு கருதியதால், அந்த கடைகள் மே 4 ந் தேதி தான்
திறக்கப்படுமாம்...!!
-
ராம், இதற்கு முன் உபயோகப்படுத்திய கண்ணாடி வீட்டில் இருந்தால் 
அதை உபயோகப்படுத்தவும்.
வீட்டை விட்டு வெளியே போயிருக்கமாட்டீர்கள்.வீட்டிலேயே நீங்கள் அதிகம் புழங்கும் 
இடங்களில் தேடவும்.
அல்லது அரை காசு அம்மனுக்கு வேண்டிக்கொள்ளவும்.(நம்பிக்கை இருந்தால்)

ரமணியன்

சக்தி18 wrote:அய்யய்யோ எழுத்துப் பிழை என சுட்டிக் காட்டி சொல்லவில்லை ராம் சார்.உண்மையிலேயே அப்படி ஒன்று இருக்கா என எண்ணியே பதிவிட்டேன்.இப்போதெல்லாம் எப்படியெல்லாம் பெயர் போடுகிறார்கள்.ஈகரையிலேயே எப்படியெல்லாம் பெயர் வருகிறது.

மேற்கோள் செய்த பதிவு: 1318219
-

உங்கள் மறுமொழியின் நோக்கம் புரிந்தே
நான் விளக்கம் அளித்தேன்!!
அதனால் மன்னிக்க வேண்டிய குற்றம் ஏதமில்லை!!
-
ஒரு நகைச்சுவை:-
----------------
ஒரு செல்வந்தர் புதிதாக பொன்னாலான காப்பினை
கையில் கட்டியிருந்தாராம். ஆனால் அது குறித்து
யாருமே விசாரிக்காதது ரொம்ப வருத்தமாக போய்விட்டது.
-
சிறிய வைக்கோல் போருக்கு தீ வைத்து விட்டார்...
தீயை அணைக்க வந்த கூட்டத்தில் ஒருத்தி மட்டும்
தீ ஜவாலையில் அவரது கையில் கட்டியிருந்த
பொன் காப்பு ஜொலித்தது கவனித்து, அது குறித்து
விசாரித்தாளாம்....!
-
ஆமாம், இது புதிசுதான்...யாருமே விசாரிக்காததால்
ஒரு வைக்கோல் போர் நஷ்டமாகி விட்டது என்றாராம்!
-
--------------------------------
நீதி:-

நம்ப லாப நஷ்டங்களை பகிர்ந்து கொள்ள உறவு தேவை!!