அக் ஷய திருதிக்கு இணையதளத்தில் தங்கம் விற்பனை

-
சென்னை:
அக் ஷய திருதியை முன்னிட்டு நகை கடைகள் இணையதளம்
வாயிலாக தங்கம் விற்பனை செய்ய உள்ளன.

தமிழகத்தில் அக் ஷய திருதியை தினத்தில் தங்கம் வாங்கினால்
தங்களிடம் உள்ள செல்வம் மேலும் பெருகும் என்ற நம்பிக்கை
பலரிடமும் உள்ளது. இதனால் ஆண்டு தோறும் அக் ஷய திருதியை
அன்று தங்கம் விற்பனை அமோகமாக நடக்கும்.

ஏப். 26ம் தேதி அக் ஷய திருதியை வருகிறது. ஊரடங்கால் அடுத்த
மாதம் 3ம் தேதி வரை நகை கடைகள் திறக்கப்படாது. இந்நிலையில்
நகை கடைகள் அக் ஷய திருதியை முன்னிட்டு இணையதளம்
வாயிலாக தங்கம் விற்பனை செய்கின்றன.

இதுகுறித்து சென்னை தங்கம் மற்றும் வைர நகை வியாபாரிகள்
சங்க தலைவர் ஜெயந்திலால் சலானி கூறியதாவது: தமிழகத்தில்
தங்கத்தை ஆபரணங்களாக வடிவமைக்கும் தொழிலில் ஒரு லட்சம்
பொற்கொல்லர்கள் ஈடுபட்டு உள்ளனர்.

ஊரடங்கால் நகை கடைகள் மூடப்பட்டு உள்ளதால் பொற்கொல்லர்களின்
வாழ்வாதாரம் கடுமையாக பாதிக்கப்பட்டு உள்ளது.
ஒருவருக்கு 1500 ரூபாய் என நகை கடை உரிமையாளர்களின் சார்பில்
10 கோடி ரூபாய் அளவுக்கு நிதி உதவி வழங்கப்பட்டு உள்ளது.

இந்த நிதி அவர்களின் குடும்ப தேவைகளை முழுவதுமாக பூர்த்தி செய்ய
போதாது. எனவே அக் ஷய திருதியை முன்னிட்டு நகை கடைகள்
இணையதளம் வாயிலாக நகைளை விற்பனை செய்ய உள்ளன.

அதன்படி இணையதளத்தில் தங்கம் வாங்கும் தேதியில் என்ன விலை
நிலவுகிறதோ அந்த விலைக்கு பணம் செலுத்த வேண்டும். அவர்களின்
வீட்டுக்கு ஒரு ஆவணம் அனுப்பப்படும்.

ஊரடங்கு விலக்கி கொள்ளப்பட்டு நகை கடைகள் திறக்கப்பட்டதும்
அந்த ஆவணத்தை எடுத்து வந்து தங்கத்தை பெற்று கொள்ளலாம்.
அன்று என்ன விலை இருந்தாலும் இணையதளத்தில் வாங்கிய தேதியில்
உள்ள விலைக்கே தங்க நாணயங்கள் வழங்கப்படும்.

ஆபரணமாக இருந்தால் இணையதளத்தில் வாங்கிய விலையே கணக்கில்
கொள்ளப்படும்; செய்கூலி மட்டும் மாறுபடும். இவ்வாறு அவர் கூறினார்

தினமலர்

சந்தையில் ஒரு வியாபாரி கூவிக்கொண்டே இருந்தான்.
" அங்கே இங்கே எல்லாம் போய் ஏமாறாதீர்கள்..
என்கிட்டே வாங்க "

ரமணியன்